1 PITAR 4:14 - KARANU KABI SAMTAM

¹⁴ Gonyiinii Krista tai kaswi jangpii, gonyiigo kalet kalou tiileponii, gonyii sadoi bile, kadapokii pumtei kavamah sateichii Saraamah rangiinii gonyii phyiiryiito leile.

1 PITAR 4:14 Referans Kwoze

1 PITAR 3:14

Nlenii gonyiinii kasang kamajyii jangpii kamage kalak doutuchiido, gonyii sadoi bile! Ahnyiigo hing sulo, lungdo mage sulo.

LUKNII KARYII KABI RASAM JUKAMATI 6:22

“Meinah sapfii mpou jangpii gonyiigo ngou karou, pak katoi, chyii ka n-gi sateichii gonyii jai shyiilesii pak ka-mpat tinglang kak, gonyii doibile!

JEMS 1:12

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

METIU 5:11

“Gonyiinii gutai kaswimei katii jangpii kalet kalou katii, sateichii kaset kalak pyiisii kalei sateichii gonyii phyiiryiikii kashyii kashyiipii tamkai kapyii tinglang kak gonyii sadoi bile.

1 PITAR 3:16

Krista dato gonyiimah jairali kabi gotei tam kamashyii meinii gonyii phyiiryiikii tam mashyiisii katam kiteito ahnyiinii nrouwo kabui tiisii, gonyii lungswi tei mateisii mbamlo.

2 KORENMEI 12:10

Krista jangpii Inii kasui hang kito, kalet kalou katii kito, kahung kanang kito, kaset kalak kapyii kito, sateichii kamage kalak kiteito Inii lung samoule, kadapokii Inii suisii kalei tinglang kak Inii teimaham tei leile.

JONNII KARYII KABI RASAM JUKAMATI 15:21

Nlenii gu zei jangpii ahnyiinii aihang ai gonyii dakii tiitangle; kadapokii n-gu lang kamagong ah gotei ahnyiinii timakle.

JEMS 5:11

Julo, lung nlai kasumeigo nyiinii sadoi kabimeilesii latle, Job mah lung nlai kasumah kaang kito gonyiinii shiitakle, sateichii Bang- piinii kalui luisang kito mpougo kada takumpiinii pyiipo katu tei gonyiinii tile, kadapokii Bangpiinii lungsyii kati ninado lungset katipiinii tokryiile.

TIILAMLWI KAPYIIMEI THA JUKAMATI 13:45

Nlenii Jehudimeinii meihang gotei ngou wosek-kii, kamaimhiipii tokryiisanii, Polnii katam sam gotei jetdo jet tutakle sateichii tamdo tam mashyiitu takle.

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

HEBRUMEI 11:26

Izip mah kani kahiigo sungnii Krista mah ngou kasaba teinii kisii mai teeng kile sii mpounii poi wotakle. Kadapokii tinglang kanaki doutang karam alangh tei mpounii jubamle.

GALATIMEI 1:24

Sateichii ahnyiinii gu jangpii Saraago tam matoile.

JONNII KARYII KABI RASAM JUKAMATI 9:34

“Nangnii kem kamapiinii kajyiineisii lungle ninado kem kito makot makhiile, sateichii nangnii nyiigo ralipyii leipo?” Teito ahnyiinii mpougo Jehudimei mah ndwibamni kiteito paktoi aitakle.

JONNII KARYII KABI RASAM JUKAMATI 9:28

Teito ahnyiinii mpougo n-gisanii tamle, “Nang mpoumah boumeile, nlenii nyiinii Moses mah boumeile.

JONNII KARYII KABI RASAM JUKAMATI 8:48

Jehudimeinii mpougo khekalatle, “Nangnii Samariyameile sateichii sara kashyii kaswi leilesii nyiinii tam kalei ai nyiinii tam ma ai takpo?”

METIU 5:16

Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

2 PITAR 2:2

Sateichii mei hangkanii ahnyiimah jaikashyii tha taitei switangle; sateichii ahnyiinii tiikalei tha jang- teipii, kasangmah pwidi gotei kakimei hangnii tam mashyii tangle.

TIILAMLWI KAPYIIMEI THA JUKAMATI 18:6

Sateichii ahnyiinii mpougo jyiipasii tam mashyii tusek-kii, mpounii mpou peimani gam buinei tei katungtoi aisii ahnyii dakii tamle, “Gonyii zai tei gonyii phyii gam khii matulo! Inii kama gale, aitoisekpiinii Inii lui kakimeida tat tutang takle.”

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

TIILAMLWI KAPYIIMEI THA JUKAMATI 28:22

Nlenii goswi golung kadapeipo katu nyiinii godato shii kajyiitakle katu maningle; kadaponii bee aimei phyiiryiikii bamlyii hang kito karashii kalei ai nyiinii tile.”

2 KORENMEI 4:10

Jisu mah katai tei taiga kabui nyii pum kikii tinglang kaleita nyiinii pungtat leile, kadapokii mpoumah karing tei nyii pum kito ngou matu tang karam jangpii.

2 KORENMEI 4:16

Aijangpii nyiinii lung taisang taimakle, nyii pumzainii adoidoi huilatsii leikado, nyii rangii teinii tingnei tingneikii tiiranu aitakle.

1 PITAR 4:16

Nlenii gonyiinii Kristen mei hang- ninii tiikatu jangpii kamage kalak tei pungsii lei leponii, teikito nrou sulo, nlenii teimah zei kito ahnii Saraago tam matoi matulo.