1 PITAR 5:10 - KARANU KABI SAMTAM

¹⁰ Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

1 PITAR 5:10 Referans Kwoze

2 KORENMEI 4:17

Kadapokii ai kacheng ninado shangniikii jangpii nyiinii doukalei kamage ainii nyiinii doukalei kamage ai sung disang dikisii nyii jangpii dikaki kalui kaga pumtei kava tei pung gongpyii tangle.

2 THESOLONIKAMEI 3:3

Nlenii malum kabui tei Bang- piile, mpounii gonyiigo tiisangting pyii tangle, sateichii kashyii kahong kiteito koipyii tangle.

JUD DATO KAGONG CHITI JUKAMATI 1:24

Aitoinii koutang karam kito gonyiigo masat kabui ninado sajek gasii rangasii mpoumah pumtei kava doikii gonyiigo masatto kabui kangam–

1 TIMOTHI 6:12

Kamalum mah kabi saryii katii tei tiilo, sakchyiimei hangkii doito nangnii tam ka-mpat kak, n-go latkalu kalui kaga mah karing tei jumlo.

2 THESOLONIKAMEI 2:17

sateichii kabi tha ninado samtam hang kito tiimashangpyii matulo.

2 KORENMEI 13:11

Sateichii aitoinii gukangsanamei, bisii bamlo! Bimatui bimasang kabui tiilo! Inii khangkalei hangtei shiilo; hangninanii hangniniigo kaning bisii, majung makungsii lunglo; teitii leponii, lungkasyii ninado kamajung kamakung mah Saraa teinii gonyiigo kaswipyii tangle.

1 KORENMEI 1:9

Saraanii malum buile, mpou paikito mpou nah sapfii mpou Jisu Krista katunii, nyii Bangpiigo kanghe tiimatu tang karam jangpii gonyiigo laatpyii takle.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

2 PITAR 1:3

Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

1 PITAR 1:15

gonyiigo lat kapyii ahnii kamatei takumpii gonyiimah jairali hang kito mateilo,

PILIPIMEI 4:13

N-gu teima- ham pyiisii tiisangting kapyii Krista zei kito Inii mahlyii hang tiiwo buile.

2 TIMOTHI 2:10

Teijangpii kalai kalumei teiniido kalui kaga pumtei kava tei njasii Krista Jisu dato kalei keikapyii karing tei doumatu tang karam jangpii ahnyii jangpii Inii mahlyiihang pungpyii takle.

2 THESOLONIKAMEI 2:14

Nyiimah kabi rasam paikito mpounii gonyiigo, nyii Bangpii Jisu Kristamah pumtei kava doumatu tang karam jangpii latpyiile.

LUKNII KARYII KABI RASAM JUKAMATI 22:32

Nlenii gomah kamalum tei gakasu jangpiinii Inii gojangpii riitale, sateichii nangnii golung kaliwo takle sekchii, gosanameigo tiisangting pyiilo.”

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

KOLOSIMEI 2:7

Gonyiimah maa tei mpoudato tuksii bamlo, mpou gamkii gonyiimah tiilung tei tiimakhiilo sateichii gonyiimah kamalum kito teibui builo sateichii hakalang katam teipiinii tokryiilo.

ROMMEI 15:5

Lungswi hangninii tiisii gonyiinii rok hangniniipii, nyii Bangpii Jisu Krista mah Saraado tiisii kalei ninado Apfiido tiisii kalei gotei tam matoi tang karam jangpii,

1 JON 2:25

Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.

HEBRUMEI 9:15

Teijangpii Saraanii lat kalumeihang teinii riishii tiikabam kalui kaga satoi hangtei doumatu tang karam jangpiinii sat tang karam karanu samtam kak kiteito kamajung tha tiisii kalei ai Kristale, sazyii pouryiimei hangnii sat tang karam karei samtam kangto tiikabam kama kito matapii laat mpat kapyii taikapyii hangninii kalei taiswisii ai ai tiiwo buile.

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

ROMMEI 9:11

kadaponii nahmei tei lung kasunakii sateichii mah kata kabi mak-kii kashyii hangninii kado tiikasunakii kalai mpat kalu tai swisii Saraa mah kamaning kito tatjou matu tang karam jangpii katunii, tha hang jangpii supii, nlenii mpounii lat kapyii jangpii,

1 PITAR 4:11

Tam ralipyiisii kaleimei teinii Saraamah samtam takumpii tam ralipyii tang karamle; nga ngasii kaleimei teinii ahgo Saraanii pyiisii kalei teimaham teipiinii nga ngatang karamle, dapokii teipiinii mahlyii hang kito Saraago Jisu Krista zei kito tam matoi tang karam jangpiile. Mpou dato kalui kaga pumtei kava ninado teimaham tei leile, Amen.

ROMMEI 9:24

Ka- daponii mpounii lat kalu mei tei nyiile, Jehudimei hang kak kito roinii makle nlenii lui kaki kakimei hang kak kitodole.

1 KORENMEI 1:10

He kangsanamei, gonyii hang- ninanii hangniniigo mazhiisii bamle, sateichii gonyii kak kito njairiit-riit katu tei galo, nlenii njoi katu kamaning lungswi ninado njoikatu tiitang karam kaang kiteito gonyii- hang kangkii tiisii njalosii, nyii Bangpii Jisu Krista zei kito Inii gonyii dato khang leile.

1 PITAR 4:10

Mei nsang nsangnii Saraa dato luha doukalu taiswisii, gonyii hangninanii hangniniigo Saraamah kataam kataam luhamah kabi mahbam kajumei takumpii jum tang karamle.