2 PITAR 1:8 - KARANU KABI SAMTAM

⁸ Kadapokii aihang ai gonyiimah tiisii tangkasu tiisuleponii, nyii Bangpii Jisu Kris- tago matwi mashangsii titang karam jangpii aihang ainii gonyiigo tiikamahat ninado ti mati matu kasu tei tiilakle.

2 PITAR 1:8 Referans Kwoze

TAITAS 3:14

Sateichii nyiimah mei hang teinii tikasu tiimatulak tang karam jangpii, pat kalak liit kalak kito tiiha tang karam jangpii kabi tha katii kiteikii nyiihang mah tinglang tei pyiirali matulo.

KOLOSIMEI 3:16

Kristamah samtam tei gonyii lung kito moisii leimatulo, swirek kabi hang kito hangninanii hangniniigo ralipyiilo sateichii dwisii tiimajyii tiimatui pyiilo, sateichii Saraago tam kamatoi lhii, Saraago kamata lhii ninado rangii lhii hang- teipii gonyiihang lung kito Saraago hakalang katam teipii lhii tei tiilo.

JONNII KARYII KABI RASAM JUKAMATI 15:2

Gudato kalei ti mati kasu kha hang gotei mpounii tat toileile, sateichii ti kamati kha hang gotei kisii ti mati matutang karam jangpii mpounii tiimateile.

HEBRUMEI 6:12

gonyii hangnii kalui katang maning malum katu tiigatpii lung leh kati katang tei lungliit katu tei katang gonyiinii tiikamangou nyiinii mareile.

PILIPIMEI 1:9

Kasang swirek kabi ninado lungswi kati kangouhang tei kaswisii gonyii mah lungkasyii tei kisii kisii dibuibui matu tang karam jangpii Inii riitale;

1 THESOLONIKAMEI 4:1

Kalui kito, kangsanamei, gonyii- nii kada takumpii lung tangpo, sateichii kada takumpii Saraa dzyii karanga tiitangpo katu nyii dato gonyiinii doukalu takumpii, sateichii gonyiinii tiido tiisii kalei takumpii, gonyiinii kisii kisii tiimatu tang karam jangpii Bangpii Jisu zei kito nyiinii gonyiigo khangdo khang leile sateichii katwido katwi leile.

1 KORENMEI 15:58

Teijangpiinii Gu kangsanamei, gonyii mah tha tiikalei tei Bangpii dato kadak makle katu tei tisii, gonyii sangtingsii, nlaisupiinii Bangpii mah tha katii kito tinglang kaleita tiilo.

2 PITAR 1:2

Saraago sateichii nyii Bangpii Jisugo mashangsii kati kito jumage kapyii ninado kamajung tei gonyii dato moibui matulo.

PHILIMON 1:6

Gumah kariita teinii kamalum meihang tiisii nyiinii n-go nja katu aipiinii Kristago njasii hangninii tiikalu nyiimah tiilung kito doukalu satoi hangmah kaang kito tuksii kati tei poigong matutang karam aile,

2 THESOLONIKAMEI 1:3

Kangsanamei, gonyii jangpii tinglang kaleita nyiinii Saraago hakalang tam tang karamle. Ai ai nyiinii tiimajyiile, kadaponii gonyii- mah kamalum tei hangkapii dikhiisii leile sateichii gonyiihang mei hang- ninanii hangniniigo kalungsyii katu tei dibuibuisii leitakle.

PILIPIMEI 2:5

Krista Jisu dato kalei lungswi tei gonyii datodo leimatulo.

2 KORENMEI 13:5

Gonyii mah kamalum kito gonyiinii satsii leimanii leimakpo, katu jutang karam jangpii, Gonyii roinapii jaijulo. Kristanii gonyii dato leile katu gonyiinii timakpo? jaikaju tei gonyiinii kasangpii kadoupeilak kasuta!

KOLOSIMEI 2:7

Gonyiimah maa tei mpoudato tuksii bamlo, mpou gamkii gonyiimah tiilung tei tiimakhiilo sateichii gonyiimah kamalum kito teibui builo sateichii hakalang katam teipiinii tokryiilo.

2 KORENMEI 9:14

Sateichii kaki jumage kapyii satoi tei Saraanii gonyiigo mangou kapyii jangpii gonyiinii tuksii lungkasyii teipii ahnyiinii gonyii jangpii riita tangle.

2 KORENMEI 8:2

Katunii, Mesidoniya kito kalei nyiigo njoi katu kamalum meihangnii tampei kalak kamage kalak tei dousii bamle, nlenii tinglang kaleita ahnyiinii hangkapii ntasii bamle. Ahnyii teinii tampei kalak tiisii mahdo gasii bamle, nlenii ahnyiinii meigo lungsyii tile.

1 TIMOTHI 5:13

Teiphyiiryiito ahnyiinii ki hangninii kito ki hangninii ki tatpat tatliitsii ahnyiimah tinglang tei mahatsii tiikakadak tei ralitule, sa- teichii kamahat teiroi supii, ahnyiinii tamlak tang karam sam tamsii, kasampei sateichii siiha kahapwi teido tiitule.

1 THESOLONIKAMEI 3:12

Sateichii nyiinii gonyiigo lungkasyii takumpii, gonyii mei hangninanii hangniniigo sateichii meihang go gonyiimah lungkasyii katu tei Bangpiinii tii m-moipyiisii kisii kisii moi matulo.

2 KORENMEI 8:7

Mahlyii hang kito gonyiinii Kristen kaki- meihang doireile: Gonyiinii Krista dakii kamalum kito, Gonyiinii kabi rasam tam ka-mpat kito, gonyiinii kasang swirek kati kito, gonyiinii nga ngakanyii kito, sateichii gonyiinii nyii jangpii lungkasyii kito. Teijangpiinii Kristenmei mah lungkasyii tha ki aitodo Inii gonyiigo kakimei doi reimatu nyiile.

ROMMEI 12:11

Tha teisii tiilo sateichii mahatshyii sulo, lung matum madum pyiisii Saraa nga ngalo;

JONNII KARYII KABI RASAM JUKAMATI 5:42

Nlenii gonyii lung kito Saraago lungkasyii tei gale katu Inii tile.

METIU 25:26

“Nlenii mpou mah apumpii teinii mpougo khekalatle, ‘Kashyii ninado mahat kashyii kikaleipii! Inii lingkai kasu nito Inii rachetle, sateichii Inii lwi marou kasu nito Inii poi nkomle katu nang tipo?

METIU 20:6

Sa- teichii pung mangii doukii mpounii salikijang tat kapat tinglang kak, teikito mei kangka mah kado tiisupii satjousii kalei tei mpounii ngou wosii, mpounii ahnyii dakii tamle, ‘Gonyiinii aikito mah kado tiisupii tingna majang kadajangpii tinglang tiikadaksii leipo?’

METIU 20:3

Sateichii pung sokchyii ki mpounii saliki kajang tatpat loisanii mei kangka teikito makado tiisupii satsii kalei tei mpounii ngou wotakle.

METIU 13:22

Sateichii tu tiirat kak kikii ralikai kabam ahnyii teinii samtam tei shii wosii, sazyii pouryii swi kamaning ninado kani kahii kamarei teinii samtam gotei giitnei wosii ti mati leimakle.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

PILIPIMEI 3:8

Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

2 PITAR 1:3

Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

2 PITAR 2:20

Kadapokii ahnyiinii nyii Bangpii ninado nyiigo keikapyiipii Jisu Kristago tikalu kito sazyii pouryiimah kashyii kahong tha hang kito nlek kalu taito, ahnyiigo kashyii kahong tha kiteikii nlailoisii jum wosii apum tii woleponii, ahnyii jangpiinii nukarei kimah sung kana kitei kisii shyiibui takle.

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.