1 PITAR 3:8 - KARANU KABI SAMTAM

⁸ Kalui kito, kamaning lungswi hangninii, ti njoi katu, lung kamanoi, lungkasyii, sateichii detdi kasu lung- swi tei gonyii hang leilo.

1 PITAR 3:8 Referans Kwoze

ROMMEI 12:10

ki kalung mpung lungkasyii takumpii kangsanamei hangni hangninago kalungsyiilo; sateichii hangninanii hangniniigo adzyii roulo.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

IPISAMEI 4:31

Kiikha, hungsii rakarhii, raikapat, saa nrung katu, sateichii kalet kalou katii, meigo kangourou katu hang ai gonyii dato poitoi maleilo.

JEMS 3:17

Nlenii sagoi gamto kahum swirek kabi teinii karei rei- sang kito kamateile, teito kama- jungle, lung kamanoi, kariita kito kalei, lungsyii kati, ninado kabi hang- tei piinii katokryii, meigo maning mashyii kasu, kabijai tiinyii kasu teile.

IPISAMEI 4:2

Tinglang kaleita lung sanalo, manoilo, sateichii lung leh tilo. Hangninanii hangniniigo lung leh kati teipii kaswisii gonyiimah lungkasyii tei mangoulo.

KOLOSIMEI 3:12

Teijangpiinii Saraamah kalei kalu kamatei ninado lungkasyiimei hang takumpiinii, lungset kati, lung- kasyii, lung kasana, lung kamanoi lung leh kati, tei gonyiinii nat kaikalei takumpii kai wolo.

1 KORENMEI 12:26

Sateichii pum mah njai hangninanii kalak kanhii pung leponii, pum njai kaki kaki hangdo kalak kanhii tei pung njoile, sateichii pum mah njai hangniniigo sadzyii ngariit tiileponii, kalei kaganii nta njoile.

METIU 18:33

Inii n-go lungsyii kapyii takumpii nangdo n-go njoisii kikalei ahgo lungsyiipyii kajyii makde?

1 JON 3:14

Nyiinii katai kito majusii karing kitei liit takle katu nyiinii tile, dapodinchii nyiinii nyii sanameigo lungsyiile. Lungsyii kasu ahteinii katai kito taksupii leile.

1 KORENMEI 1:10

He kangsanamei, gonyii hang- ninanii hangniniigo mazhiisii bamle, sateichii gonyii kak kito njairiit-riit katu tei galo, nlenii njoi katu kamaning lungswi ninado njoikatu tiitang karam kaang kiteito gonyii- hang kangkii tiisii njalosii, nyii Bangpii Jisu Krista zei kito Inii gonyii dato khang leile.

TIILAMLWI KAPYIIMEI THA JUKAMATI 4:32

Teito kamalum mei hangtei aswi alung hangninii tiisii bamle, sateichii ahnyii mei hangninii ka- niido mpou mpoumah amah kabam hangtei gumah roinale katu tei tam makle, nlenii ahnyiinii mah kabam hangtei meihang mah tiisii jumle.

1 PITAR 5:5

Tei takumpii gonyii ranu kaleimei, katingmei kang nkanglo. Gonyii hangninanii hangniniigo nga ngatang karam jangpii meinah mah tingshang kabi tei nat kai kalei takumpii gonyiihang kai wolo, “Kadapokii det palhii kadimeigo Saraanii mazhiimakle, nlenii lung kamanoi meigo jumagep yiile.”

HEBRUMEI 13:1

Sung kating taikarhii mah kalungsyii katu tei taksupii leimatulo.

2 PITAR 1:7

Gonyiimah Saraa kamaning ki- teikii asanamei takumpii kakukabi, sateichii gonyiimah asanamei ta- kumpii kaku kabi kiteikii lungkasyii tei kai mpam kalu tiilo.

1 PITAR 2:17

Meihang go sadzyii ngariit tiilo, kangsanameigo lungsyiilo, Saraago hinglo sateichii sagong go sadzyii ngariit tiilo.

JEMS 5:11

Julo, lung nlai kasumeigo nyiinii sadoi kabimeilesii latle, Job mah lung nlai kasumah kaang kito gonyiinii shiitakle, sateichii Bang- piinii kalui luisang kito mpougo kada takumpiinii pyiipo katu tei gonyiinii tile, kadapokii Bangpiinii lungsyii kati ninado lungset katipiinii tokryiile.

JEMS 2:13

kadapokii lungsyii kapyii mangou kasu ah dakii samtak katii teinii lungsyii kapyii tei haimakle; nlenii lungsyii kapyii teinii samtak goteinii ngamle.

PILIPIMEI 3:16

Nlenii kata kado, aitoi katang nyiinii swipi kalu njoi katu ajaihang taiswisii nyiinii doilam tatde.

ROMMEI 15:5

Lungswi hangninii tiisii gonyiinii rok hangniniipii, nyii Bangpii Jisu Krista mah Saraado tiisii kalei ninado Apfiido tiisii kalei gotei tam matoi tang karam jangpii,

TIILAMLWI KAPYIIMEI THA JUKAMATI 28:7

Sateichii tei kiku tei Publias sii kalat, dwipii magui kalei sazyii abangpii mah sazyii chengniikii leile, mpounii nyiigo lukai pyiisanii leimik hangtum ai lungsyii gatsii nyiigo mpouki rhiimatule.

TIILAMLWI KAPYIIMEI THA JUKAMATI 27:3

Adoipiinei leimik tei nyiinii malyii hoisii Sidon ki gong takle, Juliyanii tiisamoupyii tang karam jangpii mpougo mpat pyiile.

TIILAMLWI KAPYIIMEI THA JUKAMATI 2:1

Pentikos piinei leimik tei gongsek-kii, kamalum meihang teinii bam hangninii kito gong nduiwo takle.

LUKNII KARYII KABI RASAM JUKAMATI 10:33

Nlenii Samariya mpfii hangninanii aitiisii mbui leibangpii mpounii kalei bam kitei gong siinii mpougo ngouwo sek-kii, mpou lungtei lungkasyii piinii tokryii takle.

IPISAMEI 4:32

Sateichii gonyii hangninanii hangniniigo kalungsyii- sii, lung manoilo; Saraaniido Krista paikito gonyiigo magakapyii takumpii gonyii hangninanii hangniniigo kama kaleipyiilo.

PILIPIMEI 2:3

Mpou mpou jangpii roinii kamaning kito, mak-kii kakadak lungswi kito samah kado tiisulo, nlenii lung manoisii mpou mpou pum sung mei kaki kaki- meinii kisii bilesii maning matulo.