1 PITAR 4:1 - KARANU KABI SAMTAM

¹ Teijangpii Kristanii pumzai kito kamage kalak pung kapyii taiswisii gonyii roinapii gonyiido mpounii kamaning lungswi teigotei njoisii saryiinat takumpii kai wolo; kadapokii pumzai kito kamage kalak doukalei mei teinii kem kito mpat kapyii tei doutakle;

1 PITAR 4:1 Referans Kwoze

GALATIMEI 5:24

Sateichii Krista Jisudato kaleimei hangnii pum tei mpoumah marei majang ninado kamarei ka-ntha hang njasii krosh gamkii gi aitakle.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

ROMMEI 6:11

Teijangpiinii gonyiido gonyii roinapiinii kem lamto taitakle, nlenii Saraa lamto Krista Jisu dato ring leilesii maning tang karamle.

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

ROMMEI 6:7

Kadapochiinii taikalei ah goteinii kem mah teimaham kiteito mpat aitakle.

IPISAMEI 6:13

Teijangpii kashyii ting- lang leimik tei gongchii gonyiinii satto kabui jangpii, sateichii matum madum tei tiisang takle sekchii sat tang karam jangpii, Saraamah saryiinat hangtei kai wolo.

PILIPIMEI 2:5

Krista Jisu dato kalei lungswi tei gonyii datodo leimatulo.

ROMMEI 6:2

Teisang teimakle! Kem lamto taikalei nyiinii teikito kisii thaangsii kada takumpiinii lungwo tangpo?

HEBRUMEI 12:3

Kadapokii gonyiinii gonyiimah lungswi kamagesii koumang kasu tiisii, ah phyiiryiiki kem katiimei hangnii aiziikapii ngoukarou leh kalu mpou gotei maninglo.

HEBRUMEI 4:10

Kadapokii Saraamah ka-ntak ki liit kalei meihang teinii, Saraanii mpoumah tha kito ka-ntak takumpiinii ahniido ahmah tha kito ntak tang karamle.

1 PITAR 2:21

Kadaponii aikikii gonyiigo Saraanii latto takle; kada- pokii gonyiinii Kristamah pikang tai swimatu tang karam jangpii, gonyii dakii nda tiimangousii, gonyii jangpii Kristaniido kamage kalak tei pungpyii takle.

MARK 3:3

Jisunii bah lamkii tai kaleipii gotei tamle, “Aiki doi patlo,”