1 TIMOTHI 1:10 - KARANU KABI SAMTAM

¹⁰ Kashyii kahong tha katiimei, mei tiikasu kashyii tha katiimei, meipwi mei- nahgo karagamei, chuisii kasang kasu sakchyii kapyiimei mak-kii kasang kabi ralikapyii kito mazhii kasu tha katiimei jangpii ajaiting- shang ai tiibamle, katu ai mangailak tang karamle.

1 TIMOTHI 1:10 Referans Kwoze

2 TIMOTHI 4:3

kadaponii kabi ralikapyii gotei meinahnii shii kalak tinglang gongtangle, nlenii ahnyii pumzai mah kamarei ka-nta hang teitei switangle sateichii ahnyiinii shiinyiisii khoi mataksii kalei sam tei ahnyiigo tampyii tang karam ma- dhiikapyiimei gotei ahnyiinii ahnyii jangpii kisii kisii poi nkomtu tangle.

ROMMEI 1:26

Akaang aijangpii Saraanii ah- nyiigo hangkeng kaga maning marei kikii mpatpyii takle. Ahnyii noumei teinii ameinah jai tingshang katii gotei ajaitingshang kasu kikii kadat kaitakle.

MATIMANGOU KAPYII 21:27

Nlenii Jaonah mah karingmah larekbung kikii zei ryiikai kabam mei tei supiinii, matei kasu, ka-nrou tha katiimei, mak-kii kachuimei hang- teinii teiki lungtei liitsang liitlakle.

1 TIMOTHI 6:3

Mei kata kangkanii kataam dormo mah karaligo sateichii nyii Bangpii Jisu Krista mah kasang samtam gotei mazhii supii kaki ka- tham ralipyiisii leileponii,

JUD DATO KAGONG CHITI JUKAMATI 1:7

Tei takumpii Sodom ninado Gomara sateichii teiki kuto kalei namdi hangtei sating gamluigo jairali njoisii Sapwimei sapfiimei kashyii kahong tha katii, sateichii mei tiikasu pumzaimah kamarei ka-ntha tha taiswisii kalung teipiinii kalui kaga mibam mah kaset kalak tei pungsii, meihang dakii tiikama- ngou nda tiisii mangou leile.

TAITAS 1:9

mpounii kakimeigo kasang rali kapyii teipii lung tiimakhiiha kabui tiisii sateichii teigo mazhii kasumei mah tiikama teido mangoupyii kabui tiisii kasang karaligo kamazhii ninado malum kabui samtam gotei mpounii sangtingsii jumtang karamle.

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

HEBRUMEI 13:4

Kalakna katii ai meihangnii dzyiirou tang karamle, sateichii kalakna katii zyii tei hong matu sulo. Kadapokii sapwimei sapfiimei kashyii kahong tha katii ninado masung maha katumei hang go Saraanii samtak tiitangle.

MATIMANGOU KAPYII 22:15

Nlenii chyiihang, ashoi kapoi- meihang, sapwimei sapfiimei kashyii kahong tha katiimeihang sateichii meigo kagi meihang, sateichii tingtu paramgo kamatamei hang ninado kashyiigo kamarei, kashyii tha katiimei hangtei sabato leile.

2 TIMOTHI 1:13

Krista Jisu dato kalei kamalum ninado lungka- syii kito, nangnii gudato shiikalu kabi samhang mah tiikamangou nda tei tiilo.

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

TAITAS 1:13

Sakchyii ai kasangle. Teijangpiinii meinahnii likalu Jehu- dimei mah rasam kiteikii sateichii kasang go mazhii kasumei mah kakhatsam kiteikii ahnyiinii lungliit supiinii.

MATIMANGOU KAPYII 18:13

sateichii tingtchii, gaigi, tiiroutou, myrrh, keirum kabi thao, jou ninado thao, toknui, ninado gihu, twom, jao, takoi, ninado takoi garyii, kikalei- mei, ninado meinah mah karing katangdo lyiipyii sutakle.

1 TIMOTHI 4:6

Nangnii sam hang ai kang- sanamei lung kikii kaipyii leponii, nangnii kamalum samtam hangteipii sateichii nangnii swikalei kabi karali hang teipiinii n-go tiisangting pyiisii, nang Krista Jisumah kabi kikaleimei hangninii tiitangle.