2 KORENMEI 2:3 - KARANU KABI SAMTAM

³ Teijangpii chiti tei Inii gonyii dakii ryiile...katunii, Inii gonyiida gongsii n-gu tii ntapyii tang karam mei gotei lung tiikamage roule. Kadapokii Inii ka-nta tinglang sek-kii gonyii hangdo ntale katu Inii malumle.

2 KORENMEI 2:3 Referans Kwoze

GALATIMEI 5:10

Gumah lungswi tei supii lungswi kaki tei gonyiinii poilakle katu Inii Bangpii zei kito malumle, nlenii gonyiigo tii- magesii kalei ahtei, kata kata kado mpoumah samtak katii tei doutangle.

2 KORENMEI 8:22

Teijangpii ahnyiigo kaswisii nyiinii nyii kangsanapiigo lang magong leile, nyiinii mpougo tha hangkii kito jaijusii mpounii hang- kapii tiihasang tiiha nyiisii kalei tei nyiinii kadoutakle. Sateichii aitoinii mpounii gonyiigo hangkapii maning kamalum ai kalei taiswisii, mpounii kisii tiiha nyiisii bamle.

PHILIMON 1:21

Gomah katam kaswi kito maning kamalum tei leisii Inii katam sungdo kisii nangnii tiipyii tangle katu tei Inii godakii ryiileile.

2 KORENMEI 7:12

Teipiinii Inii gonyii dakii ryii aikido, kama tiikaleipii jangpii makle mak-kii tiikama kito kaleipii jangpii makle, nlenii nyii jangpii gonyiinii hungsii lung kaliit tei Saraa doito gonyii dakii mati mangou tang karam jangpii teitei Inii ryiile.

2 THESOLONIKAMEI 3:4

Sateichii nyiinii kapyii kakhatsam tei gonyii- nii tiisii leile, ninado tiido tiitangle katu tei gonyiimah kaang kito nyiinii Bangpii zei kito maning malumle.

2 KORENMEI 12:21

Inii nlaikai gong katu tinglang kak, gu Saraanii gonyii doito n-gu tii-nrou- pyii loisii, asung kareiki kem tiisii ahnyiinii tiikabam, matei kasu, kashyii kahong tha katii sateichii sapwimei sapfiimei kashyii kahong tha katii kito lungkali kasu ahnyiihang jangpii Inii lung magesii hat tang karam tei Inii hingle.

2 KORENMEI 12:11

Inii swikagamei hangninii takumpii tiisii leile, nlenii gonyiinii teitei n-gu tiirou kido tiimatule, kadaponii n-gu tam matoi tang karam sekle, kadapokii Inii samah kado mak kido, phyii kasat tiilamlwi kapyiimei hang doito Inii nkangsang nkang buimakle.

2 KORENMEI 7:8

Kadapokii Inii gumah chiti teipii gonyiigo lung tiikamage kado, Inii teitei kamanga gale. Kadapokii chiti teinii gonyiigo shangniikii jangpii roinii kado, gonyii lung tiikamage aitakle katu tei Inii ngoule.

2 KORENMEI 7:6

Nlenii lung kamage kaleimeigo lung tii-ntapyiisii kalei Saraa teinii, Taitasnii nyiida kagong teipiinii nyiigo tiisamou pyiile,

2 KORENMEI 1:15

Ai hang ai madou kasu tiilak takle katu tiwosii teijangpii Inii gonyiida gongtang lesii karei kito maningsii leile; gonyiinii sadoi kabi tei maziina tiisii doumatu tang karam jangpii.

1 KORENMEI 4:21

Inii gonyiida ting- rang haisii gonglopo, mak-kii kasana karasok rangii mah lungkasyiipanii gonglopo? Gonyiinii kadapei mareipo?

2 KORENMEI 1:23

Gumah sakchyii tiisii Saraago Inii latle, Ahnii gulung tile! Inii Koren ki gonglak taklesii sat kalu tei gonyiigo tiikamageloi lak tang karam jangpiiniile.

2 KORENMEI 2:9

Kadapokii gonyiinii mahlyiihang kito katam kaswi swikasu gonyii mah kasang tei Inii titang karam jangpii chiti tei Inii gonyii dakii ryiile.

2 KORENMEI 7:16

Inii ntale, kadaponii tiigatpiinii maning kamalum tei Inii gonyii dato leile.

2 KORENMEI 13:10

Tiikou tang karam jangpii supii tiimadi tang karam jangpii Bangpiinii n-gu pyii kabam teimaham taiswisii Inii gonyiida kagong kak ngou kahing tiisii tiikasu tiisii gonyii dato Inii dhiisii kalei kak Inii ai ai ryiile.