1 PITAR 3:7 - KARANU KABI SAMTAM

⁷ Tei takumpii gonyii naamei, gonyii noumei ai kisii kasui pumle katu tei tiigatpii tikasei tei njasii gonyii noumeigo kaswisii lung tang karamle. Ahnyiigo sadzyii ngariit tii- sii jupyiilo, dapokii gonyiigo kaswisii, ahnyiiniido Saraanii matapii kapyii kalui kaga karing tiilung tei doutangle. Gonyiimah kariita hang kito mah kado doidang matulak tang karam jangpii ai ai tiilo.

1 PITAR 3:7 Referans Kwoze

KOLOSIMEI 3:19

Naamei, Gonyii noumeigo lung- syiilo, sateichii ahnyii phyiiryiito kakaa tei tiisei sulo.

IPISAMEI 5:33

Nlenii samkang hang ai gonyii godo tam leile: Mpou roinapii mpougo lungkasyii takumpii naamei hangnii mpou mpou noumeigo lung- syii tang karamle; sateichii noumei hangnii mpou mpoupei mah naameigo sadzyii ngariit tiitang karamle.

1 KORENMEI 7:3

Naanii nougo pyii kamajyii tei pyii matulo. Sateichii tei takumpii nou teiniido mpou peimah naadakii pyii matulo.

METIU 18:19

“Nlailoisii Inii gonyii dakii tam leile: Sazyii pouryiito gonyii kak kito mei hangnanii mah kata hangninii khang tang karam teimah kaang kito lungswi nja woleponii, sating gamto kalei gu pfiinii ahnyiigo teitei tiipyii tangle.

1 THESOLONIKAMEI 4:4

Saraago tikasu luikakimei takumpii, pumzaimah marei majang kito supii,

IPISAMEI 6:18

Sateichii nlai katang tei lung leh kati teipii machyiigatsii, kama- teimei hang jangpii riita hasii, riita kakhang ninado meijangpii riita kaha hang teipii, tinglang kaleita rangii haisii riitalo.

IPISAMEI 3:6

Kamakum teinii kabi rasam paikito luikakimei hangteinii Sara- amah satoi doutang karam kito Jehudimeigo kaswisii njai bamle, ahnyii ai pumpot hangniniimah nsang nsangle ninado Saraanii pyiitanglesii mpounah Krista Jisu paikito riishii tiikabam mah njai poi njoi katumeile.

TAITAS 3:7

nyiigo keikapyiipii Jisu Krista dato rangii kamatei gotei nyii phyiiryiikii Saraanii moisii rui mpatpyii takle.

IPISAMEI 4:30

Sa- teichii Saraamah rangii kamatei gotei swi tiimashyii sulo; kadapokii Saraanii gonyiigo matapii laat ka-mpat leimik tei gong tangle katu mah soisang soikalak, gonyii phyii- ryiito apum tiisii kalei Saraamah siiti tei rangiile.

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

1 PITAR 3:1

Tei takumpii gonyii noumei, gonyii naamei kang nkanglo, katunii, kadapokii ahnyii kak kito mei kata hangninanii Saraa samtam tei malum suleponii,