1 TIMOTHI 4:16 - KARANU KABI SAMTAM

¹⁶ Goroinapii n-go julo sateichii gomah karali gotei julo. Aihang ai taksupii tiisii leilo, dapokii nangnii tiisii leileponii, nangnii goroinapii n-godo sateichii gosam shii kalumei godo keipyii tangle.

1 TIMOTHI 4:16 Referans Kwoze

TAITAS 1:9

mpounii kakimeigo kasang rali kapyii teipii lung tiimakhiiha kabui tiisii sateichii teigo mazhii kasumei mah tiikama teido mangoupyii kabui tiisii kasang karaligo kamazhii ninado malum kabui samtam gotei mpounii sangtingsii jumtang karamle.

TAITAS 2:7

Mahlyiihang kito goroinapii n-go tha kabi jangpii nda tiisii mangoulo.

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

IPISAMEI 4:14

Teitii leponii nyiinii meinahnii poi ka-mpat chem katham kathampii meigo kama kikii tiikai tang karam jangpii ralikapyii dwi n-nok kapat sateichii tingkainii lulam lulamkii gwipungsii katat nahmei takumloi lakle.

HEBRUMEI 13:9

Kataam ninado katwum katwum ralikapyii hang teipiinii gonyiigo kasang pwidi kiteito chyiisii tat matu sulo; chiitak mah ajaitingshang go swikatu teisupiinii, Saraamah jumage kapyii kiteito alungmah teimaham doukatu ai bile, Aihang aigo swikalumei hang gotei tei teipiinii kabi tei pyiimakle.

HEBRUMEI 12:15

Saraa mah jumage kati kiteito tai nlaitu kasu tiisii machyiigat wolo. Mei kado “kakaabang” hangninii tiisii pokpat ahmah hiikara teipiinii kaki hang- kiigo tiimashyii katu takum matu sulo.

2 TIMOTHI 3:14

Nlenii gojangpiinii nangnii ralikalu sateichii sangtingsii malum kalu kasang hang kiteito tatsii leijoulo. gomah madhiikapyii mei tei tatapo katu nangnii tile.

LUKNII KARYII KABI RASAM JUKAMATI 21:34

“Nlenii tak chii kamaju, jou sak kapiinhii sateichii sazyii pouryii meimah swi teipiinii gonyii lung tii kamage matu kasu tiisii sateichii teipiinei leimik tei mphee takum- piinii gonyii phyiiryiikii tisupiinii gong matu kasu tiisii, gonyii roinapii gonyii sakai wolo.

1 TIMOTHI 4:6

Nangnii sam hang ai kang- sanamei lung kikii kaipyii leponii, nangnii kamalum samtam hangteipii sateichii nangnii swikalei kabi karali hang teipiinii n-go tiisangting pyiisii, nang Krista Jisumah kabi kikaleimei hangninii tiitangle.

1 TIMOTHI 1:3

Inii Mesidoniya ki gongtang karam jangpii tat leibangpii, n-go tiilosii katam takumpii, Inii n-go Ipisas kito bam matunyiile, mei kangkanii teikito kasang kasu kanat kanhii ralipyiisii leile, teimei gotei ntak ailosii nang tamlo.

ROMMEI 16:17

Kangsanamei, Inii gonyii dato khangleile, gonyiinii doukalu samtam gotei kaswisupii malatpii tiikapak tiikapang katii sateichii sadoi ka- shyii tiikakai ahnyii gotei ju tiwolo, sateichii ahnyii dateito mpaa wolo.

2 TIMOTHI 2:10

Teijangpii kalai kalumei teiniido kalui kaga pumtei kava tei njasii Krista Jisu dato kalei keikapyii karing tei doumatu tang karam jangpii ahnyii jangpii Inii mahlyiihang pungpyii takle.

1 KORENMEI 9:27

Nlenii Inii mei kakimei dakii kabi rasam tam ralipyiisanii gupum go poikasu tei tiimatu kasu jangpii, I-roinapii gupumgo tingrang pyiisii gukang nkangsii lung matule.

TIILAMLWI KAPYIIMEI THA JUKAMATI 6:4

Nlenii nyiinii nyii mah tinglang hangtei kariita ninado kabi rasam katam karali tha kikii pyiitangle.”

MARK 13:9

“Gonyii rangtiisii sakai wolo; dapochiinii ahnyiinii gonyiigo jumsii samtak-ki pangkhii tangle; sateichii Jehudimei mah ndwibamni hang kito gonyiigo dat tangle, sateichii gonyii- nii gu jangpii sakchyii pyiimatu tang karam jangpii sazyii apum katiimei ninado sagongmei doito sat tangle.

JEMS 5:20

kem katii hangniniigo ahmah kama pwidi kito pang nlai kagongmei hangteinii kem katii- piimah rangii tei katai kito keipyii tangle sateichii kama hangkii maga kapyii tei pung gong tangle katu tei ahnii timatulo.

TAITAS 2:15

Aihang ai saa mpat pyiilo; n-go shiisii kaleimei hang go teimaham hang teipii kaswisii lung tiimadi pyiilo, ninado n-gipyiilo. Mei hang- ninii kaniido n-go maning majang matu sulo.

KOLOSIMEI 4:17

Sateichii “Abangpiimah tha kito nangnii doukalu tei tiimashang ailo” sii Arkipasgo tampyiilo.

1 KORENMEI 9:22

Inii kamalum kasuimeigo douwo kabui jangpii, kamalum kasuimei dato Inii kasuimei hangninii takum takle; katalyii tiisii Inii mei kangkago keiling tang karam jangpii, Inii mahlyii mitakle meihang dato.

ROMMEI 11:14

Mazhiileponii gupum guzai lamto n-gu njoisii kalei Jehudimei gotei tii maimhii pyiisanii ahnyii mei cheng- niikiigo keiwo tang karam jangpii- niile.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

TIILAMLWI KAPYIIMEI THA JUKAMATI 26:22

Teijangpiinii Saraa dato tiikaha tei dousii, kacheng kadihang dakiido sakchyii pyiisii tingnei katang Inii sat leile;

PHILIMON 1:19

Pol Inii ai gubah sek- piinii ryiile. Inii powtei rui kaleipyii tangle. Gopum katangdo gupow pungleile, nlenii Inii godakii teitei tam nyiimakle.

1 THESOLONIKAMEI 2:16

Jehudimei kasu luikakimeigo keipyii tang karam sam katam tei ahnyiinii namle; teipiinii ahnyii mah kem kama mah ajhii kamashak kaleita tei tiitokryiile. Nlenii Saraa mah rakarhii tei aitoinii ahnyii phyiiryii gong takle!

1 KORENMEI 1:21

Kadaponii Saraanii mpoumah swirek kabi kito, sazyii pouryiimeinii ahnyiimah swirek kabi teiroinapii mpougo timatu sutakle. Nlenii nyiinii tam ralikapyii kapang kamang mah samtam teipii malum kalumei hang go keipyii tangle katupii Saraanii satto takle.

1 TIMOTHI 4:15

Mei hangnii gomah doitat kalei tha tei ngoukabui tiisii, aihang ai tiiralilo, teihang kiteikii goroinapii nangnii lung- pyiitoi ailo.