2 PITAR 1:17 - KARANU KABI SAMTAM

¹⁷ Kadapokii mpounii Pfii Saraa dato sadzyii ngariit katii ninado “Ai ai Inii lung kamaang, lungkasyii gunah sapfii mpou teile!” Sii tam kalei rok tei kasagoi pumtei kava dato mpouda kagong tinglang kaktei nyii leile.

2 PITAR 1:17 Referans Kwoze

MARK 9:7

Teito kamong teinii gongsii ahnyiigo gomnei wotakle, sateichii kamong kiteito lat hangninii mashiile, “Ai ai Inii lungkasyii gunah sapfii mpou teile, mpounii katam tei gonyii swilo.”

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

METIU 3:17

sateichii’ julo, sating gamto rok hangninanii tamle, “Ai ai Inii lungkasyii gunah sapfii mpou teile, Mpougo Inii hangkapii lung- mangle.”

LUKNII KARYII KABI RASAM JUKAMATI 3:22

sateichii rangii kamatei teinii Sararuinah pum takumpii mpou phyiiryii humle, sateichii sating gamto rok hangninii humle, “Nang ai Inii lungkasyii Gunah sapfii mpou teile, Inii n-go hangkapii lung mangle.”

MARK 1:11

Sateichii sating gamto kahum rok hangninii shiile, “Nang ai Inii lungkasyii Gunah sapfii mpou teile, Inii go phyiiryiikii hangkapiinii lung mangle.”

METIU 12:18

“Julo, Inii kalai kalu guki kaleipii, gu rangiinii hang- kapii lung kamang, gumah lung- kasyii, mpou phyiiryiikii Inii gumah rangii kaipyii tangle; sateichii mpounii Lui kakimei hangdakii gumah samtak tei tam matipyii tangle.

JONNII KARYII KABI RASAM JUKAMATI 3:35

Pfii teinii nah sapfii mpou gotei lungsyiile sateichii mpoubah kikii mahlyiihang tei pyiibam takle.

JONNII KARYII KABI RASAM JUKAMATI 5:26

Kadapokii Pfii dateito roinii karing tei kalei takumpiinii mpounii nah sapfii mpou datei kado mpou dato roinii karing tei leimatu tang karam pyiitakle.

2 JON 1:3

Pfii Saraa dato sateichii Pfii Saraa nah sapfii mpou Jisu Krista dato, kasang kito, ninado lungkasyii kito, jumage kapyii kito, lungsyii kati kito, ninado kamajung tei nyiigo kaswipyii tangle.

LUKNII KARYII KABI RASAM JUKAMATI 10:22

“Mahlyiihang gu pfiinii n-gu pyiitakle; sateichii pfii teisupiinii mei kaniido nah gotei tapo katu tei timakle, sateichii nah sapfii mpou teisupiinii sateichii nah sapfii mpou teinii mangoupyii matu kanyiimei tei supiinii mei kaniido Apfii gotei timakle.”

2 KORENMEI 1:3

Nyii Bangpii Jisu Krista mah Saraado, Apfiido tiisii kalei, lungsyii kati mah Apfii sateichii tiikaha hang kapyii Saraa, Ah gotei tam matoile!

2 KORENMEI 11:31

Bangpii Jisumah Pfiido Saraado tiisii kalei, kalui gasii tam matoi tang karam ahnii I chuimakle katu tei tile.

JONNII KARYII KABI RASAM JUKAMATI 17:21

ahnyii hang ai hangninii tiimatu tang karam jangpii Inii riita leile; nangnii n-gu lang magongle katu sazyii pouryiinii malum matu- tang karam jangpii, he Pfii-o, nangnii gudato sateichii Inii godato kalei takumpiinii, ahnyiinii nyii dato leimatu tang karam jangpii Inii riita leile.

JUD DATO KAGONG CHITI JUKAMATI 1:1

Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii:

JONNII KARYII KABI RASAM JUKAMATI 6:27

Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

JONNII KARYII KABI RASAM JUKAMATI 6:39

Sateichii n-gu lang kamagong ahmah kamaning kamazhii tei aile, ahnii gudakii pyii kabam hang kiteito Inii mah hangninii kado ma- gasupii, kalui piinei leimik ahnyiigo ringkhii matu tang karam teile.

JONNII KARYII KABI RASAM JUKAMATI 20:17

Jisunii mpoupei dakii tamle, “N-gu deng sulo, kadapokii Inii gu pfii bamki pi womakle rei, nlenii gukangsanamei hangda mangsanii ahnyii dakii tampyiilo, Inii gu pfiido gonyiipfiido, gu Saraado gonyii Saraado tiisii kalei Ah bam kitei pitune leitakle.”

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 10:15

Pfiinii n-gu tisii kalei takumpii sateichii Inii Pfiigo kati takumpii, Inii gumah hang gotei tile, sateichii gumah hang teinii n-gu tile ninado Inii Jao hang jangpii gumah karing tei matou pyiile.

METIU 17:3

Sateichii julo, Moses ninado Ilaijah tei ahnyiida gongsii mpougo kaswisii sam rashiisii bam takle.

JONNII KARYII KABI RASAM JUKAMATI 14:11

Inii Pfii dato leile ninado Pfiinii gudato leile sii tam kalei gusam aigo malumlo; teisuleponii Inii katii hang jangpiinii malumlo.

JONNII KARYII KABI RASAM JUKAMATI 6:37

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

ROMMEI 15:6

Krista Jisu taiswisii hangninanii hangniniigo lungswi masamsii lungwo kabui tei, leh kati sateichii lung tiimadi kapyiimah Saraa teinii gonyii dakii pyii matulo.

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

JONNII KARYII KABI RASAM JUKAMATI 5:20

Kadapokii Pfiinii nah sapfii mpou gotei lung- syiile ninado mpou pum sekpiinii katii tha hangtei mpou dakii mangoule; sateichii gonyiinanii sung gamatu tang karam jangpii, aidoito kisii tha kadi mpounii ah dakii mangou tangle.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.