1 PITAR 5:12 - KARANU KABI SAMTAM

¹² Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

1 PITAR 5:12 Referans Kwoze

HEBRUMEI 13:22

Kangsanamei, Inii gonyiigo khang leile, lung tiikamadimah sam tei leh pyiilo, kadapokii Inii gonyii dakii dwisii ryiipyii bamle.

TIILAMLWI KAPYIIMEI THA JUKAMATI 11:23

Mpounii gongsii Saraa mah ka- lungset tei ngou wosii ntale, sateichii ahnyiihang go lung sangtingsii Bangpii dato taksupii bam matutang karam mpounii tam katwipyiile.

2 KORENMEI 1:19

Kadapokii Silvanasnii, Timothinii sateichii Inii gonyii kak kikii tam rali kapyii Saraa nah sapfii mpou Jisu Krista, teinii “nle” katu sateichii “makle” katupii tei makle; nlenii mpounii Saraa mah “nle” katupii teile.

1 KORENMEI 15:1

Sateichii aitoinii kangsa- namei, Inii gonyii dakii tam rali pyii kalei kabi rasam, gonyiinii doukalu sateichii satsii kalei gonyii mah kamalum tei, Inii gonyii dakii tam maningloi leile.

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

2 THESOLONIKAMEI 1:1

Pol, Sailas ninado Timothi dato nyii Pfii Saraa ninado Jisu Krista dato kalei Thesolonika kito kalei charsh dakii:

1 THESOLONIKAMEI 1:1

Pol, Sailas ninado Timothi dato– Pfii Saraa ninado bangpii Jisu Krista dato kalei Thesolonika ki charsh dakii: Jumage kapyii ninado kamajung tei gonyiimah matulo.

JUD DATO KAGONG CHITI JUKAMATI 1:3

Lungkasyiimei, kamalum mei- hangnii dousii kalei Kristenmei mah kamalum, keikapyii karingmah kaang kito gonyii dakii Inii chiti ryiinesii tiidasii leile. Nlenii Saraanii mpoumah meihang dakii pyii kabam gakalak kamalum jangpii saryii tiimatu tang karam jangpii gonyiigo lung tiimadi tang karam jangpii ryiisu kashyii ai aitoisekkii Inii kadou takle.

3 JON 1:12

Meihangnii sateichii kasang sek teinii Deumitrios mah sakchyii pyiitakle, Iniido mpougo sakchyii pyiileile, sateichii gumah sakchyii ai kasangle katu nangnii tile.

2 PITAR 2:15

Kasang pwidi gotei rat toi aisii ahnyiinii dhiisii tat tutakle, kashyii tha katii kito liipat kamarei, Beor nah sapfii mpou Balam mah pwidi tei ahnyiinii swiwo takle.

2 PITAR 1:12

Teijangpii gonyiinii aihang go tisii ninado gonyiinii doukalu kasang kiteito sangtingsii laikado, aihangmah kaang kito Inii gonyiigo tam maning tangle.

KOLOSIMEI 4:9

Gonyii kak kito mei hangninii tiisii kalei, malum kabui ninado lungkasyii sanapii Onesimas go kaswisii mpougo lang magong leile. Ai kito pat kalei mahlyiihang mah nha hangtei ahnyiinii gonyii dakii tampyii tangle.

KOLOSIMEI 4:7

Abangpiimah tha kito malum kabui tha tiisii kalei sateichii kaswisii kikaleimei hangninii tiisii kalei, lungkasyii nyii sanapii Taichi- kasnii gumah nha hangtei gonyii dakii tam mangou tangle.

KOLOSIMEI 1:7

Saraamah jumage kapyii tei nyiitung tiisii Kris- tamah tha tiisii kalei malum kabui, nyiigo masamsii kikalei lungkasyii Ipapros dato gonyiinii shiitakle.

IPISAMEI 6:21

Sateichii gonyiiniido I-kada takumpiinii leipo katu titang karam jangpii, Bangpii zei kito malum kabui tha katii ninado kamanang lungkasyii Taichikasnii gonyii dakii matum madum tam matipyii tangle.

IPISAMEI 3:3

Saraanii mpoumah tiitang karam karaang kamaning kamakum tei mati mangoule satei- chii gudakii mati pyiile. Ai kaang kito Inii dwisii ryiibamle.

2 KORENMEI 1:24

Nyiinii gonyiimah kamalum phyiiryiito apum tiitang karam jangpiinii makle, nlenii gonyiigo nta matu tang karam jangpii nyiinii gonyiigo kaswisii tha tiileile. Kadapokii gonyiinii kamalum kito sangtingsii satsii leile.

ROMMEI 5:2

Mpou paikito aitoi nyiinii lung kalei Saraa mah jumage kapyii ai doutakle, sateichii Saraa mah pumtei kava mah njai tei nyiinii doutang karam kamalum jangteipii ntale.

JONNII KARYII KABI RASAM JUKAMATI 21:21

Teijangpii Pitarnii mpougo ngou wosanii mpou dakii tamle, “Bangpii, mei aipou mah kaang kitonii kada takum tangpo?”

TIILAMLWI KAPYIIMEI THA JUKAMATI 15:22

Sateichii ahnyii kangsanamei hang kak kito meinii adzyii ka-nrou- meigo, zei Barnabas sii kalat Judas ninado Sailas go, kalai mpat tosii Pol ninado Barnabas go kaswisii Antiyok kikii lang mpat tang karam ai Charsh hang, Tiilamlwi kapyiimei hang, ninado katingmei hangnii bitanglesii maning takle.

1 PITAR 1:13

Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.

1 PITAR 4:10

Mei nsang nsangnii Saraa dato luha doukalu taiswisii, gonyii hangninanii hangniniigo Saraamah kataam kataam luhamah kabi mahbam kajumei takumpii jum tang karamle.