1 PITAR 4:13 - KARANU KABI SAMTAM

¹³ Nlenii Kristamah pumtei kava mati kamangou kak, gonyiinii kisii ntasii ranga tang karam jangpii, Kristanii kamage kalak kapungmah njai dou njoisii kalei gonyii ntalo.

1 PITAR 4:13 Referans Kwoze

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

ROMMEI 5:3

Sateichii airoinii makle, nlenii nyiimah kamage kalak hang kito ntale, kamage kalak teipii leh kati;

PILIPIMEI 3:10

katunii, Inii mpougo ninado mpoumah ringkakhii mah teimaham gotei tikabui jangpii, sateichii mpoumah kamage kalak hangtei dou njoi kabui ninado mpoumah katai kito mpougo njoi kabui jangpii,

2 KORENMEI 1:7

Gonyii jangpii nyiinii maning kamalum tei nlaisang nlai makle; kadapokii nyiimah kamage kalak hangtei go- nyiinii njai poihai katu takumpiinii, nyiimah kazangjyii kitodo gonyiinii njai tei poihai tangle.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

2 KORENMEI 4:10

Jisu mah katai tei taiga kabui nyii pum kikii tinglang kaleita nyiinii pungtat leile, kadapokii mpoumah karing tei nyii pum kito ngou matu tang karam jangpii.

2 TIMOTHI 2:12

Nyiinii kamage kalak hangtei pungwo leponii, nyiiniido mpougo kaswisii sagong tiisii magongsii lung tangle; nyiinii mpougo mazhiisu leponii, mpouniido nyiigo mazhiipyii lakle.

2 KORENMEI 4:17

Kadapokii ai kacheng ninado shangniikii jangpii nyiinii doukalei kamage ainii nyiinii doukalei kamage ai sung disang dikisii nyii jangpii dikaki kalui kaga pumtei kava tei pung gongpyii tangle.

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

1 PITAR 5:1

Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile,

KOLOSIMEI 1:24

Aitoinii gonyii jangpii Inii kamage kalak leh kalei kaang kito Inii ntale, kadapokii gupum guzai kito Inii kamage kalak leh kalei aipiinii Kristamah pum, katunii charsh tung tiisii Kristamah kamage kalak tangkasu hangtei tiimashang matu tang karam jangpii Inii tiiha leile.

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 5:12

Ntalo ninado rangalo, kadapokii gonyii jangpii alangh kadi tei sating gamkii kaibam takle, kada- pokii gonyii doito kalei Lungkakaling meihang go aitiisii tiimaset tiimalakle.

1 PITAR 1:13

Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.

TIILAMLWI KAPYIIMEI THA JUKAMATI 16:25

Nlenii tinghum asumkii Pol nei Sailasnii Saraa dakii riitasii ninado lhii tiisii bamle;

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

METIU 25:23

Mpou mah Pumpii teinii mpou dakii tamle, ‘hangkapii bitakle, Kabi ninado malum kabui kikaleipii, nangnii mah kacheng phyiiryiito malum kabui tha tiikabam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

METIU 25:21

Mpou pumpii teinii tamle, ‘hangkapii bitakle, kabi ninado malum kabui kikaleipii, nangnii mah kacheng phyiiryiito malum kabui tha tiika- bam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

LUKNII KARYII KABI RASAM JUKAMATI 17:30

Meinah Sapfii Mpougo kamangou piinei leimik teitakum tangle.

MARK 8:38

Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.

ROMMEI 8:18

Dapodinchii aitoi tinglang mah kamage kalak leh kalei tei nyiidakii mangou tang karam pumtei kava gotei nda tiipei lakle katu tei Inii maningle.

2 KORENMEI 1:5

Kadapokii Krista mah kamage kalak hang kiteito nyiinii njai poi njoi katu takumpiinii, Krista paikito Saraamah tiikaha kadi tei nyiinii njai dou njoile.

1 PITAR 2:21

Kadaponii aikikii gonyiigo Saraanii latto takle; kada- pokii gonyiinii Kristamah pikang tai swimatu tang karam jangpii, gonyii dakii nda tiimangousii, gonyii jangpii Kristaniido kamage kalak tei pungpyii takle.

JUD DATO KAGONG CHITI JUKAMATI 1:24

Aitoinii koutang karam kito gonyiigo masat kabui ninado sajek gasii rangasii mpoumah pumtei kava doikii gonyiigo masatto kabui kangam–