1 PITAR 2:23 - KARANU KABI SAMTAM

²³ Mpougo kalet kalou katii tinglang kak, kalet kalou katii teipii mpounii khekalat makle; mpounii kamage kalak kadou tinglang kak, mpounii tiimahing katu tiimakle, nlenii kasang kamajyii samtak katii Saraa gotei mpounii malumle.

1 PITAR 2:23 Referans Kwoze

1 PITAR 4:19

Tei jangpii Saraamah kamaning kamazhii taiswisii kamage kalak pungsii kaleimeiniido malum kabui Saraa dakii kabi tha tiisii ahnyiimah rakot tei pyii matulo.

HEBRUMEI 12:3

Kadapokii gonyiinii gonyiimah lungswi kamagesii koumang kasu tiisii, ah phyiiryiiki kem katiimei hangnii aiziikapii ngoukarou leh kalu mpou gotei maninglo.

TIILAMLWI KAPYIIMEI THA JUKAMATI 4:29

Aitoinii he Bangpii, ahnyiinii neigo tiikahui kalei ai juseilo, sateichii ara kanimeigo tii mbi matutang karam ninado goki kaleipii kamatei Jisumah zei paiki teito tiikamangou hang ninado kamadat kamadat tiiwo kabui,

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

LUKNII KARYII KABI RASAM JUKAMATI 23:46

Jisunii rok sagoisii saasii tamle, “Pfii-o, gobah kikii gu rangii pyii aitakle!” aitiisii tamsii mpounii tai takle.

MATIMANGOU KAPYII 19:11

Teito Sating gam laat kabam tei Inii ngoutakle, sateichii julo, takoi kaha ninado malum kabui ninado kasangsii kalat ahteinii tei phyiiryii tei tong leile, sateichii kasang kamajyii kito ahnii samtak tiileile ninado saryii tiileile.

1 PITAR 3:9

Kashyii jangpii kashyii teipii kaleipyii sulo, mak-kii tam kamashyii jangpii nlai- loisii tam mashyii sulo, nlenii tei tungpii satoi pyiilo; kadapokii gonyiinii satoi doumatu tang karam jangpii, aijangpii gonyiigo latto takle.

2 THESOLONIKAMEI 1:5

Saraamah samtak tei kasangle katu tei ai hang ainii matile, katunii, gonyiinii Saraamah sating sazyii ki lung kabui tiitang karam jangpiile, teijangpii gonyiinii kamage kalaktei pung leile.

IPISAMEI 6:9

Apum mei, gonyiimah kikaleimei dakii teigo tei njoisii gonyiinii tiipyiilo, sateichii kikaleimeigo kahwisii kalei hangtei matou ailo, ahnyii mahdo sateichii gonyii mahdo Apum tiisii kalei mpoutei sating gamto leile sateichii mpou dato kaku ka-nraang gale katu tei mangai sulo.

ROMMEI 2:5

Nlenii golung katei sateichii lung kalinyii kasu teipii Saraa mah rakarhii sateichii kasang kamajyii samtak katii piinei mangou tang karam kak gopum sek jangpii rakarhii tei nangnii goroinapii poi nkom bam takle.

TIILAMLWI KAPYIIMEI THA JUKAMATI 17:31

Kada- pochiinii mpounii kalai kalu sapfii mpou hangninanii sazyii pouryiigo kasang kito samtak tiitang karam leimik hangninii retbam takle. Mpou gotei kataimei kak kito tiimaring kapyii aipiinii meihang dakii malum kabui tei mpounii pyiibam takle.”

TIILAMLWI KAPYIIMEI THA JUKAMATI 9:1

Nlenii aitoitodo Bangpiitai kaswimei hang go tiikahui tangle ninado gitangle katupii Solnii ngoukahing chyiingai ngaisii kanat kanhii kajum Tingditupiida tat tutakle,

LUKNII KARYII KABI RASAM JUKAMATI 23:9

Teipiinii mpounii Jisugo sam hang- kii kachyii n-nhiile, nlenii Jisunii mpougo samah kado khepyii makle.

TIILAMLWI KAPYIIMEI THA JUKAMATI 7:59

Sateichii Bangpiigo kalat sateichii “Bangpii Jisu, Gu rangii ai poipyiilo” sii riita leibangpii ahnyiinii mpougo kuitupii rotsii bamle.

LUKNII KARYII KABI RASAM JUKAMATI 23:41

Sateichii neinii kasangpii mage ai doumajyiile, kadaponii neinii tiikalei hang mah alangh tei douziile. Nlenii sapfii mpou ainii kama hangninii kado tiimakle.”