1 PITAR 2:24 - KARANU KABI SAMTAM

²⁴ Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

1 PITAR 2:24 Referans Kwoze

METIU 8:17

Lungkakalingpii Isaiyago tam matu katu, “Mpounii nyii mah katchii kanhii poitoi pyiile ninado nyiimah rakashyii hang kito mpatpyiile” katu ai gong matwi matu tang karam jangpiile.

ROMMEI 6:11

Teijangpiinii gonyiido gonyii roinapiinii kem lamto taitakle, nlenii Saraa lamto Krista Jisu dato ring leilesii maning tang karamle.

MATIMANGOU KAPYII 22:2

Sateichii teimah karyiiku kanato riiti jat keariisiinakhii mati kalei ruibang tei leile; teimah riiti tei sakhii mata mati leile, sateichii teimah ruibang nhii teipiinii lui- hangmah ra katchii tei tii mbipyii tang karam jangpiiniile.

1 JON 2:29

Mpou ai kasang kamajyii teile katu gonyiinii tileponii, kasang tiisii kaleimei hang godo mpounii manaapyii takle katu gonyiinii tile.

JEMS 5:16

Teipiinii gonyiigo tii-mbi- pyii matu tang karam jangpii, gonyii hangninanii hangninii dakii kama tei tam mpatsii hangninanii hangninii jangpii riita pyiilo. Kasang kama- jyiimei mah riita kakhang ki ai hangkapiinii katei teimaham tei leile.

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

GALATIMEI 3:13

Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.”

ROMMEI 6:2

Teisang teimakle! Kem lamto taikalei nyiinii teikito kisii thaangsii kada takumpiinii lungwo tangpo?

KOLOSIMEI 3:3

Kadapokii gonyiinii taitakle, sateichii Kristago kaswisii gonyiimah karing tei Saraa dakii kabaibamle.

ROMMEI 6:13

sateichii gonyii gonyiimah pum pot, njaihang tei kashyii kahong mah beitui takumpii kem kikii pyii aisulo; nlenii gonyiimah pumsek tei katai kito pang nlaigong kapyiimei takumpii, sateichii gonyiimah pumpot mah njai hangtei kasang kamajyii mah beitui takumpiinii pyiilo.

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

ROMMEI 7:6

Nlenii aitoinii ryii kabam kaham ajaitingshang tai tei swisupii rangii mah karanu tiilung kito nyiinii anga nga tang karam jangpii, katai teinii nyiigo maringpouchyiimeigo takumpii jumnei kabam, ajaitingshang kiteito mpatpyii ai takle.

1 JON 3:7

Gunahmei, mei kaniido gonyiigo chuisii hem maluwo sulo! Kasang tiisii kaleimei tei mpounii kasang ka- majyii takumpiinii, kasang kamajyii meile.

ROMMEI 6:7

Kadapochiinii taikalei ah goteinii kem mah teimaham kiteito mpat aitakle.

ROMMEI 6:16

Kataini majang- tatsii kalei kem mah kado, mak-kii kasang kamajyiini majangtatsii kalei, katam kaswimah kado, katam switang karam jangpii gonyii pumsekpiinii, kabangnah takumpii pyii ai kalei kak, gonyii ai gonyiinii katam swi kalei hangninii mah kabangnah kasang takle katu tei gonyiinii timakde?

2 KORENMEI 6:17

Teijangpii Bangpiinii tamle, “Ahnyii kak kito gonyiinii sipat tosii thaam wolo, sateichii matei kasu tei hangninii kado deng sulo; teitii leponii Inii gonyiigo lukaipyii tangle.

TIILAMLWI KAPYIIMEI THA JUKAMATI 5:30

Gonyiinii ating gamkii kuikajusii gitoi kalei Jisu go nyii pwi nyii pfii mah Saraa teinii tiimaringpyii takle.

LUKNII KARYII KABI RASAM JUKAMATI 4:18

“Bangpiimah rangii tei Guphyiiryii leile, Dapochiinii mpounii kagamei dakii kabi rasam tam matu tang karam jangpii n-gu thao manukpyii takle. Maringpouchyiimei hang go mpou rangra tiimatu katu sateichii mik kachet meigo nlailoisii mik ngou matu tang karam sam ai saa mpatpyii matu tang Karam jangpii, sateichii kamage kamarhii meigo laat mpatpyii tang karam jangpii,

METIU 5:20

Kadapokii Inii gonyii dakii ka- sangpii tam leile, gonyiimah kasang kamajyii teinii Ajaitingshang kati ojamei ninado Farasismei hang doito kisuleponii, gonyiinii sating gam sazyiiki liitsang liitpei wolakle.

HEBRUMEI 12:13

sateichii pi katwi tei ashaangrou kiteito poitoi aisu- piinii tii mbiwo kabui tiisii gonyiinii gonyii pi jangpii pwidi tiimajyiilo.

TIILAMLWI KAPYIIMEI THA JUKAMATI 13:29

Sateichii mpou kaang kito ryii kabam matum madum tei ahnyiinii madougong malu kaleitai, mpougo tingphyiiryii teito poi m-mang wosii, roubam kikii kai aitakle.

TIILAMLWI KAPYIIMEI THA JUKAMATI 10:35

nlenii lui hang kito mpougo kahing ninado kasang kamajyii tha katiimei hang go mpounii mazhiipyiile. Jisu Krista mah paito kamajung mah kabi rasam tei tamroisii,

HEBRUMEI 7:26

Kadapokii ai kakum kamatei, tam kamashyiini kaga kahongrum kasu, kem katiimei hang dato poitaam kabam sateichii sating gam sung kisii poi kasagoi, kanat kajum Tingditupii hangninii nyiinii dou- tang karam sekle.

KOLOSIMEI 2:20

Gonyiinii Kristago kaswisii taitakle sateichii sazyii pouryiigo apum katii rangii hang kito laat mpatpyii aitakle; tei tiileponii, Gonyiinii sazyii pouryii kangto kalei takumpii dajangpiinii lungleipo?

ROMMEI 6:22

Nlenii aitoinii gonyiigo kem kito laat mpatpyiisii Saraa mah kabang- nah tiikalu kito, gonyiinii doukalat kalu teinii tiimatei kapyii teile. Sateichii teikito dou kalu teinii, kalui kaga karing tiilung teile.

TIILAMLWI KAPYIIMEI THA JUKAMATI 10:39

Sateichii mpounii Jehudimei Sazyii kito sateichii Jerosalem kito tiikalei tha hangmah sakchyii tei nyiile; ahnyiinii mpougo ting gamkii kuikajusii gi aitakle.

METIU 27:26

Teito mpounii Barabasgo ahnyii jangpiinii laat mpatpyii aitakle, sateichii Jisugo dat datsii kapyii taito krosh gamkii dhangsii gimatu tang karam jangpii pyiitoi aitakle.

IPISAMEI 5:9

Kadapokii kavamah riiti teinii kabi, kasang ninado kamajyii hang kito doule.

JONNII KARYII KABI RASAM JUKAMATI 19:1

Teito Pailatnii Jisugo poisii tiigatpii dat malei takle,

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

MARK 15:15

Teito Pailatnii machiigo lung kamang tiikanyii kito ahnyii jangpii Barabasgo mpatpyii takle, sateichii mpounii Jisugo lak lakpyiisii Krosh gamkii gitang karam jangpii pyiitoi aitakle.

1 KORENMEI 15:3

Kadapokii Iniido doukalu, hang doito rou katii tei gonyii dakii pyii leile, katunii kabi rasam taiswisii Kristanii nyii kem jangpii taipyii takle.

KOLOSIMEI 2:14

Nyiidato ti katheisii kalei nyiigo mazhii supii ngourousii kalei ajaitingshang teimah abah zaimah samret tei piit toipyiisii, teitei krosh gamkii jotpyii geekai pyiisii, nyiikak kito teitei mpounii poitoi pyiitakle.

HEBRUMEI 10:5

Teijangpii mpounii sazyii pouryii kagong kak tamle, “Kakarat ninado pyiikatoi hangtei nangnii marei sutakle, nlenii nangnii gujangpii pumrong hangninii tiikadapyii bamtakle,

HEBRUMEI 10:10

Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.