1 PITAR 4:6 - KARANU KABI SAMTAM

⁶ Kadapokii meinah takumpii pumzai kito samtak tii aikido ahnyiinii rangii kito Saraa takumpii ring kabui jangpii kataimeida katangdo kabi rasam tei tam ralipyii takle.

1 PITAR 4:6 Referans Kwoze

ROMMEI 8:2

Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

1 PITAR 3:19

sateichii mpoumah rangii lamto ringkaleiki kabang kito kalei rangii hangda mpounii maasii tam ralipyiile.

GALATIMEI 5:25

Rangii paito nyiinii tatdo tatle.

METIU 24:9

“Teito ahnyiinii gonyiigo tiika- mage tang karam jangpii pyiitangle sateichii gonyiigo gitangle ninado Lui hangnii gu zei jangpii gonyiigo ngourou tangle.

GALATIMEI 2:19

Kadaponii ajaitingshang dakii Inii ajaitingshang paikito taitakle, Inii Saraa jangpii ring kabui jangpii.

MATIMANGOU KAPYII 14:18

Sateichiimi phyiiryiito teimaham kalei kaki sating gamlui hangninanii Saraago pyiikatoibam kiteito tatpatsii, kadou mwikabi poikalei ah dakii rok sagoisii latle, “Gomah kadou mwikabi tei poiwosii sazyii pouryiimah darkha riitilu kiteito darkhati hangtei rachet tulo, kadapokii darkhati tei mwitakle.”

1 PITAR 1:12

Lungkaka- lingmeinii saa mpat kalei kabi rasam hangtei ahnyii roinii jangpii kabi tei roisupii, gonyii hang jangpiile katu tei Saraanii lungkakalingmei dakii mati mangoupyii takle. Ahnyiinii katam tei kabi rasam katam mei teinii gonyii dakii aitoi mati mangoupyii takle. Ahnyiinii kabi rasam tam kalei kitei, sating gamto Saraanii m-mang kapyii rangii kamatei teinii ahnyiigo kaswipyiile, sateichii aihang ai rangii kamatei katangniido tinyiisii kalei teile.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;