1 PITAR 3:11 - KARANU KABI SAMTAM

¹¹ Kashyii kahong kito ahnii tat nrek wosii, kabi tei tiitang karamle; mpounii kamajung tei fiisii, teitei kabasii fiimatulo.

1 PITAR 3:11 Referans Kwoze

METIU 5:9

“Tiikamajungmei tei sadoi bile, kadapokii ahnyiigo Saraa nah mei lat tangle!

HEBRUMEI 12:14

Meihang go majungsii lung tang karam ninado kamatei tiilung lung tang karam tei tiilo, dapodinchii kamatei ai haisupii mei kaniido Bangpiigo ngoulakle.

ROMMEI 14:19

Teijangpiinii tiikamajung satei- chii hangninanii hangniniigo tiimadi tiimathang tang karam tha taitei swisii tatde.

KOLOSIMEI 3:15

Sateichii Kristamah kamajung teipii gonyii hang lung kito apum tiimatulo; gonyiigo teijangpii apum hangninii tiisii latdo latpyii takle; sateikii gonyiinii hakalangdo tamlo.

ROMMEI 14:17

Kadaponii Saraa mah sating sazyii teinii kachii kasak tei makle, nlenii rangii kamatei kito kasang kamajyii, kamajung sateichii ka-nta teile;

ROMMEI 12:18

Mazhii kabuita gonyiinii meihang go kaswisii majungsii lunglo.

3 JON 1:11

Lungkasyii gukangpii, kashyii jairali tei rali sulo, nlenii kabi jairali tei ralilo. Kabi katiimei hangtei Saraa mahle; Kashyii katiimei hang teinii Saraago ngou womakle.

JEMS 4:17

Teijangpii kadapei tiichii bipo katu tisii kabi tei tiikasu ai ah jangpiinii kamale.

HEBRUMEI 13:16

Kabi tiitang karam ninado hangninanii hangniniigo tiiha tang karam tei mangai sulo, dapodinchii ai kakum kakarat hang aipii Saraago dzyii karanga tei tiile.

1 TIMOTHI 6:18

Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo;

GALATIMEI 6:10

Tei- jangpii nyiinii tinglang kabi kadouta tei, meihang dakii ninado routiisii kamalum kito ki kalungmei hang- ninii tiisii kaleimei dakii nyiinii kabi tei tiide.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

ROMMEI 8:6

Kadapokii apum azai mah kamaning tei kataile, nlenii rangii mah kamaning teinii karing ninado kamajung teile.

ROMMEI 7:21

Teipiinii Inii kabi tei tiikanyii tinglang kak kashyii teinii n-gu ka- swisii kalei ai ajaitingshang teiniile katu tei Inii ngoule.

ROMMEI 5:1

Teijangpii kamalum teipiinii nyiigo tiimajyii kapyiitai swisii, nyiinii nyii Bangpii Jisu Krista paikito kamajung tei Saraa dato doutakle.

JONNII KARYII KABI RASAM JUKAMATI 17:15

Ahnyiigo sazyii pouryiito poitoi losii Inii godato riita makle, nlenii kashyii kiteito ahnyiigo koipyiilosii Inii godato riitale.

METIU 6:13

Sateichii nyiigo kahemki maliitsei sulo, nlenii kashyii kiteito nyiigo keipyiilo. (Kadapokii sagong sazyii, teimaham ninado pumtei kava tei kalui kaga gomahle. Amen.)

METIU 5:45

kadapokii mpounii kashyii- mei ninado kabimei phyiiryiikii mpou mah leimik tei vamatule; sateichii kasang kamajyiimei ninado kasang kamajyii tiikasumei phyiiryiikii sating ryiikai pyiile.

ROMMEI 7:19

Kadapokii Inii tiikanyii kabi tei Inii tiimakle, nlenii Inii tiikarou kashyii tei Inii tiile.

LUKNII KARYII KABI RASAM JUKAMATI 6:35

Nlenii gonyiigo ngou karoumei hang go lungsyiilo, sateichii kabi tiilo, sateichii matiilo, douloi tang karam jangpii maning sulo. Kadaponii gonyii lhang tei ditangle, sateichii sagoi kaki Saraa nah tei gonyiinii tiitangle; kadapochiinii tiikapyii mai tikasu kashyiimei godo mpounii lukai pyiile.

LUKNII KARYII KABI RASAM JUKAMATI 6:9

Teito Jisunii ahnyii dakii tamle, “Inii gonyiigo n-nhii leile, Bam ntak piinei leimik kabi katii mak-kii tiikamaga ai kadapii katii teinii bipo?”

LUKNII KARYII KABI RASAM JUKAMATI 1:79

Sateichii katai mah kamyii khii kito lung kalei meihang go Sating gamto vapyii tangle, nyii pikang ai kamajung pwidi kikii chyiitat pyiitang karam jangpii.”

MARK 14:7

Kadapokii mah kagamei teinii taksupii gonyiinii kaswisii bamle, teipiinii gonyiinii tiikanyii tinglang hang kito gonyiinii ahnyiigo kabi tiipyii wobuile, nlenii Inii gonyiigo taksupii kaswisii bamhum lakle.

1 PITAR 3:12

Kadapokii Bangpiimah mik hoi teinii Kasang kamajyii tha katiimei phyiiryiito leile, sateichii mpou koi tei ahnyiimah kariita kitei leile. Nlenii kashyii kahong tha katiimeigo mpounii mazhii makle.”