1 TIMOTHI 1:9 - KARANU KABI SAMTAM

⁹ Nlenii ajaitingshang ai mei jangpii tiimakle, nlenii ajaitingshang tiika- pakmei sateichii katam swikasumei, Saraago tikasumei, kem kamamei, matei kasumei, sateichii tiikama- hongmei jangpii, pwi pfiigo kagimei, meigo kagi kabamei,

1 TIMOTHI 1:9 Referans Kwoze

GALATIMEI 3:19

Teitiileponii, ajaitingshang ai kadapei kaang jangpii pyiibampo? Riishii tiikabam Abraham mah taa nahmei teinii gong kasuta leimatu tang karam jangpii, sateichii kakui kama katii katu ai kadapeipo katu mangou tang karam jangpii teitei kai mpam bamle. Ajaitingshang ai akakto katat meinah jaikatii, sating gamluinii punghum kabaila pyiile.

1 PITAR 4:18

Sateichii “Kasang kamajyiimeigo kamage gatsii keipyii leponii, Saraa maning kasu sateichii kem kama katiimeinii kadaki gong tangpo?”

ROMMEI 5:20

Kem tei moibuibui matu tang karam jangpii ajaitingshang teido gongtakle, nlenii kem moibui bui kalei nitei, Saraa mah jumage kapyii teido kisii moibuile.

GALATIMEI 5:23

lung kamanoi, mpouroinapii mpoupumgo jum kati, tei kakum hang phyiiryii teikii, mazhii kalak ajaitingshang gale.

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

ROMMEI 6:14

Kadapokii kem teinii gonyii pyiiryiito apum tiilakle, dapochiinii gonyiinii ajaitingshang Kang nkang- sii bam makle, nlenii jumage kapyii kangto bamle.

ROMMEI 1:30

Saraago ngou karou- pii, kashyiitha poi ka-mpatmei, pwi pfiinii katam swikasu,

MATIMANGOU KAPYII 22:15

Nlenii chyiihang, ashoi kapoi- meihang, sapwimei sapfiimei kashyii kahong tha katiimeihang sateichii meigo kagi meihang, sateichii tingtu paramgo kamatamei hang ninado kashyiigo kamarei, kashyii tha katiimei hangtei sabato leile.

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

TAITAS 1:16

Ahnyiinii Saraago tilesii tam mpatle, nlenii ahnyiimah tha teinii mpougo mazhiimakle, ahnyiinii ka- ngouroule, katam swimakle, sateichii tha hangninii jangpiiniido kabi tei gale.

1 PITAR 3:20

Ai hang ai Nohanii malyii likalei kak Saraanii katam swikasu rangii hang teile. Malyiilung mei chengniikii kalei kagapii siisat tei dwi kito keipyiile.

HEBRUMEI 11:31

Kamalum kito shaat kasupei Ra- habnii makumpii meijai kajumeigo tiigatpii lukai kapyii jangpii Saraanii katam swikasumei hang go kaswisii mpoupeinii gatu makle.

2 THESOLONIKAMEI 2:8

Sateichii teitinglangki kashyii kahong ahmah mei gotei mangou tangle, teito Bangpii Jisunii mpou mwi kito ngai ka-mpat chyiingai teipiinii mpougo girang tangle, sateichii gong kalei mpoumah vakaki teipii mpougo tiimaga tangle.

ROMMEI 4:13

Kadaponii Abraham sateichii mpoutaa mpounahmeigo sazyii pouryii ai ahnyiinii mahtou toutang lesii riishii tiikapyii tei ajaitingshang paito gongmakle, nlenii kamalum mah kasang kamajyii paito gongle.

METIU 10:21

“Asanapiinii sanapiigo sateichii Pfiinii Nahgo taimatu tang karam jangpii pyiitoi tangle, sateichii nahmeinii Pwi Pfii pyiiryiikii mazhii supiinii ahnyiigo gimatu tangle.

1 PITAR 2:7

Teijangpii gonyii malum kalumei jangpiinanii, mpou ai maiteengle, nlenii malum kasu ahnyii jangpii- nanii, “Ki katiimeinii maikaga kuitulesii mazhiikasu tei hangkak kito roukatii ndat takle.”

HEBRUMEI 12:16

Sateichii mei kaniido sapwi- mei sapfiimei kashyii kahong tha katii, mak-kii mpou nah katingpiinii doukamajyii tei malot hangniniipii joitoi kalei, Isau takumpii matei kasu mei tei gamatu tang karam jangpii tiigatpii juwolo.

GALATIMEI 5:21

kabigo kathairou katu, jou sak kapiinhii, jou sakmaga katu sateichii tei kakum njoi tha tiisii kaleimei hang teinii, Saraamah sating sazyii tei doulak lesii Inii gonyiigo asungto kakhatsii katam takumpii Inii gonyiigo kakhatsii tam leile.

GALATIMEI 5:18

Nlenii gonyiigo rangiinii chyiitat pyiileponii, gonyii ajaitingshang kaang nkang makle.

1 TIMOTHI 4:7

Nlenii tam kakadak, Saraa haikasu meinahnii likalu kakadak rasam ki teito mpaa wolo. Nang goroinapii Saraago kama- ning kiteito tiiralilo,

1 TIMOTHI 6:20

He Timothi, tiilosii godakii pyii kabam tei ryii wolo, mei kangkanii “Swirek kati” lesii lat kalei kiteito kapat Saraa haikasu sam katam kamalhii hang kito sateichii kaka- daksam kazyiisii kalei hang kiteito mpaa wolo.

2 TIMOTHI 2:16

Saraa dato meigo kisii kisii chyiitai katu kakadak ninado kapang ka- mang mah sam karashii katu kiteito mpaa wolo.

2 TIMOTHI 3:2

kadapokii meinahnii mpouroipii mpougo lungkasyii, sanahgo kamarei, palhii kadi, det kadi, meigo kalet kalou katii, pwi pfiinii katam swikasu, tiikapyii mai tikasu, mateikasu.

TAITAS 1:6

Charsh ki katingmei hangninanii tam mashyiipei kalak, nou hangninii mah naa katii, mpou nahmei tei kamalum mei tang karamle, sateichii ngoukashyii jairali mak-kii ahnyii pwi pfiinii katam swikasu jaikashyii tei gatang karamle.

TAITAS 1:10

Kadapokii nzhuisii kalei, kakadak sam katam ninado kasang kasu sam teipii chuisii meigo kahem mei hangkii leile, rou tiisii tiigyii malem kalei boumei kak kitole;

JUD DATO KAGONG CHITI JUKAMATI 1:15

Ai hang phyiiryiikii samtak tiitang karam jangpii sateichii Saraa haikasumei hang go Saraa haisupii tiikalei Saraa haikasu tha hanglyiimah kaang kito sateichii Saraa haikasu kem kama- meinii mpou phyiiryiikii tam kalei sam hangmah kaang kito tiikamage tang karam jangpii mpounii gong tangle.”