1 PITAR 3:21 - KARANU KABI SAMTAM

²¹ Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.

1 PITAR 3:21 Referans Kwoze

MARK 16:16

Malum kalumei ninado dwi mpum kalumei hang go tei keipyii tangle; ninado malum kasumei hang gotei tam mashyii tangle.

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

GALATIMEI 3:27

Kadaponii Krista dato dwi mpum kalumei ahnyiihangnii pei kaba kumpii Kristago bawotakle.

TIILAMLWI KAPYIIMEI THA JUKAMATI 22:16

Sateichii aitoi nang kadajangpii koileipo? Gungtu sat wolo, Bangpii zeigo latsii dwi mpum wolo sateichii gokem hangtei shyii mateilo.

IPISAMEI 5:26

Dwi kito shyiisii tii- matei kalei tai charshgo Saraa dakii pyiitoi tang karam jangpii, mpounii ai ai tiile.

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

1 KORENMEI 12:13

Kadaponii Jehudimei kado, Grikmei kado, Kabangmei kado, laat kabam mei kado, nyiihang go rangii hangninanii apum hangninii kikii dwi mpum pyiibam takle, sateichii rangii hangninii kito sak matu tang karam jangpii meihang go tiibam takle.

KOLOSIMEI 2:12

Dwi ka-mpum kito mpougo kaswisii gonyiigo poigoi aitakle, sateichii mpougo katai meikak kito tiimaring kapyii Saraa teinii tiikalei tha kiteikii gonyiinii kamalum paikito mpougo kaswisii gonyiigo tiimaring- pyii takle.

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

HEBRUMEI 9:24

Kadapokii kasang mah njoi kapoi, bahpiinii katii kamatei bam kitei Kristanii tatliit makle; nlenii sating gam sektei nyiitung tiisii Saraanii haikalei nitei gongtang karam jang- pii tatliit takle.

1 TIMOTHI 6:12

Kamalum mah kabi saryii katii tei tiilo, sakchyiimei hangkii doito nangnii tam ka-mpat kak, n-go latkalu kalui kaga mah karing tei jumlo.

2 KORENMEI 7:1

Lungkasyii gukanghemei, riishii aihang ai nyii dakii pyii kabam taiswisii, nyiinii nyii roinapii nyii pum ninado nyii rangiigo tiihangsii kalei matum madum kito tiimatei aisii, Saraago dzyiirousii kahing kito nyii mah kamatei tei mashang matwileje.

1 KORENMEI 4:6

Sateichii kangsanamei, gonyii mei kaniido mei hangninii jangpii kaki hangninii phyiiryiikii mazhii kasu tiisii detdilak tang karam jangpii, ryii kabam tei maju leimakle katu ai nyii gamto gonyiinii raliwo kabui jangpii, gonyii jangpii Inii gu gamkii sateichii Apollos gamkii nda tiileile.

TIILAMLWI KAPYIIMEI THA JUKAMATI 16:33

Sateichii teipiinei tinghum teitinglang sek teikii mpounii mpoupiinago pang wosii mpoupiimah tingrang jam tei shyii mateitoi pyii aitakle, sateichii teisek-kii mpoudo mpouki kalungmei hangdo dwi mpum wotakle.

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

ROMMEI 5:14

Nlenii Adam sekto Moses mah tinglang ka- tangtei katai teinii sagong takumpii magongsii leile. Adamnii kakhatsam tiipak kalei gotei njoisii kem tiika- sumei pyiiryiikii dole; Adam ainii gongtang karampii mah ajaitalui teile.

HEBRUMEI 11:19

Saraanii kataimei kak kitodo Isak go tiimaringpyii wobuile sii mpounii maning takle. Teipiinii tam kabam tei mpounii Isakgo katai kito douloi wotakle.

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

1 TIMOTHI 1:5

Pyii kalei mwija aimah kaangnii lung kamatei kito kabi kasang kamajyii tikabui lungswi kito, ninado kasangpii kamalum kito kagong lungkasyii tei tiimakhii tang karam jangpiile.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

HEBRUMEI 13:18

Nyii jangpii riitaseilo, kada- pokii mahlyii hang kito kasang tei tiinyiisii kalei, kabi kashyii tikabui lungswi kamatei tei nyiida leile katu nyiinii malumle.

1 PITAR 3:16

Krista dato gonyiimah jairali kabi gotei tam kamashyii meinii gonyii phyiiryiikii tam mashyiisii katam kiteito ahnyiinii nrouwo kabui tiisii, gonyii lungswi tei mateisii mbamlo.

JONNII KARYII KABI RASAM JUKAMATI 13:9

Saimon Pitarnii mpou dakii tamle, “Bangpii gupi roisupiinii gubahdo, gu phyiido shyiiseilo!”

TIILAMLWI KAPYIIMEI THA JUKAMATI 8:37

(Teito Filipnii tamle, Golung matum madum haisii malum takle leponii mazhiile, teito mpounii khekalatle, Saraa nah sapfii mpou tei Jisu Kristale katu Inii malumle.)