1 PITAR 4:10 - KARANU KABI SAMTAM

¹⁰ Mei nsang nsangnii Saraa dato luha doukalu taiswisii, gonyii hangninanii hangniniigo Saraamah kataam kataam luhamah kabi mahbam kajumei takumpii jum tang karamle.

1 PITAR 4:10 Referans Kwoze

MARK 10:45

Kadapokii meinah sapfii mpou teiniido nga-ngasei matutang karam jangpii gongmakle, nlenii nga ngalesii sateichii mpou mah karing tei meihang kago keipyii tang karam jangpii pyiilesii gongle.”

HEBRUMEI 6:10

Kadapokii Saraanii majyii kasu gale, gonyiinii kamateimeigo tiikaha ninado aitoido tiihasii kalei gonyiinii tiikabam tha ninado mpou jangpii mangou kabam lungkasyii tei mpounii mangai lakle.

1 KORENMEI 15:10

Nlenii tingnei Inii tiisii kalei ai, Saraamah jumage kapyii kito Inii tiisii leile sateichii mpoumah jumage kapyii, gudakii pyii kabam tei kadak makle. Nlenii tiilamlwi kapyiimei kaki kata hangninii sungdo Inii kisii teibuisii tha tiitakle, teitii kido Inii makle, nlenii n-gu kaswi kalei Saraa- mah jumage kapyii teiniile.

1 KORENMEI 3:10

Gudakii pyiikabam Saraamah jumage kapyii taiswisii, kasakai ki katii apum hangninii takumpii Inii kibangmaa tei tiimakhiile, sateichii mei kaki hangninanii tei phyiiryiikii ki tiimakhiile. Nlenii meihangnii tei phyiiryiikii kada takumpiinii tiima- khii tangposii machyiigat matulo.

IPISAMEI 4:11

Sateichii mpounii mei kangkago tiilamlwi kapyiimei, kangkago lungkakalingmei, kangka- go kabi rasam katam mei, kangkago jao kakoimei, sateichii ralikapyiimei tiimatu tang karam jangpii mpoumah luha hangtei pyiitakle.

ROMMEI 15:27

Nle, ahnyii- mah dzyii karanga tei leitakle, sateichii kasangpii ahnyii teinii ahnyii dakii pyii kamajyii pow tei pungleile, kadaponii Jehudimeinii ahnyiimah rangii mah satoi tei luikakimei dakii njai leponii luikakimei teinado mah pot mah satoi tei poi mpatsii Jehudimeigo tiiha kajyiile.

TAITAS 1:7

Kadapokii charsh ki doimajang katatmeinii Saraamah mahbam kashangmei hangninii tiisii, mpounii tam mashyiipei kalak, ajaipalhii dikasu, mak-kii lung maring kasu, jou sak panhii kasu, mak-kii n-gi razyii kaga, mak-kii sanahgo lunyii kasumei hangninii tang karamle;

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

LUKNII KARYII KABI RASAM JUKAMATI 12:42

Teito Bangpiinii tamle, “Teitii lepochiinii tapii tei malum kabui ninado kasakai ki kaleipiipo? Teiteinii ki apumpiinii kalung mah sanglosii mei hangniniigo kaibam taklepokii mpounii kikaleimei kaki- mei hang go tinglang tiisii kachii kasak jaipyiisii kabampii teile.

1 KORENMEI 4:7

Tanii n-go mei kakimei doito taamsii tiipyiipo? Nangnii doukalu mahlyiihang tei Saraanii n-go pyiimakpo? Bitakle, teitii leponii, nangnii doukalu hangtei luha kasu takumpiinii nangnii kada takumpii detdiwo tangpo?

LUKNII KARYII KABI RASAM JUKAMATI 19:13

Sateichii mpounii mpouki kaleimei keariigo lat tosii, ahnyii dakii sana raguibagyii kearii pyii siinii tamle, ‘Inii nlaigong kasuta aipiinii poisii ali-ala tiilo.’

LUKNII KARYII KABI RASAM JUKAMATI 8:3

Herot mah Srat kito kadi pung kaleipii Chuza nou Joanna, Susana sateichii sapwimei kaki hangkii swi leile; ahnyiinii seh sana hangpii haisii ahnyiigo tiihale.

2 KORENMEI 6:1

Nyiinii Saraago kaswisii tha tiisii leile, teijangpii Saraa mah jumage kapyii tei matapii kadaktoi sulosii nyiinii gonyiigo khang leile.

ROMMEI 15:25

Nlenii aitoinii kamateimei nga ngatang karam jangpii I-Jerosalem ki tat tutangle.

METIU 25:44

“Teito ahnyiiniido khekalat tangle, ‘Bangpii nangnii moi kamazyii, kasaryii, siisang tiisii, pei mani kaga, rakani mak-kii kabang kilungto kalei nyiinii kadadou ngousii n-go tiiha sutakpo?’

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

2 TIMOTHI 1:18

Teipiinei leimik mpounii Bangpii dato lungsyii kati tei dou wokabui tiisii Bangpiinii mpougo pyii matulo, sateichii mpounii Ipisas kito kadaziikapii moisii n-gu nga ngakapyii tei nangnii tiigatpii tile.

METIU 24:45

“Teitiileponii malum kabui ninado kasakai kikaleimei ai tapo? Mpou ai tinglang tinglangki ahnyiigo kachii kasak pyii matutang karam jangpii mpoumah apumpiinii ki kalung mah julosii tung kaikabampii teile.

METIU 24:14

Sateichii sagong sazyii mah rasam ai Lui hang dakii sakchyii tiisii sazyii pouryii bamlyii hang kikii tam ralipyii tangle; teito kalui tei gongtangle.

2 KORENMEI 9:1

Kadapokii Judiya kito kalei kamateimei dakii tiikahamah kaang kito Inii gonyii dakii ryiimak kido bile.

METIU 24:21

Kadapokii teitinglangki sazyii pouryii saroi sekto aitoi katangdo patsang pat kasu sateichii madou kado patsang patloi lak tang karam hangkapii kadi kamage katu tei tangle.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

METIU 25:17

Teitakumpii talent hangna doukalu kikaleipii teinii kaki talent hangna dou wotakle.