1 PITAR 3:9 - KARANU KABI SAMTAM

⁹ Kashyii jangpii kashyii teipii kaleipyii sulo, mak-kii tam kamashyii jangpii nlai- loisii tam mashyii sulo, nlenii tei tungpii satoi pyiilo; kadapokii gonyiinii satoi doumatu tang karam jangpii, aijangpii gonyiigo latto takle.

1 PITAR 3:9 Referans Kwoze

ROMMEI 12:17

Meigo kado kashyii jangpii kashyii tei rui kalei sulo, meihang mik doito kabi tha jangpii reipii swi masaklo.

ROMMEI 12:14

Gonyiigo kaset kalak kapyii meigo satoi pyiilo. Ahnyiigo satoi pyiilo sateichii sheeng sulo.

1 THESOLONIKAMEI 5:15

Kashyii jangpii kashyii teipiinii mei kaniido powrui kalat matu sulo, nlenii hangninanii hangninii jangpii sateichii kalei kaga jangpii kabi tiitang karam jangpii tinglang kaleita fiilo.

METIU 5:44

Nlenii Inii gonyii dakii tamleile, gonyiinii sating gamto kalei gonyii Pfiimah nahmei tei tiitang karam jangpii ngoukaroumeigo lung- syiilo, sateichii gonyiigo tiimaset tiimalaksii kaleimei jangpiinii riita pyiilo,

IPISAMEI 4:32

Sateichii gonyii hangninanii hangniniigo kalungsyii- sii, lung manoilo; Saraaniido Krista paikito gonyiigo magakapyii takumpii gonyii hangninanii hangniniigo kama kaleipyiilo.

METIU 5:39

Nlenii Inii gonyii dakii tamleile, gonyiigo tiikama meigo kum-fii sulo, mei kata hangninanii gonyiigo beeng ajiilam kaphyii leponii, beeng abilam pang teido ahgo kaphyii matulo.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

ROMMEI 8:28

Sateichii Saraanii mpougo lungkasyiimei hang dakii katunii, mpounii tiimatu kanyii kamaning kamarei kalei tai swisii lat kalumei dakii bitang karam jangpii tha hang kaswisii tiipyiile katu nyiinii tile.

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

HEBRUMEI 6:14

madou supii Inii n-go satoido pyii tangle, sateichii moido moibui matu tangle.

LUKNII KARYII KABI RASAM JUKAMATI 18:18

Sateichii Jihudimei mah Apum katiimei hangninanii Jisu dato n-nhiile, “Kabi Madhiikapyiipii, Kalui kaga karing tiilung doutang karam jangpii Inii kadapei tiitangpo?”

LUKNII KARYII KABI RASAM JUKAMATI 10:25

Sateichii julo, ajaitingshang katimei hangninanii mpougo jai jutang karam jangpii tusat tosii tamle, “Madhiikapyiipii, kalui kaga karing tiilung doutang karam jangpii Inii dapei tiitangpo?”

METIU 19:29

Sateichii guzei jangpii kihang mak-kii sanamei hang mak-kii taipwimeihang, mak-kii pwi-pfii mak-kii nahmei mak-kii lu hang kado toi kalei meihangnii tei njai mazhii-hai doutangle sateichii kalui kaga karing tei pyiitangle.

ROMMEI 8:30

Sateichii mpounii ndouto reipii tiida kabam gotei latdo latpyii takle. Lat kalumei gotei tiido tiima- jyii pyiitakle, sateichii tiimajyiipyii kaleimei gotei mpounii pumtei kavado pyiitakle.

MARK 10:17

Sateichii mpounii tat kapat tinglangki, mei hangninanii mpou doi pakpi kok-kumsii mpougo n-nhiile, “Kabi Madhiikapyiipii, Kalui kaga karing doutang karam jangpii Inii dapei tiitangpo?”

GALATIMEI 3:14

Teipiinii Krista Jisu paito Abraham dakii Saraanii satoi pyiitanglesii riishii tiikabam tei Jehudimei kasu luikakimei hang dakii gong matu tang karam jangpii, sateichii nyiinii kamalum paito ra- ngiimah rashii tiikabam tei doutang karam jangpiile.

HEBRUMEI 12:17

Kadapokii gonyii- nii tile, katunii, tai kanaki Isaunii satoi tei dounyii katu kak mpougo mazhiisu takle, kadapokii mpounii mikdwi patsii fiikido mpounii lung kali tang karam tinglang kabi tei dousu takle.