1 TIMOTHI 1:12 - KARANU KABI SAMTAM

¹² N-gu tiisangting kapyii nyii Bangpii Krista Jisugo Inii halangle, dapokii nga ngamatu tang karam jangpii mpounii n-gu kalaipyiisii malum kabuimei hangninii tiipyii takle.

1 TIMOTHI 1:12 Referans Kwoze

PILIPIMEI 4:13

N-gu teima- ham pyiisii tiisangting kapyii Krista zei kito Inii mahlyii hang tiiwo buile.

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

KOLOSIMEI 1:25

Sateichii gonyii kabi jangpii tha tiilosii gudakii ai tha kapyii Saraanii n-gu charsh mah nga kangamei hangninii tiipyii takle. Tha teinii mpoumah kabi rasam tei mashangsii tam katat,

PILIPIMEI 2:11

sateichii Pfii Saraamah pumtei kava jangpii mahlyii hangnii, Jisu Krista ai Bangpiile katu tei madupii tam mpat tangle.

2 KORENMEI 4:1

Saraanii mpoumah lungsyii kapyii kito aitha ai tiilosii nyii dakii pyiitakle, teijangpii nyiinii lung taimakle.

1 KORENMEI 7:25

Aitoinii kalakna tiikasumei mah kaang kito, Inii Bangpiimah kakhatsam tei doumakle, nlenii Bangpiimah lungsyii kapyii teipii malum kabuimei hangninii tiisii Inii gumah kamaning tei mati leile.

TIILAMLWI KAPYIIMEI THA JUKAMATI 9:22

Nlenii Solnii tam rali kapyii tei kisii kisii teisii, Jisu ai Kristale katu maning kariirhii tei gasii tam rali kapyii kito, Damaskas kito kalei Jehudimei hang go sung tiimaga aitakle.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

TIILAMLWI KAPYIIMEI THA JUKAMATI 16:15

Mpoupeido mpou- peiki kalungmei hangniido dwi mpum kalutai mpoupeinii nyii dato khangle, “I-ai Bangpiigo kamalum meilesii gonyiinii maning leponii, guki gong bamseilo.” Sateichii mpoupeinii nyiigo tiigatpii haitakle.

1 TIMOTHI 1:11

Satoi pyiikati pumtei kava Saraamah kabi rasam n-gu tam matilosii gudakii pyii kabam tai swisiile.

1 KORENMEI 15:10

Nlenii tingnei Inii tiisii kalei ai, Saraamah jumage kapyii kito Inii tiisii leile sateichii mpoumah jumage kapyii, gudakii pyii kabam tei kadak makle. Nlenii tiilamlwi kapyiimei kaki kata hangninii sungdo Inii kisii teibuisii tha tiitakle, teitii kido Inii makle, nlenii n-gu kaswi kalei Saraa- mah jumage kapyii teiniile.

JONNII KARYII KABI RASAM JUKAMATI 5:23

Nah sapfii mpougo sadzyii ngariit tiikasu ahteinii nah sapfii mpougo lang ka m-mang Pfiigo teido sadzyii ngariit tiimakle.

1 KORENMEI 3:5

Teitiileponii Apollos ai tapo? Sateichii Pol ai tapo? Ki kaleimeile, ahnyii paikito gonyiinii malum wotakle sateichii Bangpiinii ahnyii mei nsang nsang dakii pyiikabam takumle.

GALATIMEI 3:26

Kadapokii gonyiihangnii kama- lum paito Krista Jisugo gonyiinii njasii hangninii tiikalu kito Saraamah Nah meihang takle.

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

1 TIMOTHI 1:1

Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

1 TIMOTHI 1:2

Kamalum kito Gunah sapfii mpou Timothi dakii: Pfii Saraa ninado nyii Bangpii Jisu Kristanii jumage kapyii ninado kamajung tei pyii matulo.

1 TIMOTHI 6:13

Mahlyii hang go karing pyiisii kalei Saraa sateichii Pontios Pailat doito mpoumah kamalum tei sang- tingsii tam ka-mpat Krista Jisu doito, Inii n-go kakhat leile.

2 TIMOTHI 2:2

Sateichii sakchyii meihangkii doito nangnii gudato shiikalu tei mei kakimei dakiido ralipyii kabuimei dakii tiilosii tampyiilo.

TAITAS 1:4

Kamalum njoi katu kito kasang gunah sapfii mpou Taitas dakii: Pfii Saraa ninado nyiigo keikapyii Bangpii Krista Jisunii jumage kapyii ninado kamajung tei n-go pyii matulo.

PHILIMON 1:9

Nlenii aitungpii Inii n-go lungkasyii jangpii aikakum mei tiisii kalei tingkalei ninado Krista Jisu- mah kaang kito aitoi bangkabam mei hangninii tiisii kalei Pol Inii khangleile.

METIU 20:4

Teito mpounii ahnyii dakii tamle, ‘gonyiido maasii darkha toipyiilu kito tha tiitulo, sateichii pyii kamajyii tei Inii gonyiigo pyii tangle’ sii tam takle; teipiinii ahnyiinii tat tutakle.