1 PITAR 2:15 - KARANU KABI SAMTAM

¹⁵ Kadapokii kasang kabi katii teipii kapang kamangmei mah tikasu ngoukasu tei malhiisupiinii leimatu katu tei Saraamah kama- ning kamazhii teile.

1 PITAR 2:15 Referans Kwoze

1 PITAR 3:17

Ka- dapokii ai ai Saraamah kamaning kamazhii tei tangle leponii, gonyiinii kashyii kahong katii jangpii kamage kalak kadou sungnii kabi katii jangpii kamage kalak kadou teinii bile.

TAITAS 2:8

Nyiigo ngou karoumei teinii nyiimah kaang kito tam mashyii tang karam kaang hangninii kado dousupii nroumatu tang karam jangpii, gomah ralikapyii kito ka- samsang, hungsii lungkaliit sateichii mamatupei kalak kasang samtam tei mangoulo.

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

METIU 7:26

“Sateichii Gu mah samkang hang ai shii wosii katam swikasu meihang teinii swi kagamei hangni- nanii kangneng phyiiryiikii mpou-ki tiimakhii kalu takumle.

1 THESOLONIKAMEI 5:18

tinglang hang kito hakalang tei tamlo, kadapokii ai ai gonyii jangpii Krista Jisu dato Saraamah kamaning kamarei teile.

1 THESOLONIKAMEI 4:3

Saraanii gonyiigo mateisii sateichii sapwimei sapfiimei kashyii kahong tha katii kito sajek gasii lung matunyiile; katunii, (matei kasu kiteito gonyiinii mazhii sulo.)

2 PITAR 2:12

Nlenii meinahnii jumsii gitat tang karam swikaga saramkownah takumpii ahnyiinii samah kado tisupii tam mashyii kalei, ahnyii gotei saramkownah takumpii tiimaga tangle;

ROMMEI 1:21

Kadapochiinii ahnyiinii Saraago tikido mpougo Saraa lesii sadzyii ngariit tiimakle, mak-kii mpougo hakalangdo tam makle, nlenii ahnyiimah swi kamaning tei maning kadak aitakle, sateichii ahnyii mah kamang switei myii takle.

JUD DATO KAGONG CHITI JUKAMATI 1:10

Nlenii aimei ainii ahnyiinii tikasu mahlyii hang phyiiryii teikii kalet kalou katiisam tamle, sateichii swikaga saram kounah takumpii, maningsupii tibak kalu aihang aipiinii ahnyiigo tiimagale.

1 PITAR 4:2

teipiinii gonyiinii gonyiimah mashak kalei tiilung tei sazyii pouryiimah kamarei ka-ntha taiswisii lungkai supii, Saraanii kamaning kamazhii tai- swisii lung tang karamle.

1 TIMOTHI 1:13

Ndou kareiki Inii mpougo tam kamashyii, tiikamage katu sateichii kalet kalou tiisii leikado, Saraamah lungsyii kati tei Inii doutakle, kadapokii kamalum tei Inii doumakle. Teijangpii Inii dapei tiileipo katu tei Inii timakle.

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

GALATIMEI 3:1

Oh kapang Galatimei gonyii doi- sekto Jisu Kristago krosh gamkii dhangsii gikalei tei mateitengsii mangoupyii takle; Gonyiigo tanii riikuhii pyiibam takpo?

METIU 25:2

Ahnyii mangiinii swikaga meile sateichii mangiinii kasakai- meile.

1 PITAR 3:16

Krista dato gonyiimah jairali kabi gotei tam kamashyii meinii gonyii phyiiryiikii tam mashyiisii katam kiteito ahnyiinii nrouwo kabui tiisii, gonyii lungswi tei mateisii mbamlo.