1 TIMOTHI 4:4 - KARANU KABI SAMTAM

⁴ Saraanii tii mpat kapyii hangteinii kabile sateichii hakalang tei njasii poi woleponii, mazhii kalak samah kado gale.

1 TIMOTHI 4:4 Referans Kwoze

ROMMEI 14:20

Kachiipot jangpii Saraamah tha tei tiimaga sulo, mah pot hang mateile, nlenii mpounii chii kalei pot teipii mei kakimeigo kou matu katu tei mei kata hangninii jangpiinii kamale.

1 KORENMEI 10:25

Salikijangto joi kalei hangtei kabi kashyii tikabui lungswi jang- piinii kachyiinhii supiinii chiilo;

ROMMEI 14:14

Mah apot roinapiinii mateikasu samah kado gale, katu Inii tido tile, Bangpii Jisumah paikito malumdo malumle; nlenii matei maklesii kamaningmei jangpiinii teitei matei sutakle.

1 KORENMEI 10:23

“Mahlyiihang ai tiimatu tang karam jangpii nyiigo mazhiipyii takle,” nlenii mahlyii hangtei nyii jangpii bimakle. “Mahlyiihang ai tiimatu tang karam jangpii nyiigo mazhiipyii takle,” nlenii mahlyii hangtei nyii jangpiinii tiikaha tei doumakle.

TIILAMLWI KAPYIIMEI THA JUKAMATI 21:25

Nlenii malum kalu lui kakimei kaang kito, Saraa dakii pyiitoi kalei pot, azai kachii, azai mpatsupii tiika- tat kamyii ninado sapwimei sapfiimei kashyii tha katii hang kito ahnyiinii mpou mpou roinapiinii mpaa matu tang karam jangpii nyiinii samtak tiisii larek ryiipyii aitakle.”

1 TIMOTHI 4:3

ahnyiinii kalakna katiido namle, sateichii kamalum mei ninado kasang tikalumeinii tam kamatoi katam njasii tiimatu tang karam jangpii Saraanii tiikapyii chiitak tei ryiimatu tang karam jangpii kakhatsam pyiile.

TIILAMLWI KAPYIIMEI THA JUKAMATI 15:29

katunii Saraa dakii pyiitoi kalei amah, ajai kachii, azai mpat supii tiitat kalei kounah ninado sapwimei sapfiimei kashyii kahong tha katii hang aikito gonyiinii mpaa kalu bile; gonyii roinapiinii aihangki aito swiwo lepochiinii, gonyii mah kabi tei tangle; gonyii sadoi bimatulo.”

TIILAMLWI KAPYIIMEI THA JUKAMATI 10:15

Sateichii rok hangninii nlai- loisii hangna kashang tiisii mpouda gong takle, “Saraanii tiimatei kalei gotei kasaba ninado kahong sii nangnii latlak tang karamle.”

ROMMEI 14:6

Leimikgo ryii kaleimei teinii Bangpii jangpii tiiziile, kadaponii mpounii Saraago hakalang pyii kalei taiswisii sateichii chiikasupii teinii Bangpii jangpii chiisupii Saraago hakalang pyiile.

1 KORENMEI 10:26

Kadapokii “Sazyii pouryii sateichii teilungto kalei hang tei Bangpii mahle.”

1 KORENMEI 10:30

Inii hakalang katam njasii njai poi njoi leponii, Inii hakalang katam tei kaang jangpiinii dajangpii n-gu tam mashyii leipo?