1 PITAR 3:18 - KARANU KABI SAMTAM

¹⁸ Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

1 PITAR 3:18 Referans Kwoze

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

1 PITAR 4:6

Kadapokii meinah takumpii pumzai kito samtak tii aikido ahnyiinii rangii kito Saraa takumpii ring kabui jangpii kataimeida katangdo kabi rasam tei tam ralipyii takle.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

1 JON 1:9

Nyiinii nyiimah kem tei tam mpat leponii, nyiimah kem hang kaleipyii tang karam ninado nyiimah tiikama hang kito nyiigo tiimateipyii tang karam jangpii, mpounii malum kabui ninado kasangle.

ROMMEI 4:25

Jisu go nyii kem jangpii gitoi takle, sateichii nyiigo tiimajyii pyii tang karam jangpii tiimaring pyii takle.

1 PITAR 4:1

Teijangpii Kristanii pumzai kito kamage kalak pung kapyii taiswisii gonyii roinapii gonyiido mpounii kamaning lungswi teigotei njoisii saryiinat takumpii kai wolo; kadapokii pumzai kito kamage kalak doukalei mei teinii kem kito mpat kapyii tei doutakle;

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

GALATIMEI 3:13

Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.”

GALATIMEI 1:4

Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

2 KORENMEI 13:4

Kadapokii kasui kiteito mpougo gi aitakle, nlenii Saraamah teimaham teipii ringsii leile. Kadapokii nyii ai mpou dato suile, nlenii gonyiigo kaswisii lung katu kito Saraamah teimaham teipii nyiinii mpougo kaswisii lung tangle.

ROMMEI 5:2

Mpou paikito aitoi nyiinii lung kalei Saraa mah jumage kapyii ai doutakle, sateichii Saraa mah pumtei kava mah njai tei nyiinii doutang karam kamalum jangteipii ntale.

ROMMEI 1:4

sateichii kamateimah rangii reng lamgpangto mpounii katai kito ringkhii kalu kito teimaham go kaswisii Saraa nahle katu tei mangoupyii takle, teitei nyii Bangpii Jisu Kristale;

JEMS 5:6

Kasang kamajyiimeigo gonyiinii tam ma- shyiile sateichii gido gi aitakle, sateichii mpounii gonyiigo mazhii kasu tiimakle.

TIILAMLWI KAPYIIMEI THA JUKAMATI 3:14

Mpounii mateile ninado bile, nlenii gonyiinii Mpougo mazhiisu wole; ninado gonyiinii gonyii jangpii meigo kagi kabamei hangniniigo mpat pyiilosii gonyiinii Pailat dato khangle.

2 KORENMEI 1:24

Nyiinii gonyiimah kamalum phyiiryiito apum tiitang karam jangpiinii makle, nlenii gonyiigo nta matu tang karam jangpii nyiinii gonyiigo kaswisii tha tiileile. Kadapokii gonyiinii kamalum kito sangtingsii satsii leile.

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

TIILAMLWI KAPYIIMEI THA JUKAMATI 22:14

Teito mpounii tamle, Nyiipei nyii- paomei mah Saraa teinii n-go mpoumah kamaning tikabui, kasang kamajyiipii gotei ngoumatu tang karam sateichii mpou mwi kito mpou roktei shii matutang karam jangpii kalai mpatpyii takle;

METIU 27:19

Pailatnii samtak katiibamki bam kalei tinglang kak, mpou-nounii mpou dakii sam tam magongsii tamle, “Kasang kamajyiimei gotei nangnii mah kado tiisulo, kadapokii ndazyii tinghum manglam pangto mpou jangpii I-hangkapii kamage katu kadou takle.”

METIU 27:24

Teipiinii Pailatnii mahkado kabi dousutakle, nlenii meimoi teinii khoi nrung moi kapat tei ngou wosek- kii, mpounii dwi poisii meihang doi- teito bah baitek aisii tamle, “Kasang kamajyii mei aipou zai mah kaang kito gumah kama gale, gonyiinii gonyii roinapii rashii matou wolo!”

JONNII KARYII KABI RASAM JUKAMATI 16:10

kasang kamajyii mah kaang kito, dapodinchii Inii Pfiida tat tutang takle sateichii gonyiinii n-gu ngoukai lak takle;

IPISAMEI 3:12

Mpougo nyiinii kamalum paikito ninado nyiinii Kristago hangninii tiisii nja kalu kito, maning kamalum hangteipii lungnyii lunghou katu gasii lungdisii Saraa doi liit tang karam tei nyiinii doule.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

HEBRUMEI 10:10

Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.

1 PITAR 3:19

sateichii mpoumah rangii lamto ringkaleiki kabang kito kalei rangii hangda mpounii maasii tam ralipyiile.