1 PITAR 5:9 - KARANU KABI SAMTAM

⁹ Gonyii kamalum kito sangtingsii ahgo saryii tiilo, kadapokii teigo njoi katu tei kakum kamage kalak kapung hangtei sazyii pouryii kalei gonyiigo njoi katu kamalum mei datodo pat takle katu gonyiinii tilo.

1 PITAR 5:9 Referans Kwoze

JEMS 4:7

Teijangpiinii gonyii roinapii gonyii Saraa dakii pyii ailo, Sara kashyii gotei saryii tiilo, teito ahnii gonyii dato pakga tangle.

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

1 PITAR 2:21

Kadaponii aikikii gonyiigo Saraanii latto takle; kada- pokii gonyiinii Kristamah pikang tai swimatu tang karam jangpii, gonyii dakii nda tiimangousii, gonyii jangpii Kristaniido kamage kalak tei pungpyii takle.

1 KORENMEI 10:13

meinahnii lehwo kabui doito kisii kahemnii jum makle, nlenii Saraanii malum kabwi teile, gonyiinii ngam wokabui doito kisii gonyiigo mpounii hem matulakle; nlenii gonyiinii lehwo kabui jangpii kahem gotei kaswisii nlek tang karam pwidido mpounii pyiitangle.

2 TIMOTHI 3:12

Krista Jisu dato Saraa kamaning tiilung lung kanyiimei hang gotei kaset kalak pyiisii tiikamage tangle,

IPISAMEI 6:16

tinglang kaleita kamalum tei kokryii hangninii takumpii gonyiinii pungtatlo. Kada- pokii sara kashyiimah rot ka-mpat misung kalei kokpi ti hang gotei gonyiinii teiteipii namtoi wobuile.

1 PITAR 3:14

Nlenii gonyiinii kasang kamajyii jangpii kamage kalak doutuchiido, gonyii sadoi bile! Ahnyiigo hing sulo, lungdo mage sulo.

HEBRUMEI 11:33

Ahnyiinii kamalum pai- kito sagong magongsii kalung sazyii hang go apum tiiwo takle, kasang kamajyii tha tiiwo takle, riishii tiikapyii doutakle, kou nongsa hang mah mwi makatneiwo takle,

1 TIMOTHI 6:12

Kamalum mah kabi saryii katii tei tiilo, sakchyiimei hangkii doito nangnii tam ka-mpat kak, n-go latkalu kalui kaga mah karing tei jumlo.

1 THESOLONIKAMEI 3:3

kadapokii kamage kalak hang aipiinii gonyii meikagodo tii nlai matulak tang karam jangpii; tei kakum kamage kalak hang tei nyii jangpii Saraanii kamaning kama- reimah njai hangniniile katu tei gonyii pum sekpiinii tile.

IPISAMEI 4:27

Kai kabi tei seitan go pyiisulo.

MATIMANGOU KAPYII 6:11

Teito ahnyii mei nsang nsang go paijou pi rot katang kaha pyiitakle. Sateichii ahnyiigo takumpii gitang karam, ahnyiigo kaswisii kikaleimei tiisii kaleimei hangdo ahnyiimah kangsanameido gikat kasuta, ahnyiinii aitoi tinglang shangniikii jangpii ntak matulosii ahnyii dakii tampyii takle.

1 PITAR 4:13

Nlenii Kristamah pumtei kava mati kamangou kak, gonyiinii kisii ntasii ranga tang karam jangpii, Kristanii kamage kalak kapungmah njai dou njoisii kalei gonyii ntalo.

1 PITAR 1:6

Aitoi tinglang shangniikii jang- pii kataam kataam tiisii jai kaju kamage kalak hang gonyiinii pungsii swi kamagetu kido, gonyii kaang aijangpii nta rangalo,

KOLOSIMEI 2:5

Kadapokii pumzai lamto Inii gonyii kak haimak kado gonyiimah ache katii ninado Krista dakii gonyiimah kamalum mah kasangting tei ngousii Inii ntale ninado Inii rangii kito gonyii go kaswisii leile.

JONNII KARYII KABI RASAM JUKAMATI 16:33

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

MATIMANGOU KAPYII 7:14

Inii mpou dakii tamle, “Oja, nangnii tile,” sateichii mpounii gudakii tamle, “Ahnyii hang teinii kamage kalak kadi kiteito pat kalumei teile, sateichii ahnyiimah paijou kathang tei shyii mateisii jaonah mah zai kito tiimaha aitakle.

LUKNII KARYII KABI RASAM JUKAMATI 22:32

Nlenii gomah kamalum tei gakasu jangpiinii Inii gojangpii riitale, sateichii nangnii golung kaliwo takle sekchii, gosanameigo tiisangting pyiilo.”

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

2 TIMOTHI 4:7

Kabi sa- ryii katii tei Inii tiitakle, pak kamaga tang karam tei Inii tiisang aitakle, kamalum tei Inii ryii wotakle.

HEBRUMEI 12:8

Mpou nah sapfiimei hang go katii takumpii, n-go kadwi karat tei tiisu- leponii, nangnii mpounah kasang makle, nlenii siihanah takle.