2 PITAR 1:4 - KARANU KABI SAMTAM

⁴ Hangkapii kadi ninado pyiitangle sii riishii tiikabam maika- teeng luha hangtei aitiisii mpounii nyiigo pyiile, kadapokii luha aihang paikito sazyii pouryii lungto kalei tiikamashyii pumzai mah kamarei ka-ntha kiteito gonyiinii nlek matu tang karam jangpii, sateichii nunuto kalei kamatei baichem mah njai tei gonyiinii dou njoimatu tang karam jangpiile.

2 PITAR 1:4 Referans Kwoze

2 KORENMEI 3:18

Sateichii nyiihang ai jusong supiinii Saraamah pumtei kava gotei jusii, mpoumah njoi kikii pumtei kava hangninii kito hangninii kikii tiikalikai aitakle, kadapokii rangii tiisii kalei Bangpii dato ai ai gongle.

KOLOSIMEI 3:10

Sateichii teigo tiikapyii mah khii njoi taiswisii swikati kito tiiranu tiisatei kabam, mei kasatai gotei nat kai kalei takum kai wotakle.

HEBRUMEI 12:10

Kadapokii ahnyiinii bilesii katam taiswisii tinglang shangniikii jangpiinii nyiigo tiimajyiipyiile, nlenii mpoumah kamatei njai tei dou njoi matu tang karam jangpii, nyiimah bitang karam jangpii mpounii nyiigo tiimajyii pyiisii leile.

1 JON 3:2

Lungkasyiimei, aitoinii nyiinii Saraamah nahmei takle, nlenii nyii ai kadapei takum tangpo katu aitoi mangou makle, nlenii Kristanii ka- gong kak, nyiido mpou takum tangle katu nyiinii tile, dapodinchii mpounii kasangpii ringkalei sek takumpii nyiinii mpougo ngoutangle.

2 KORENMEI 6:17

Teijangpii Bangpiinii tamle, “Ahnyii kak kito gonyiinii sipat tosii thaam wolo, sateichii matei kasu tei hangninii kado deng sulo; teitii leponii Inii gonyiigo lukaipyii tangle.

GALATIMEI 6:8

Kadapokii mpou pum mpou zai sek kikii ralyii kakai mei teinii pumzai kiteito kaga tei rachet tangle, nlenii rangii kikii ralyii kakaimei teinii rangii kiteito kalui kaga karing tei rachet tangle.

1 JON 2:25

Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

HEBRUMEI 9:15

Teijangpii Saraanii lat kalumeihang teinii riishii tiikabam kalui kaga satoi hangtei doumatu tang karam jangpiinii sat tang karam karanu samtam kak kiteito kamajung tha tiisii kalei ai Kristale, sazyii pouryiimei hangnii sat tang karam karei samtam kangto tiikabam kama kito matapii laat mpat kapyii taikapyii hangninii kalei taiswisii ai ai tiiwo buile.

2 KORENMEI 1:20

Kadapokii Saraa mah riishii hang go “nle” katupii mpoule. Teijangpii nyiinii Saraago tam kamatoi kak Jisu Krista paikito ‘Amen’ tei nyiinii tamsang tamle.

GALATIMEI 3:16

Riishii tei Abraham dakii ninado mpounah mpou taamei dakii tiibamle, Mpounii meimoigo katam takumpii, “Gotaa gonahmei hang dakii” sii tam makle. Nlenii mei hangninii kaang kito tam kalei takumpiinii, Gotaa gonah dakiisii tamle, taa nahtei Krista teile.

ROMMEI 9:4

Ahnyii teinii Isrelmei teile; makot kalei nah sapfiimei katii, pumtei kava, sat tang karam samtam hang, ajaitingshang kapyii, kasang kamata, sateichii riishii tiikabam hangtei ahnyii mahle;

IPISAMEI 4:13

Teipiinii nyiimah kamalum ninado Saraa nah sapfii mpougo nyiimah swirek kati kito hangninii tiisii kalei nitei nyiihangnii kaswisii gong ndwi tangle, sateichii nyiinii Saraago kamalum tei Krista takum sekpii miwosii, nyiinii mishang kalumei hangninii tiitangle.

JEMS 1:27

Nyii Pfii Saraa doito kamatei ninado kahong kaga kanat teinii: pwi pfii kagamei sateichii kamipwimeigo ahnyiimah kamage kalak kito jukaha sateichii mpougo sazyii pouryiimah kashyii kahong kito rum matu kasu aile.

2 PITAR 3:9

Mei kangkanii kamanyiisii maning kalei takumpii, mpounii tiitanglesii riishii tiikabam tei tiitang karam jangpii Bangpiinii manyii makle, nlenii mpounii gonyii jangpii lung lehpyiile, mpounii mei kagodo tiimaganyii makle, nlenii meihangnii lung kaligong katu mareile.

2 PITAR 3:13

Nlenii mpoumah riishii taiswisii, kasang kamajyiimeinii lungkalei sateichii sating ninado kasatai sazyii gotei nyiinii koileile.