1 TIMOTHI 5:17 - KARANU KABI SAMTAM

¹⁷ Doimajang katat tha tiigatpii tiisii kalei katingmeigo, routiisii samtam kito ninado katam karali kito tiigatpii tha tiisii kaleimei hang go njai hangna tiisii sadzyii ngariit katii tei tiimajyiilesii maning matulo.

1 TIMOTHI 5:17 Referans Kwoze

HEBRUMEI 13:17

Gonyiimah doimajang katatmei sam swilo, sateichii ahnyii kang nkanglo, kadapokii gonyiinii tha tiikabam mah azhii mashak kabam tei ahnyiinii Saraa dakii pyiitang karam taiswisii, ahnyiinii ntasupii gonyiimah rakot hang go jupyiisii leile. Ahnyiinii katam tei gonyiinii swileponii, ahnyiinii ahnyii tha tei nta ntasii tiitangle, teisu dinchii ahnyiinii lung magesii tiitangle, sateichii tei teinii gonyii jangpii kabi tei gatangle.

GALATIMEI 6:6

Kristenmei mah samtam ralika- pyii doukalumei teinii ahmah kabam kabi hangtei mpoumah ralikapyii- piigo kaswisii njaitang karamle.

LUKNII KARYII KABI RASAM JUKAMATI 10:7

Sateichii ahnyiinii kapyii hangtei chiisii saksii ki teiki teito gonyiinii bamlo. Dapo- chiinii tha katiimeinii mpoumah tha katiimai dou kajyiile. Ki hangninii kito ki hangniniiki tatpat tatliit sulo.

HEBRUMEI 13:7

Gonyiimah doimajang katatmei, gonyii dakii Saraa samtam tam kapyiimei hang gotei maning gonglo, sateichii ahnyiimah tiilung kito pat kalei tei maninglo, sateichii ahnyii- mah kamalum mah ajai-gok tei rali wolo.

2 TIMOTHI 2:6

Kamagesii teisii tha tiikalei lu tha katamei teinii rachet kareimah njai tei doutang karamle.

PILIPIMEI 2:29

Teijangpii Bangpii zei kito ntasii mpougo lukaipyiilo, sateichii tei kakum mei gotei sadzyii ngariit tiilo,

ROMMEI 12:8

Meigo lung tiimaring tang karam mah leponii, nyiinii teitei tiitang karamle, meigo njaipyii kaleimei hangteiniido kamathii katu gasii tiitang karamle; apum tiitang karam mah teimaham kajum meihang teinii, teisii tha tiitang karamle, meigo lungsyii kapyii tha tiikamangou mei teiniido, nta ntasii tiitang karamle.

TIILAMLWI KAPYIIMEI THA JUKAMATI 28:10

Ahnyiiniido nyiigo hang- kapii adzyii ka-nrou tei njasii tiigatpii tiipyiile; sateichii nyiinii malyii gam tong wosek-kii nyii- jangpii bitang karam mah hangtei ahnyiinii kaipyii takle.

2 KORENMEI 6:1

Nyiinii Saraago kaswisii tha tiisii leile, teijangpii Saraa mah jumage kapyii tei matapii kadaktoi sulosii nyiinii gonyiigo khang leile.

ROMMEI 16:12

Bangpii zeikito tha tiisii kalei- mei pwi Triphina ninado Triphosago salam pyiileile. Abangpii zei kito teisii tha tiikapyiipei lungkasyii Parsis go salam pyii leile.

ROMMEI 15:27

Nle, ahnyii- mah dzyii karanga tei leitakle, sateichii kasangpii ahnyii teinii ahnyii dakii pyii kamajyii pow tei pungleile, kadaponii Jehudimeinii ahnyiimah rangii mah satoi tei luikakimei dakii njai leponii luikakimei teinado mah pot mah satoi tei poi mpatsii Jehudimeigo tiiha kajyiile.

PILIPIMEI 4:3

Kamaswi pot pung njoi katu meihang, karing mah larekbung ki zei kalei, sapwimei aimeigo tiihalosii gonyii godo Inii khangleile, Daponii Klement sateichii n-gu njoisii tha katiimei hang go kaswisii kabi rasam tam katat kito ahnyiinii n-gu kaswisii teisii tha tiibamle.

1 KORENMEI 16:16

Ai kakum ai, sateichii ai kakum tha tiisii kaleimei, ninado ahnyiigo tiiha punghasii kaleimei kang tei gonyiiniido nkang seilosii Inii gonyii dato khang leile.

TIILAMLWI KAPYIIMEI THA JUKAMATI 11:30

Ai ai ahnyiinii tiitakle sateichii Barnabas nei Sol bahpii teitei katingmei bah kikii mpot magongpyii aitakle.

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

1 TIMOTHI 4:16

Goroinapii n-go julo sateichii gomah karali gotei julo. Aihang ai taksupii tiisii leilo, dapokii nangnii tiisii leileponii, nangnii goroinapii n-godo sateichii gosam shii kalumei godo keipyii tangle.

1 TIMOTHI 3:5

Kadapokii mei hangni- nanii mpouki kalung mpung go kada takumpiinii jutangpo katu tei tisu leponii, mpounii Saraamah Charshgo kada takumpiinii jutangpo?

PILIPIMEI 2:16

Gonyiinii ahnyiigo karingmah kabi rasam katam kito gonyiinii teitii leponii, Kristamah leimik piinei; gonyii jangpii Inii detdi tang kaang tei leitangle; dapokii Inii mahungsii tha katiihang tei kadak makle katu tei aipii mangou tangle.

METIU 24:25

Julo Inii gonyii dakii pat kasunakii reipii tam takle.

HEBRUMEI 13:24

Gonyiinii doimajang katatmei hang go sateichii kamateimei hang go nyii mah salam tei pyiiseilo.

1 TIMOTHI 4:10

Kadapokii aijangpii nyiinii kamagesii tha tiile sateichii ngam kabui tiisii mahung leile; kadaponii meihang jangpii routiisanii kamalum meimah keikapyii Bangpii tiisii kalei karing Saraa dakii nyiimah maning kamalum tei satto takle.

1 KORENMEI 15:10

Nlenii tingnei Inii tiisii kalei ai, Saraamah jumage kapyii kito Inii tiisii leile sateichii mpoumah jumage kapyii, gudakii pyii kabam tei kadak makle. Nlenii tiilamlwi kapyiimei kaki kata hangninii sungdo Inii kisii teibuisii tha tiitakle, teitii kido Inii makle, nlenii n-gu kaswi kalei Saraa- mah jumage kapyii teiniile.

TIILAMLWI KAPYIIMEI THA JUKAMATI 20:35

Mahlyii hang kito Inii gonyiigo tiimangou pyiitakle, katunii, tha teisii katii aipiinii nyiinii kasuimeigo tiiha tang karamle, Bangpii Jisunii tam kabam mpoumah samtam hang gotei maningsii, ‘Kadou sung kapyii teinii kisii sadoi bile.’ ”

JONNII KARYII KABI RASAM JUKAMATI 4:38

Gonyiinii tha tii- kasu lubam kiteito rachet matutang karam jangpii gonyiigo Inii lang mpatle, kakimeinii teiki tei tha tiibam takle sateichii ahnyii mah tha kiteito liipat tei gonyiinii doule.”

LUKNII KARYII KABI RASAM JUKAMATI 12:42

Teito Bangpiinii tamle, “Teitii lepochiinii tapii tei malum kabui ninado kasakai ki kaleipiipo? Teiteinii ki apumpiinii kalung mah sanglosii mei hangniniigo kaibam taklepokii mpounii kikaleimei kaki- mei hang go tinglang tiisii kachii kasak jaipyiisii kabampii teile.

1 TIMOTHI 5:3

Kamipwimei tiisii kaleimei hang go sadzyii ngariit tiilo.

1 TIMOTHI 4:6

Nangnii sam hang ai kang- sanamei lung kikii kaipyii leponii, nangnii kamalum samtam hangteipii sateichii nangnii swikalei kabi karali hang teipiinii n-go tiisangting pyiisii, nang Krista Jisumah kabi kikaleimei hangninii tiitangle.

1 KORENMEI 3:9

Kadapokii nyiinii njoisii Saraa mah tha katiimeile; gonyiinii Saraa mah lubam, ninado Saraa mah ki teidole.

1 TIMOTHI 4:14

Lung- kakalingmeinii tam ka-mpat sateichii katingmeinii go phyiiryiikii bah poikai katu tinglang kak, godakii pyiikabam, godato kalei rangiimah luha gotei kalet sulo.

1 TIMOTHI 5:19

Meihangna hangtum mah sakchyii tei supiinii katingmei hangninii phyiiryiikii tamkai kapyii samtei poisulo.