1 PITAR 1:25 - KARANU KABI SAMTAM

²⁵ Nlenii Bangpiimah samtam teinii kalui tiisupii bamle.” Gonyii dakii tam ralipyii kalei kabi rasam tei samkang aile.

1 PITAR 1:25 Referans Kwoze

METIU 5:18

Kadapokii Inii gonyii dakii kasangpii tam leile, sating ninado sazyii gatu kasuta, ajaitingshang ki- teito samah kado, mak-kii tow kabam geksa kacheng hangniniido, mahlyii- hang gong matwi kasuta, galakle.

1 JON 1:1

Nukarei kito kabam, nyiinii shiikalu, nyii mikpiinii ngou kalu, nyiinii ngou wosii nyii bahpiinii dengkalu karingmah samkangmah kaang kito–

2 PITAR 1:19

Teijangpii Lungkakalingmeinii saa ka-mpat Saraamah samtam gotei nyiinii kisii sangtingsii maning malumle, tingvaliit kasuta sateichii tingchoimah sageiti tei gonyii lung kito pat kasuta kamyii kito vakalei thaomigo gonyiinii lung kaliit takumpii gonyiinii aigo tiigatpii jum wolo.

LUKNII KARYII KABI RASAM JUKAMATI 16:17

Nlenii Ajaitingshang kiteito ching kaki agek hangninii poitoi kalei sungnii, Sating nei sazyii tiimaga kalei teiniipou mala buile.

IPISAMEI 2:17

Tei- jangpii Kristanii gongsii kamajung mah kabi rasam tei meihang dakii lui kakimeida, Saraa dato dhiisii kalei- meida, sateichii mpou dato ma- nangsii kalei, Jehudimeida gongsii tam ralipyiile.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:1

Karei reisang kito samtam tei leile, samtam tei Saraago kaswisii leile, sateichii samtam tei Saraale.

1 JON 1:3

Nyiinii ngoukalu ninado shii kalu tei gonyiiniido nyiigo kaswisii njai dou njoi matutang karam jangpii, nyiinii gonyii dakiido saa mpat leile; sateichii nyiinii njai dou njoi tang karam ainii Pfii sateichii mpounah sapfii mpou Jisu Kristago kaswisii nja katu kitole.

1 PITAR 2:2

nahmei karanumei takumpii, tinglang kaleita kamatei rangiimah nadwi gotei mangwilo; dapokii tei sak kalu teipii gonyiinii dikakhii thang kakhii ninado keikapyii karing doukido malahle.

1 PITAR 1:23

Kadapokii gatuwo kabuimah lwirou kito supii, gatupeiwo kalakmah kito karing ninado Saraamah kalui kaga samtam paikito gonyiigo nlailoisii manaapyii takle.

1 PITAR 1:12

Lungkaka- lingmeinii saa mpat kalei kabi rasam hangtei ahnyii roinii jangpii kabi tei roisupii, gonyii hang jangpiile katu tei Saraanii lungkakalingmei dakii mati mangoupyii takle. Ahnyiinii katam tei kabi rasam katam mei teinii gonyii dakii aitoi mati mangoupyii takle. Ahnyiinii kabi rasam tam kalei kitei, sating gamto Saraanii m-mang kapyii rangii kamatei teinii ahnyiigo kaswipyiile, sateichii aihang ai rangii kamatei katangniido tinyiisii kalei teile.

TAITAS 1:3

ai toinii ajhii kabi tinglang kiteito, mpounii tiilosii gudakii pyiikabam kabi rasam teipii Saraanii mpoumah tiimatu kanyii kaang tei nyiigo mati mangoupyii takle. Ai ai Inii nyiigo keikapyii Saraamah mwija teipii saa mpat leile.

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

1 KORENMEI 2:2

kadaponii Inii gonyiigo kaswi kalei kak, Jisu Kristago ninado mpounii krosh gamto taikapyii teisupiinii, mahlyii hangtei Inii mangai aitang takle katupii gulung swi satto takle.

HEBRUMEI 6:5

Saraamah samtak mah sateichii gong tang karam aha kanamah teimaham hang mah, chiikabi chiikashyii masei kalei ahnyii teinii koukalei kito,

MATIMANGOU KAPYII 14:6

Teito sazyii pouryiito lungkalei hang dakii, lui, sadung ninado lat sateichii meihang dakii tam mpat tang karam jangpii, kalui kaga kabi rasam kaswi kalei sating gamlui hangninanii Sating gamto jungkalei tei Inii ngoutakle;