1 TIMOTHI 6:18 - KARANU KABI SAMTAM

¹⁸ Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo;

1 TIMOTHI 6:18 Referans Kwoze

HEBRUMEI 13:16

Kabi tiitang karam ninado hangninanii hangniniigo tiiha tang karam tei mangai sulo, dapodinchii ai kakum kakarat hang aipii Saraago dzyii karanga tei tiile.

1 JON 3:17

Nlenii sazyii pouryii mah kanimei, hangninanii mpou sanapiinii bitang karam tei ngou wosii mpou sanapii jangpii lungtei laatsei suleponii, mpounii Saraago lungsyiile sii mpounii tam wobuipo?

ROMMEI 12:8

Meigo lung tiimaring tang karam mah leponii, nyiinii teitei tiitang karamle, meigo njaipyii kaleimei hangteiniido kamathii katu gasii tiitang karamle; apum tiitang karam mah teimaham kajum meihang teinii, teisii tha tiitang karamle, meigo lungsyii kapyii tha tiikamangou mei teiniido, nta ntasii tiitang karamle.

TAITAS 3:8

Tam kalei ai kasangle, Saraago kamalum mei teinii kabi tha tiitang karam jangpii, ahnyiimah tinglang tei ahnyii roinapii jumatou kabui tiisii nangnii tiigatpii kaang aihang ai tam kapyii Inii mareile, aihang ai meihang jangpii bi kabui ninado liipat doukabui mareile.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

LUKNII KARYII KABI RASAM JUKAMATI 12:21

Sateichii Jisunii tamle, “Saraa mah mik doito mah nisupiinii mpou- jangpii roinii kani kahii poi nkomsii kalei tei aitakumle.”

GALATIMEI 6:10

Tei- jangpii nyiinii tinglang kabi kadouta tei, meihang dakii ninado routiisii kamalum kito ki kalungmei hang- ninii tiisii kaleimei dakii nyiinii kabi tei tiide.

ROMMEI 12:13

Kamateimei hang mah bitang karam jangpii pyiilo; siisang meigo nta ntasii lukeilo.

1 TIMOTHI 5:10

Sateichii mpoupeinii tha kabi hang jangpii zei katat katunii, mpoupeimah nahmeigo tiigatpii makot kamakhii, juti kasu saba- meigo pyiichii kaleimeigo tiikaha, sateichii mahlyii hang kito mpoupei roiniipii kabi tiitang karam jangpii lungswi pyiisii leileponii, mpoupeigo kamipwimei mah safii kitei haimatulo.

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

2 KORENMEI 8:12

Nangnii ntasii pyii leponii, nangnii kagatai tei swisupiinii, nangnii pyii kabam kangam taiswisii nangnii kapyii tei Saraanii lukaipyii tangle.

1 KORENMEI 16:2

Inii kagong tinglang kak sanah poi ndwi katu tei gatang karam jangpii, gonyiinii mpou mpoumah doukalu njai taiswisii hapta hapta kito leimik karei piinei tei meihangnii sanah chengniikii poitaamsii mpou mpou bah kikii kai ndwi matulo.

3 JON 1:11

Lungkasyii gukangpii, kashyii jairali tei rali sulo, nlenii kabi jairali tei ralilo. Kabi katiimei hangtei Saraa mahle; Kashyii katiimei hang teinii Saraago ngou womakle.

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

TIILAMLWI KAPYIIMEI THA JUKAMATI 9:36

Sateichii Jopa kito zei Tabitha sii kalat, kadat mpat sek-kii Dorkas sii kalatpei sapwimei boumei mei hangninii bamle, sapwi mpei ainii taksupii tiikalei hangtei tha kabipii ninado lungsyii lungset kati piinii tokryiile.

1 PITAR 3:11

Kashyii kahong kito ahnii tat nrek wosii, kabi tei tiitang karamle; mpounii kamajung tei fiisii, teitei kabasii fiimatulo.

TIILAMLWI KAPYIIMEI THA JUKAMATI 11:29

Sateichii Judiya kito kalei kangsanameigo meihangpii mpou mpounii kangam taiswisii tiiha kamaga matutang karam jangpii boumei teinii raangsii maning wotakle.

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

METIU 5:42

Godato kakhangmei gotei pyiilo, sateichii godato siipok kanyiimei hang gotei mazhii kasu tiisulo.

LUKNII KARYII KABI RASAM JUKAMATI 3:11

Sateichii mpounii ahnyii dakii khekalatle, “Mei kata kangkii paijou hangna kabam mei teinii, gakok koksii kabam mei gotei njailo; Kachii kasak kabam mei teiniido teitakum matulo.”

IPISAMEI 4:28

Ragasii kalei ahteinii ragaloi matu sulo, nlenii tei tungpii ah mah bahpiinii tha kabi tei tiisii, mah kagameigo sei kabui tiisii mpoumah mah bam tang karam jangpii tha tiimatulo.