2 PITAR 1:3 - KARANU KABI SAMTAM

³ Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

2 PITAR 1:3 Referans Kwoze

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

ROMMEI 8:32

Mpou nah sapfii mpougodo masak supiinii nyii jangpii pyiitoi kalei mpou teinii meinah sapfii mpou gotei kaswisii mahlyii hangdo nyii dakii kada takumpiinii pyiilak tangpo?

2 KORENMEI 12:9

Nlenii mpouniigudakii tamle, “Gumah jumage kapyii ai gojangpiinii tang kalak tiimakle, kadapokii gumah teimaham teipii kasui kiteito matwi mashangpyiile;” gumah kasui hang jangpii Inii kisii kisii ntasii detdi tangle, katunii Krista mah teimaham tei guphyiiryiito ntak matu tang karam jangpii.

1 PITAR 2:21

Kadaponii aikikii gonyiigo Saraanii latto takle; kada- pokii gonyiinii Kristamah pikang tai swimatu tang karam jangpii, gonyii dakii nda tiimangousii, gonyii jangpii Kristaniido kamage kalak tei pungpyii takle.

2 THESOLONIKAMEI 2:14

Nyiimah kabi rasam paikito mpounii gonyiigo, nyii Bangpii Jisu Kristamah pumtei kava doumatu tang karam jangpii latpyiile.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

1 THESOLONIKAMEI 4:7

Kadapokii Saraanii nyiigo kashyii kahong kito lung matu tang karam jangpii latmakle, nlenii kamatei kito lung matu tang karam jangpii latle.

1 PITAR 1:15

gonyiigo lat kapyii ahnii kamatei takumpii gonyiimah jairali hang kito mateilo,

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

1 KORENMEI 1:9

Saraanii malum buile, mpou paikito mpou nah sapfii mpou Jisu Krista katunii, nyii Bangpiigo kanghe tiimatu tang karam jangpii gonyiigo laatpyii takle.

2 PITAR 1:2

Saraago sateichii nyii Bangpii Jisugo mashangsii kati kito jumage kapyii ninado kamajung tei gonyii dato moibui matulo.

2 PITAR 1:5

Kaang aijangpii gonyii- mah kamalum kiteikii tha kabi, gonyiimah tha kabi kiteikii swirek kati,

1 PITAR 3:9

Kashyii jangpii kashyii teipii kaleipyii sulo, mak-kii tam kamashyii jangpii nlai- loisii tam mashyii sulo, nlenii tei tungpii satoi pyiilo; kadapokii gonyiinii satoi doumatu tang karam jangpii, aijangpii gonyiigo latto takle.

KOLOSIMEI 1:16

Kadaponii sating gamto sateichii mikpii ngou- kasu rangiimah teimaham, mak-kii Abang katiimei, mak-kii apum katiimei, mak-kii teimaham kajum meihang kado mahlyiihang ai mpou paito mpoujangpii tiibam takle.

1 TIMOTHI 4:8

kadapokii pumzaimah tiikarali teinii cheng- niikii jangpii roinii mai bamle, nlenii Saraago kamaning teinii aitoi jangpii sateichii gong tang karam mah ringtang karam riishii jumsii kalei jangpiinii mahlyiihang jangpii maiteengle.

IPISAMEI 4:4

Saraanii gonyiigo lat kalu kitei maning kamalum hang- ninii kiteikii lat kalu takumpii teiki tei pumpot hangninii sateichii rangii hangninii,

PILIPIMEI 4:8

Kalui kito kangsanamei, kasang kasang, sadzyii ngariit tiikabui hangtei, kamajyii hangtei, kamatei hangtei, ngoukabi hangtei, samlat kabi hangtei, kabi jaishang kado leileponii, sateichii dzyiirou kabui kado leileponii, aihang ai swi ma- shaklo.

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

1 PITAR 1:5

Keikapyii karing tiilung jangpii kalui ting- langki mangou tang karam jangpii tiida kabam, kamalum kito Saraa- mah teimahampii bisii kaidek kabam hangtei gonyii jangpiiniile.

ROMMEI 9:24

Ka- daponii mpounii lat kalu mei tei nyiile, Jehudimei hang kak kito roinii makle nlenii lui kaki kakimei hang kak kitodole.

PILIPIMEI 3:8

Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.

2 PITAR 1:6

gonyiimah swirek kati kiteikii gonyii roinapii gonyii pumpotgo jum kamajyii jum kamatwi, gonyii pumpotgo jum kamajyii jum kamatwi kiteikii lung leh kati, gonyiimah lung leh kati kiteikii Saraa kamaning.

2 PITAR 1:8

Kadapokii aihang ai gonyiimah tiisii tangkasu tiisuleponii, nyii Bangpii Jisu Kris- tago matwi mashangsii titang karam jangpii aihang ainii gonyiigo tiikamahat ninado ti mati matu kasu tei tiilakle.

2 PITAR 1:10

Teijangpiinii kangsanamei, go- nyiigo lat kapyii ninado kalai kapyii tei katika tang karam jangpii kisii teibuisii tha tiilo, kadapokii gonyiinii tei tiileponii, gonyiinii madou kado kousang koulakle.

2 PITAR 2:20

Kadapokii ahnyiinii nyii Bangpii ninado nyiigo keikapyiipii Jisu Kristago tikalu kito sazyii pouryiimah kashyii kahong tha hang kito nlek kalu taito, ahnyiigo kashyii kahong tha kiteikii nlailoisii jum wosii apum tii woleponii, ahnyii jangpiinii nukarei kimah sung kana kitei kisii shyiibui takle.

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.