1 PITAR 5:8 - KARANU KABI SAMTAM

⁸ Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile.

1 PITAR 5:8 Referans Kwoze

IPISAMEI 6:11

Seitanmah achoi aru kashyii hang kiteito gonyiinii satto kabui jangpii, Saraamah saryiinat hangtei kai wolo.

JEMS 4:7

Teijangpiinii gonyii roinapii gonyii Saraa dakii pyii ailo, Sara kashyii gotei saryii tiilo, teito ahnii gonyii dato pakga tangle.

IPISAMEI 4:27

Kai kabi tei seitan go pyiisulo.

1 PITAR 1:13

Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.

1 PITAR 4:7

Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

LUKNII KARYII KABI RASAM JUKAMATI 21:36

Nlenii pat tang karam matum madum hang kito gonyiinii nlek kabui mah teimaham dou kabui ninado meinah sapfii mpou doi tei gonyiinii satto kabui jangpiinii tinglang kaleita leh wolo.”

LUKNII KARYII KABI RASAM JUKAMATI 22:31

“Simon, Simon! julo, gonyiihang go seitan nii jai jutang karam jangpii kamazhii tei poiwo takle, kabimeigo kashyiimei kak kito poitaam tang karam jangpii, tha katiimeinii Gihuti tei araang kito poitaam katu ta- kumpiinii.

TAITAS 2:12

Nyiinii Saraa maning kasu ninado sazyii pouryii mah kamarei ka-ntha tei haisupii, lungswi jum matwisii, kanat bisii, sateichii Saraa maningsii aitoimah sazyii pouryii aito lungtang karam jumage kapyii ainii nyiigo ralipyiisii leile.

MATIMANGOU KAPYII 12:12

Teijangpii nta tulo, Oh sating ninado teilungto kalei gonyiihang! Nlenii kamagele gonyii jangpii, Oh sazyii pouryii ninado dwijai, kada- pokii sara kashyii teinii hangkapii rarhiisii gonyiida tat hum takle, dapochiinii ahmah tinglang ai dwitakle katu ahnii tile.”

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

METIU 13:39

ahnyiigo ralikai kapyii ngou karoumei teinii sara kashyii teile, karachet tinglang teinii, sazyii pouryii mah kalui teile, sateichii lu karachet mei teinii sating gamlui hang teile.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

METIU 24:42

“Teijangpiinii sakailo, kadapokii gonyii Bangpiinii kadapiinei gong tangpo katu gonyiinii timakle.

MATIMANGOU KAPYII 20:10

Sateichii ahnyiigo kasang kasu teipii chuisii hem kalu seitan gotei, saramkownah teiniido kasang kasu lungkakalingmei teiniido kalei, mi ninado sulphurmah mi jailungkii toikai aitakle, sateichii ahnyiigo kalui gasii tinghum tingna tiikamage tangle.

LUKNII KARYII KABI RASAM JUKAMATI 21:34

“Nlenii tak chii kamaju, jou sak kapiinhii sateichii sazyii pouryii meimah swi teipiinii gonyii lung tii kamage matu kasu tiisii sateichii teipiinei leimik tei mphee takum- piinii gonyii phyiiryiikii tisupiinii gong matu kasu tiisii, gonyii roinapii gonyii sakai wolo.

TAITAS 1:8

nlenii meigo pyiichii pyiisak kati, kabigo kamarei, mpou roinapii mpou lungswigo apum katii, kasang katii, kamatei, mpouroinapii mpou pumgo jum matwi kabuimei tang karamle;

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

TAITAS 2:6

Teitakumpiinii ahnyii roinapii mpou mpou pum jum matwi kabui tiisii sapfiimei karanumeigo katuikai pyiilo.

TAITAS 2:2

Kamalum kito, lungkasyii kito, sateichii lung leh kati kito sangting wokabui tiisii lung manoilo, nrou sangam tilo, sateichii mpouroinapii mpou pum jum matui tilo, katupii sapfiimei katingmeigo tam ralipyiilo.

1 TIMOTHI 2:15

Nlenii sapwimeinii lung kasana tei njasii, kamalum kito, lungkasyii kito, sateichii kamatei kito taksupiinii leileponii mpoupei nah ka-mpung kito keipyii tangle.

MATIMANGOU KAPYII 20:2

Sateichii ahnii mwigatpwi, peipao sanhii katunii, sara kashyii mak-kii seitan, gotei jum wosii, tingkum tangkii jangpii ahgo rengpeinei sanii,

TAITAS 2:4

Saraamah samtamgo tam mashyii matu kasu tiisii, sapwi- mei karanumeinii ahnyii naamei ninado ahnyii nahmeigo lungsyii matutang karam,

1 TIMOTHI 3:11

tei takumpii sapwimei teiniido jairali bitang karamle, sateichii samlat moilak tang karamle, nlenii ahnyiinii mahlyii hang kito lung manoi tangle, sateichii malum kabuimei tang karamle;

1 TIMOTHI 2:9

Teitakumpii, sapwi- meinii ache katii ninado ka-nrou tei tisii peimani kai kamajyii kai katu tei Inii mareile. Phyiitaam kakhi teipii, mak-kii sona teipii, mak-kii mai kating kamaleek teipii, mak-kii mai kating peimani teipii supii, tha kabi kabi hang teipiinii tiimatou matulo.

METIU 4:1

Teito sara kashyiinii hemtang karam jangpii Jisugo rangiinii sazyii kamarong kikii pangsii tat tutakle.

1 TIMOTHI 3:2

teijangpii doi kamajaang mei teinii zeigo kafii kaga sapwimei hangninii mah naa katii lung kasana, ah roinapii ahpum jum kati, ache adok katii, juti kasumeigo lukakai, meigo rali kabuimei tang karamle,

METIU 25:41

“Teito mpounii mpou-bah abilam pangto kalei hang dateikii tam tangle, ‘He Saraa sheeng doukalumei, gonyii gudato tat mpasii seitan ninado mpou mah sating gamlui hang jangpii tiida kabam kalui kaga mibam kitei tat tulo;

METIU 4:11

Teito seitan teinii mpougo toi aitakle, sateichii julo, sating gamlui- hangnii humsii mpougo tiihale.

MARK 4:15

pwidi kukikii ralikai kabam bam kito kalei ahnyii teinii aile: ahnyiinii shii wosek-kii seitan teinii gongsii, ahnyii dakii ralikai kabam sam tei poi toile.

2 KORENMEI 2:11

Sara kashyiinii nyii phyiiryiito teimaham gamatu tang karam jangpii Inii ai ai tiile; kadapokii ahmah chem tei nyiinii tile.

MATIMANGOU KAPYII 12:10

Sateichii sating gamto kasagoi rok hangninanii aitiisii tam kalei tei Inii shiile, “Aitoinii keikapyii karing, pumtei, ninado nyiimah Saraamah sating sazyii ninado mpoumah Kristamah teimaham tei gongtakle. Kadapokii nyii kangsanameigo nyii Saraa doito tinghum tingna chuisii hemsii kalei ahnyii gotei toi m-mang aitakle.