1 PITAR 2:9 - KARANU KABI SAMTAM

⁹ Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

1 PITAR 2:9 Referans Kwoze

MATIMANGOU KAPYII 1:6

sateichii nyiigo sagong sazyii ninado mpoumah Pfii Saraamah bam kiteito kanat kajum Atingmei tiimatu kapyii mpou dakii pumtei kava ninado magongsii kalung tei kalui kaga tei matulo. Amen.

MATIMANGOU KAPYII 5:10

Sateichii ahnyiigo kanat kajum atingmeimah sagong sazyii hangninii tiipyii takle, nyiimah Saraamah nga ngamatu tang karam jangpii, sateichii ahnyiinii sazyii pouryiito apum tiitangle.”

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

1 PITAR 2:5

Jisu Krista paikito Saraanii mazhii kapyii sateichii rangiimah kakarat pot hangtei pyiitoi tang karam jangpii, kamatei atingmei hangninii tiitang karam jangpii, gonyii roinapii gonyii karing kuitu hang takumpii rangiimah kitei tiimakhiilo.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

MATIMANGOU KAPYII 20:6

Karei ringkakhii kito njai poi njoi katumei tei sadoibile ninado mateile; tei kakum mei phyiiryii teito hangna kashang katai teinii teimaham gale; nlenii ahnyii teinii Saraamah ninado Kristamah kanat kajum atingmei tiitangle, sateichii ahgo kaswisii tingkum tangkii magong tangle.

METIU 5:16

Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

KOLOSIMEI 1:13

Kamyii teinii apum tiisii kalei kiteito mpounii nyiigo poi mpat- pyiisii mpounii hangkapii lungkasyii mpounah sapfii mpoumah sagong sazyii kikii pang gongkaipyii takle.

1 KORENMEI 3:17

Mei kata kang- kanii Saraamah Saraa kamaning kitei tiimaga aileponii, ahgotei Saraanii tiimaga tangle. Kadapokii Saraamah Saraa kamaning ki teinii kamateile, sateichii teimah Saraa kamaningki tei gonyiile.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

PILIPIMEI 3:14

Krista Jisu paikito Saraanii sagoi gamto lung tang karam mah lhang tei doutang karam jangpii mikleeng kabam lam teikii Inii majyiitoksii pak leile.

METIU 4:16

Kamyii kito lungkaleimei teinii kava kadi tei ngoutangle. Katai mah kamyii sazyii kito lungsii kalei ahnyii phyiiryiito vaipyii tangle katu sam ai kasangpii gong matwi matutang karam jangpiile.

1 PITAR 1:2

Apfii Saraamah kama- ning kamarei ninado reipiinii tikalei taiswisii gonyiigo kalai wotakle, sateichii mpoumah rangii teipii gonyiigo kamateimei hangninii tiipyii takle; Jisu Kristanii katam swisii mpoumah zai teipiinii tiima- teipyii matu tang karam jangpii: Jumage kapyii ninado kamajung tei gonyii dato moibui matulo.

LUKNII KARYII KABI RASAM JUKAMATI 1:79

Sateichii katai mah kamyii khii kito lung kalei meihang go Sating gamto vapyii tangle, nyii pikang ai kamajung pwidi kikii chyiitat pyiitang karam jangpii.”

ROMMEI 9:24

Ka- daponii mpounii lat kalu mei tei nyiile, Jehudimei hang kak kito roinii makle nlenii lui kaki kakimei hang kak kitodole.

TIILAMLWI KAPYIIMEI THA JUKAMATI 26:28

Agripanii Pol dakii tamle, “Dwi kalei tinglang aikito nangnii n-gu kristen tiimatu wobui lesii maningpo!”

1 PITAR 4:11

Tam ralipyiisii kaleimei teinii Saraamah samtam takumpii tam ralipyii tang karamle; nga ngasii kaleimei teinii ahgo Saraanii pyiisii kalei teimaham teipiinii nga ngatang karamle, dapokii teipiinii mahlyii hang kito Saraago Jisu Krista zei kito tam matoi tang karam jangpiile. Mpou dato kalui kaga pumtei kava ninado teimaham tei leile, Amen.

IPISAMEI 1:6

Saraago tam matoileje, mpoumah kangam jumage kapyii jangpii, kadapokii mpounah sapfii mpou zei kito mpounii nyiigo matapii luha kapyii jangpii!

IPISAMEI 1:14

Saraanii mpoumeigo pyiitanglesii riishii tiikabam, nyiinii doutang karam soikalak tei rangii teile. Sateichii mpoumah tiisii kalei hang go matwi mashangsii arangra katii pyiitangle katumah lung kalum tei Saraanii nyiigo pyiile. Mpoumah pumtei kava gotei tam matoileje!

JONNII KARYII KABI RASAM JUKAMATI 17:19

Ahnyiihang godo kasang teipiinii tiimateipyii ma- tutang karam jangpii, ahnyii jangpii Inii guroinapii n-gu pyiitoi leile.

IPISAMEI 3:21

Charsh kito ninado Jisu Krista zei kito meilui meiha hangnii kalui gasii pumtei kava tei matulo, Amen.