1 PITAR 1:7 - KARANU KABI SAMTAM

⁷ Tiimashyiiwo kabui sona katangdo, ahmah matei kasu kahong hangtei rutoitang karam jangpii mipiinii jaijuleile; teitakumpii sona sung kisii maiteeng kaki gonyiimah kamalum tei gonyiinii dousii kalei kamage kalak hangteipii jaiju tang karamle. Gonyiimah kamalum teinii leh wosii satto leponii, Jisu Kristanii kagong piinei leimik gonyiinii tam kamatoi, pumtei kava ninado sadzyii ngariit katii tei Saraa dato doutangle.

1 PITAR 1:7 Referans Kwoze

JEMS 1:12

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

1 PITAR 4:12

Lungkasyiimei, gonyiigo jaiju tang karam jangpii gonyii phyiiryii gongkalei mi karumah kamage kiteito asung kaga tha gonyii dato pat leitakle katupii sung gasulo.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

1 KORENMEI 3:13

Kadapokii Krista mah leimik piinei teitei mangou tangle, kadapokii teitei mipiinii tam mangou tangle sateichii mei nsang nsangnii tiikabam tha tei kadapeipo katu mipiinii ruju tangle, sateichii ah mah tei kabimanii kashyiipo katu tei mangou tangle,

JUD DATO KAGONG CHITI JUKAMATI 1:24

Aitoinii koutang karam kito gonyiigo masat kabui ninado sajek gasii rangasii mpoumah pumtei kava doikii gonyiigo masatto kabui kangam–

2 PITAR 1:4

Hangkapii kadi ninado pyiitangle sii riishii tiikabam maika- teeng luha hangtei aitiisii mpounii nyiigo pyiile, kadapokii luha aihang paikito sazyii pouryii lungto kalei tiikamashyii pumzai mah kamarei ka-ntha kiteito gonyiinii nlek matu tang karam jangpii, sateichii nunuto kalei kamatei baichem mah njai tei gonyiinii dou njoimatu tang karam jangpiile.

1 PITAR 2:4

Meinahnii mazhii supii rat toi kalei, nlenii Saraa mikjot kitonii kalai kalu, mai kateeng, ninado karing kuitu datei gonyiinii gonglo.

METIU 25:21

Mpou pumpii teinii tamle, ‘hangkapii bitakle, kabi ninado malum kabui kikaleipii, nangnii mah kacheng phyiiryiito malum kabui tha tiika- bam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

1 KORENMEI 4:5

Teijang- piinii Bangpii gong kasuta, tinglang kasunakii meigo kado samtak tiisulo; aitoi kamyii kikii kabai kabam mah hangtei mpounii kava kikii poi mpat tangle, sateichii lungswi mah tiitang karam kamaning hangtei mangou tangle. Sateichii tei tinglang kak meihangnii Saraa dato mpou mpoumah dou kamajyii tam kamatoi tei doutangle.

TIILAMLWI KAPYIIMEI THA JUKAMATI 8:20

Nlenii Pitarnii tamle, “Go sana tei n-go kaswisii gamatulo, kadapokii Saraa mah luha kapyii gotei sanapiinii lyiiwo builesii nangnii maningle.

JONNII KARYII KABI RASAM JUKAMATI 12:26

Mei kata hangninanii gu nga ngasii leileponii, ahnii gutai switang karamle; sateichii Inii kalei nitei gu nga kangamei hangniido teiki tei leitangle; mei kata hangninanii gu nga ngasii leileponii, Pfiinii ahgo dzyiirou tangle.

JONNII KARYII KABI RASAM JUKAMATI 5:44

Saraa dato kagong tam kamatoi gotei gonyiinii fiisupii hangninanii hangninii dato tam kamatoi tei poisii, gonyiinii kada takumpii n-gu malum wotangpo?

LUKNII KARYII KABI RASAM JUKAMATI 12:33

Gonyii mah kalei hangtei joitoisii sana tei kagameigo pyiitoi ailo, ham kalak sana takou tei gonyii jangpii tiiwolo; katunii kara- gameinii gongpeiwo kalak, karak niido tiimaga peiwo kalak, Sating gamkii gonyii mah kani kahii tei poi ndwi wolo.

METIU 25:23

Mpou mah Pumpii teinii mpou dakii tamle, ‘hangkapii bitakle, Kabi ninado malum kabui kikaleipii, nangnii mah kacheng phyiiryiito malum kabui tha tiikabam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

METIU 19:28

Jisunii ahnyii dakii tamle, “Inii gonyii dakii kasangpii tam leile, Kasatai sazyii pouryii kiteito meinah sapfii mpou teinii mpoumah pumtei kava sagong bamki kabam tinglang kitei gutai swikalu gonyiido sagong- bam keariisiinakhii gamtei bamsii Isrelmei mah Lui keariisiinakhiigo samtak tiitangle.

MATIMANGOU KAPYII 3:18

Teijangpii gonyiinii mah nikabui tiisii mipiinii rumatei kalei sona sateichii gomah peimani kaikasu mah ka-nrou tei ngoumatu kasu tiisii sateichii gomik ngoumatu tang karam jangpii, gomik kikii thei tang karam thao tei, gudato lyii wolosii Inii gonyiigo tam leile.

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

1 PITAR 2:7

Teijangpii gonyii malum kalumei jangpiinanii, mpou ai maiteengle, nlenii malum kasu ahnyii jangpii- nanii, “Ki katiimeinii maikaga kuitulesii mazhiikasu tei hangkak kito roukatii ndat takle.”

1 PITAR 1:5

Keikapyii karing tiilung jangpii kalui ting- langki mangou tang karam jangpii tiida kabam, kamalum kito Saraa- mah teimahampii bisii kaidek kabam hangtei gonyii jangpiiniile.

ROMMEI 2:29

Nlenii alungto Jehudimei katii teipii Jehu- dimeile sateichii ryiikabam agekpii supiinii rangiipii alungmah tiigyii kamalem, teipii kasang tiigyii kama- lemle mpougo tam kamatoi teinii meinah dato makle, nlenii Saraa datole.

LUKNII KARYII KABI RASAM JUKAMATI 17:30

Meinah Sapfii Mpougo kamangou piinei leimik teitakum tangle.

ROMMEI 2:10

Nlenii karei reisang kito Jehudimei dakii satei- chii Grikmei godo tha kabi katiimei hang dakii pumtei kava, sadzyii ngariit katii sateichii kamajung tei tangle.

ROMMEI 8:19

Kadaponii baichem hangnii Saraa mah nahmeihang gotei mangou tang karam gotei saryiisii koisii bamle.

1 PITAR 1:13

Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.

1 PITAR 4:13

Nlenii Kristamah pumtei kava mati kamangou kak, gonyiinii kisii ntasii ranga tang karam jangpii, Kristanii kamage kalak kapungmah njai dou njoisii kalei gonyii ntalo.

1 PITAR 5:1

Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile,

2 PITAR 3:14

Teijangpii lungkasyiimei, gonyii- nii aijangpii koikalei taiswisii, mpou mikjot kito sajek ninado kama gasii, majungsii gonyiigo mpounii dou wokabui tiilo.