2 PITAR 2:15 - KARANU KABI SAMTAM

¹⁵ Kasang pwidi gotei rat toi aisii ahnyiinii dhiisii tat tutakle, kashyii tha katii kito liipat kamarei, Beor nah sapfii mpou Balam mah pwidi tei ahnyiinii swiwo takle.

2 PITAR 2:15 Referans Kwoze

MATIMANGOU KAPYII 2:14

Nlenii go phyiiryiikii Inii mazhii karou chengniikii leile: gonyii kak kito mei kangkii Balam mah karali taiswisii, tingtu paramgo pyiitoi kalei chiitak tei ahnyiinii chiimatu tang karam jangpii sateichii sapwimei sapfiimei kashyii kahong tha tiimatu tang karam jangpii Isrelmeinah doikii sadoi kashyii ai kai matutang karam jangpii Balakgo ralipyii takle.

JUD DATO KAGONG CHITI JUKAMATI 1:11

Ahnyii jangpiinii kadaziikapii kamagepo! Kadapokii Ken mah pwidi tei ahnyiinii swiwo takle, sana jangpii Balam mah kama kiteikii ahnyii roinapii ahnyiigo pyii aitakle, Koranii rangkapa takumpii ahnyiinii rangpale sateichii Kora takumpii ahnyiigo tiimaga aitakle.

2 PITAR 2:13

Sateichii ahnyiinii kamage kalak tii ka-mpat jangpii ahnyiigo kamage kalak teipii pow ruitangle. Tingna kava kito mah kata hangninii tiisii ahnyiimah pum- zainii kamarei ka-ntha hang gotei kashaat pyiitang karam tei ahnyii jangpii kasamou teile; ahnyiinii gonyiigo kaswisii malotdo chii njoile, nlenii ahnyiimah jairali teinii ka-nrou ninado kasangam teile. Gonyiigo kasang kasu sam tamsii hem kalei kiteito ahnyiinii samousii bamle!

TIILAMLWI KAPYIIMEI THA JUKAMATI 13:10

“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo?

TIILAMLWI KAPYIIMEI THA JUKAMATI 1:18

Judasnii kashyii tha katii kito doukalu sana teipiinii lubam hang- ninii lyii wotakle sateichii teito mpou tai takle, mpou moi pak takle ninado arailungnak kalei kaga tei longpat takle.

METIU 26:9

Kadapokii kamanuk thao ai mai bisii joi takpokii, mah kagameigo pyii wobuile.”