1 PITAR 4:7 - KARANU KABI SAMTAM

⁷ Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

1 PITAR 4:7 Referans Kwoze

1 PITAR 1:13

Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.

1 PITAR 5:8

Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile.

2 TIMOTHI 4:5

Nlenii nangnii mahlyiihang kito lung nlaisupii sangtingsii satlo, kamage kalak tei lehlo, kabi rasam tam rali kapyiimei tha tei tiilo, sateichii neikii neikii tiikamajyii gotha hangtei nangnii Saraa nga kangamei hangninii tiisii tiilo.

LUKNII KARYII KABI RASAM JUKAMATI 21:34

“Nlenii tak chii kamaju, jou sak kapiinhii sateichii sazyii pouryii meimah swi teipiinii gonyii lung tii kamage matu kasu tiisii sateichii teipiinei leimik tei mphee takum- piinii gonyii phyiiryiikii tisupiinii gong matu kasu tiisii, gonyii roinapii gonyii sakai wolo.

HEBRUMEI 10:25

Kangkanii tiisii kalei takumpii, nyii hangnii gong ndwi kalei tei nyiinii matou sude, nlenii Bangpiimah leimik tei nagong bui buisii kalei tei gonyiinii ngoukatu taiswisii, hangninanii hangniniigo kisii lung tiimakhiide.

KOLOSIMEI 4:2

Kariita kito nlaisulo, sateichii Saraago hakalang tamsii gonyiinii riitasii kalei kito machyiigatlo;

TAITAS 2:12

Nyiinii Saraa maning kasu ninado sazyii pouryii mah kamarei ka-ntha tei haisupii, lungswi jum matwisii, kanat bisii, sateichii Saraa maningsii aitoimah sazyii pouryii aito lungtang karam jumage kapyii ainii nyiigo ralipyiisii leile.

ROMMEI 12:12

gonyii mah maning kamalum kito rangalo, kamage kalak kito leh wolo; kariita kito taksulo.

PILIPIMEI 4:5

Gonyii lung kamanoi tei mei- hangnii timatulo, Bangpiinii kalangsii gong leile.

LUKNII KARYII KABI RASAM JUKAMATI 22:46

ahnyii dakii tamle, “Gonyii kadajangpii zyii leipo? Kahemki liit kasu tiisii gonyii gungtu riitalo.”

MATIMANGOU KAPYII 16:15

(“Julo, karagamei takumpii Inii gongtangle! Peimani haisupii makungpii ninado laat kabam tei ngoumatu lak tang karam jangpii peimani kaiwosii, mik raksii kalei ahtei sadoi bile!”)

1 PITAR 3:7

Tei takumpii gonyii naamei, gonyii noumei ai kisii kasui pumle katu tei tiigatpii tikasei tei njasii gonyii noumeigo kaswisii lung tang karamle. Ahnyiigo sadzyii ngariit tii- sii jupyiilo, dapokii gonyiigo kaswisii, ahnyiiniido Saraanii matapii kapyii kalui kaga karing tiilung tei doutangle. Gonyiimah kariita hang kito mah kado doidang matulak tang karam jangpii ai ai tiilo.

IPISAMEI 6:18

Sateichii nlai katang tei lung leh kati teipii machyiigatsii, kama- teimei hang jangpii riita hasii, riita kakhang ninado meijangpii riita kaha hang teipii, tinglang kaleita rangii haisii riitalo.

1 KORENMEI 15:24

Sateichii Kristanii apum katiimei, teimaham kajum mei ninado teimaham hang gotei tiimaga aisii sagong sazyii tei Saraa, katunii, Apfii dakii pyii kaleitai; teitaito kalui tinglang tei gong tangle.

1 KORENMEI 7:29

Kangsanamei, Inii katam tei kadagopokii, aile: tinglang dwitakle; teijangpii aitoi sekpiinii nou kabam mei teinii kaga takum matulo,

METIU 24:42

“Teijangpiinii sakailo, kadapokii gonyii Bangpiinii kadapiinei gong tangpo katu gonyiinii timakle.

LUKNII KARYII KABI RASAM JUKAMATI 21:36

Nlenii pat tang karam matum madum hang kito gonyiinii nlek kabui mah teimaham dou kabui ninado meinah sapfii mpou doi tei gonyiinii satto kabui jangpiinii tinglang kaleita leh wolo.”

METIU 25:13

Teijangpii sakailo, kadapokii gonyiinii leimikdo sateichii ting- langdo timakle.

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.