1 PITAR 2:12 - KARANU KABI SAMTAM

¹² Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

1 PITAR 2:12 Referans Kwoze

1 PITAR 3:16

Krista dato gonyiimah jairali kabi gotei tam kamashyii meinii gonyii phyiiryiikii tam mashyiisii katam kiteito ahnyiinii nrouwo kabui tiisii, gonyii lungswi tei mateisii mbamlo.

METIU 5:16

Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

2 KORENMEI 8:21

Ka- dapokii Saraa doito roisupiinii, mei doitodo kadatei kasangpo katu ai nyiinii tiitang karam teile.

1 THESOLONIKAMEI 4:12

majungsii lungtang karam tiilung, mpou mpou mah tha tiitang karam, sateichii gonyii bahpii tha tiitang karam jangpii, nyiinii gonyiigo reipiinii tam kabam takumpii gonyiinii tiilo.

1 TIMOTHI 4:12

Nang karanumeile sii mei kata hangninaniido maning kamajaang tei tiimatu sulo; nlenii kamalum jangpii samtam kito, jairali kito, lungkasyii kito, kamalum kito, kamatei kito meigo tiikamangou hangninii tiilo.

JEMS 3:13

Gonyii kak kito kasakai satei- chii kati tei tapo? Swirek kabimah kamanoi teipii, ahmah kabi tiilung kalung teipii, ahmah thalyii hangtei ahnii mangou matulo.

PILIPIMEI 1:27

Inii gonyiigo gong kadou kado, kadoumak kado, gonyiinii lungswi hangninii tiisii kabi rasam kito kamalum jangteipii kamagasii rangii hangninii kito sangtingsii satle katu gonyiimah kaang kito Inii shiiwo kabui tiisii gonyiinii lungkalei gonyii tiilungmah tingshang rali tei Kristamah kabi rasamgo masam matulo.

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

2 PITAR 3:11

Mahlyii hang ai aitiisii gatu tang karam taiswisii Saraamah leimik gong tang karam tei, koisii koisii sateichii kalangsii gong matu- nyiisii, mateisii kalung kito ninado Saraa kamaning kito gonyiinii kada kakum mei tiitang karampo!

ROMMEI 13:13

Nyiinii kavaki tat kalei takumpii tat majyiile; ajai kasu sateichii jou sak kapiinhii, kashyii kahong tha katii, sateichii ngou kashyii tha katii, n-gee razyii kapat sateichii kamai- mhii tei tiisude,

ROMMEI 12:17

Meigo kado kashyii jangpii kashyii tei rui kalei sulo, meihang mik doito kabi tha jangpii reipii swi masaklo.

HEBRUMEI 13:18

Nyii jangpii riitaseilo, kada- pokii mahlyii hang kito kasang tei tiinyiisii kalei, kabi kashyii tikabui lungswi kamatei tei nyiida leile katu nyiinii malumle.

1 TIMOTHI 2:2

sagongbam ninado kasagoibam kito bamkaleimei hang jangpii, riita kakhang, kariita, kakimei hangninii jangpiinii kakhang sateichii hakalang sam katam hangtei Saraa dakii meihang jangpii tiipyiilo.

PILIPIMEI 4:8

Kalui kito kangsanamei, kasang kasang, sadzyii ngariit tiikabui hangtei, kamajyii hangtei, kamatei hangtei, ngoukabi hangtei, samlat kabi hangtei, kabi jaishang kado leileponii, sateichii dzyiirou kabui kado leileponii, aihang ai swi ma- shaklo.

IPISAMEI 4:22

Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.

HEBRUMEI 13:5

Gonyiimah tiilung tei sanah marei matusulo, gonyiinii gonyiimah kabam teipii lung kashaat tei dou- matulo; kadapokii Saraanii tamle, “Inii n-go mpatsang mpat lakle sateichii Inii n-go toisang toipyii lakle.”

ROMMEI 15:9

Saraamah kasang tei mangou tang karam jangpii, Kristago tiigyii malem ka- leimei mah anga kangamei tiimatu aitakle; ryiikabam aitakumpiinii, “Teijangpii Inii luikakimei hang kak kito n-go tam matoi tangle, sateichii gozei kikii lhii tiitangle.”

LUKNII KARYII KABI RASAM JUKAMATI 19:44

Sateichii n-go ninado godato kalei gonahmei hang gotei sazyiikii tiikou tangle; sateichii go lungto kabam kuitu hangninanii hangninii phyiiryii kashoisii ahnyii- nii kaibam lakle. Kadapochiinii n-go mik hoi jukapyii tinglang tei nangnii tipyii makle.”

METIU 10:25

Taikaswimei hangninanii mpougo Madhiikapyiipii sateichii ki kaleimei hangninanii mpou mah ki pumpii takum takle leponii lung mangtang karamle. Ki pumgpii gotei Belzabul sii lat takleponii, mpouki kalung teito kaleimei hang goteinii teisung kisii zei kashyii kashyii tei lat tangle!

METIU 5:11

“Gonyiinii gutai kaswimei katii jangpii kalet kalou katii, sateichii kaset kalak pyiisii kalei sateichii gonyii phyiiryiikii kashyii kashyiipii tamkai kapyii tinglang kak gonyii sadoi bile.

1 PITAR 4:11

Tam ralipyiisii kaleimei teinii Saraamah samtam takumpii tam ralipyii tang karamle; nga ngasii kaleimei teinii ahgo Saraanii pyiisii kalei teimaham teipiinii nga ngatang karamle, dapokii teipiinii mahlyii hang kito Saraago Jisu Krista zei kito tam matoi tang karam jangpiile. Mpou dato kalui kaga pumtei kava ninado teimaham tei leile, Amen.

IPISAMEI 2:3

Ai kak kito nyiihang ai tinglang hangninii kinii apum ninado lungswinii kamareitai tei swisii nyii pumnii kamaning kamarei kito lungsii leile. Teijangpii meinah lui kakimei takumpiinii, nyii ai nunuto Saraanii rakarhii mah nahmeile.

2 KORENMEI 13:7

Nlenii jaikaju tei nyiinii doukalu takumpiinii ngou matu tang karam jangpii makle, nlenii jaikaju tei nyiinii tiidou kalak takumpii ngoutusii leikado, gonyiinii kasangtei tiimatu wokabui tiisii, gonyiinii tiima kasu tiisii nyiinii Sa- raago riita leile.

1 KORENMEI 14:25

Ahmah kamakum lungswi tei laat kabam kamadu kikii poi mpat tangle, sateichii “Gonyii kak Saraa lei kasangle,” katupii mpounii nkwimangsii Saraago mata tangle.

TIILAMLWI KAPYIIMEI THA JUKAMATI 24:13

Ahnyiinii toi guphyii- ryiikii tam kamashyii hang ai kasangle katu tei tam majyiipei wolakle.

TIILAMLWI KAPYIIMEI THA JUKAMATI 15:14

Saraanii mpou zei jangpiinii lui kakimei kak kito meigo poi mpat tang karam jangpiinii karei kito kada takumpiinii mikjot tei jupyiipo katu tei Simonnii tam mpatpyii takle.

LUKNII KARYII KABI RASAM JUKAMATI 6:22

“Meinah sapfii mpou jangpii gonyiigo ngou karou, pak katoi, chyii ka n-gi sateichii gonyii jai shyiilesii pak ka-mpat tinglang kak, gonyii doibile!

LUKNII KARYII KABI RASAM JUKAMATI 1:68

“Nje nyiinii Bangpii go tam matoile, Isrelmei mah Saraa gotei. Kadapokii mpounii mpoumeigo gong tiihale sateichii ahnyiigo kaleipyii takle.

METIU 9:8

Meimoi teinii mpougo ngou wosii hing takle, sateichii meinah dakii tei kakum teimaham pyiisii kalei Saraago ahnyiinii tam matoile.

TIILAMLWI KAPYIIMEI THA JUKAMATI 25:7

Sateichii mpounii pat sek-kii, Jerosalem kito kahum Jehudimei hangteinii mpou kuto sat maguisii, malum kabui kasang teinii pyiipei laksii, jumtang karam sam kahung kahung tam kamashyii sam hangkii poi mpat takle.

JONNII KARYII KABI RASAM JUKAMATI 13:31

Judasnii tatpat kaleitai Jisunii tamle, “Aitoi meinah sapfii mpou gotei pumtei kava tiimadi pyiitakle sateichii mpou paikito Saraago pumtei kava tiimadi pyiitakle.

TIILAMLWI KAPYIIMEI THA JUKAMATI 28:22

Nlenii goswi golung kadapeipo katu nyiinii godato shii kajyiitakle katu maningle; kadaponii bee aimei phyiiryiikii bamlyii hang kito karashii kalei ai nyiinii tile.”

ROMMEI 14:18

teipiinii Krista nga ngakaleimei hangtei Saraa doito lukai kamajyii sateichii meiniido kamazhii teile.

1 TIMOTHI 5:10

Sateichii mpoupeinii tha kabi hang jangpii zei katat katunii, mpoupeimah nahmeigo tiigatpii makot kamakhii, juti kasu saba- meigo pyiichii kaleimeigo tiikaha, sateichii mahlyii hang kito mpoupei roiniipii kabi tiitang karam jangpii lungswi pyiisii leileponii, mpoupeigo kamipwimei mah safii kitei haimatulo.

1 PITAR 2:15

Kadapokii kasang kabi katii teipii kapang kamangmei mah tikasu ngoukasu tei malhiisupiinii leimatu katu tei Saraamah kama- ning kamazhii teile.