1 PITAR 1:6 - KARANU KABI SAMTAM

⁶ Aitoi tinglang shangniikii jang- pii kataam kataam tiisii jai kaju kamage kalak hang gonyiinii pungsii swi kamagetu kido, gonyii kaang aijangpii nta rangalo,

1 PITAR 1:6 Referans Kwoze

JEMS 1:2

Gu kangsanamei, gonyiida jai- kaju kataam kataam kagong tinglang kak gonyii ai doibilesii gonyii roinapii poi wolo.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

ROMMEI 12:12

gonyii mah maning kamalum kito rangalo, kamage kalak kito leh wolo; kariita kito taksulo.

ROMMEI 5:2

Mpou paikito aitoi nyiinii lung kalei Saraa mah jumage kapyii ai doutakle, sateichii Saraa mah pumtei kava mah njai tei nyiinii doutang karam kamalum jangteipii ntale.

METIU 5:12

Ntalo ninado rangalo, kadapokii gonyii jangpii alangh kadi tei sating gamkii kaibam takle, kada- pokii gonyii doito kalei Lungkakaling meihang go aitiisii tiimaset tiimalakle.

JONNII KARYII KABI RASAM JUKAMATI 16:33

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

JONNII KARYII KABI RASAM JUKAMATI 16:22

Tei takumpiinii aitoi gonyiido lung kamage leile; nlenii Inii gonyiigo ngouloi tangle sateichii gonyii lung nta tangle, ninado gonyii mah ka-nta tei mei kaniido gonyii dato poitoi lakle.

METIU 11:28

“Kamagemei ninado pot ka- maswi pungsii kalei mei hang guda gonglo, Inii gonyiigo ka-ntak pyiitangle.

ROMMEI 5:11

Tei roisupii, Nyiinii aitoi Saraamah kanghemei tiikatu doumatu wokalu, nyii Bangpii Jisu Krista paito nyiinii Saraa dato ntale.

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

LUKNII KARYII KABI RASAM JUKAMATI 10:20

Nlenii sara kashyii hangteinii gonyii sam swile katu aipii gonyiinii nta sulo; nlenii gonyii zei sating gamkii ryiibam taklesii ntalo.”

1 PITAR 4:7

Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

JEMS 4:9

Swi kamagelo, mageelo, ninado hat tulo, gonyii mah kanui tei kahat kikii, sateichii gonyiimah ka-nta tei swi kasyii kikii tiikali ailo.

2 KORENMEI 4:17

Kadapokii ai kacheng ninado shangniikii jangpii nyiinii doukalei kamage ainii nyiinii doukalei kamage ai sung disang dikisii nyii jangpii dikaki kalui kaga pumtei kava tei pung gongpyii tangle.

JEMS 1:9

Nlenii mah kaga kangsanapii gotei Saraanii poikasagoi tinglang kak, mpounii nta tang karamle,

PILIPIMEI 3:3

kadapokii nyiinii Sara- amah rangii paikito Saraago kamata, Krista Jisumah kaang kito detkadi ninado pum kikii kamalum samah kado kaga, kasang tiigyii kamalem doukalumei teile.

2 KORENMEI 6:10

Nyiigo swi tiika- mage kado, tinglang kaleita nyiinii ntale; nyiinii mah kagamei takumle, nlenii mei hangkiigo nyiinii mah tiimani pyiile; nyiinii mah kado kaga takumle, nlenii kasangpii nyiinii mahlyii hangtei bamle.

1 THESOLONIKAMEI 1:6

Sateichii nyiinii rangii kamatei mah ka-nta tei njasii kamage kalak kadaziikii kito samtam tei douwosii, nyiimah ninado Bangpiimah jaika- tiimei tiitakle.

PILIPIMEI 4:4

Bangpii zei kito tinglang kaleita ntalo, nlailoisii Inii tam tangle, ntalo.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

ROMMEI 9:2

Katunii, Inii gulungto hangkapii kamage sateichii taksupii katchii tei doule,

PILIPIMEI 2:26

kadapokii mpounii gonyii hang go saryiisii lungswi hangkapii kamagesii leile, daponii mpou ranisii leile katu gonyii- nii shiitakle.

LUKNII KARYII KABI RASAM JUKAMATI 2:10

Nlenii sating gamlui teinii ahnyii dakii tamle, “Gonyii hingsulo, dapochiinii julo, sazyii pouryiimei hang jangpii gong tang karam hangkapii ka-nta kabi rasam tei Inii gonyii dakii pung gong leile.

LUKNII KARYII KABI RASAM JUKAMATI 1:47

Sateichii n-gu Keikapyiipii Saraa dato gu rangiinii ntale,

METIU 26:37

Sateichii Jisunii mpougo kaswisii Pitar nei Zebedi nah sapfiimei hangnago pang wosii, mpounii hangkapii swi kamagesii lung lungnyii lunghoutu takle.

1 PITAR 3:17

Ka- dapokii ai ai Saraamah kamaning kamazhii tei tangle leponii, gonyiinii kashyii kahong katii jangpii kamage kalak kadou sungnii kabi katii jangpii kamage kalak kadou teinii bile.