1 PITAR 1:23 - KARANU KABI SAMTAM

²³ Kadapokii gatuwo kabuimah lwirou kito supii, gatupeiwo kalakmah kito karing ninado Saraamah kalui kaga samtam paikito gonyiigo nlailoisii manaapyii takle.

1 PITAR 1:23 Referans Kwoze

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

HEBRUMEI 4:12

Saraamah samkang teinii ring- kalei sateichii nlaisupii bam kasu, mwi hangna kapung saryiikhang sungdo kisii mwi bikile, rakot nei rangiigo sateichii ashaang nei akeeng go jaitaam katu katang tei jowkalale, sateichii meinah mah kamaning lungswi ninado alungmah karaang kamaning hang go samtak tiile.

JONNII KARYII KABI RASAM JUKAMATI 3:3

Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

JONNII KARYII KABI RASAM JUKAMATI 1:13

ahnyii teinii zai mah kito, mak-kii pumzai mah kito mak-kii meinah mah kamaning kamazhii kito manaamakle, nlenii Saraa datole.

JONNII KARYII KABI RASAM JUKAMATI 6:63

Karing kapyii tei Saraa mah rangiiniile, meinah mah teimaham teinii samah kado kabi tei gale. Inii gonyii dakii katam samtei rangiile, ninado karingle.

1 JON 5:18

Saraa dato manaa kalu meihangnii kem tiisii leimakle, kadapokii Saraanah sapfii mpou teinii ahgo tiigatpii jumatousii leile sateichii sara kashyii teinii ahgo tiimashyiipei wolakle katu nyiinii tile.

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

JONNII KARYII KABI RASAM JUKAMATI 3:5

Jisunii khekalatle, “Inii godakii kasangpii tam leile, mei kata hang- ninanii dwi ninado rangii kito manaa kasutanii ahnii Saraa mah sating sazyii kitei liitpei wolakle.

METIU 24:35

sating ninado sazyiinii gatu tangle, nlenii gu sam-nii gasang galakle.”

1 JON 3:9

Saraa dato manaa kalumei hang- tei kem tiimakle. Dapokii Saraamah lwirou tei mpou dato taksupii leile, sateichii mpounii kem tiisii leiwo lakle. Dapokii ahnyii Saraa dato manaa takle.

1 PITAR 1:25

Nlenii Bangpiimah samtam teinii kalui tiisupii bamle.” Gonyii dakii tam ralipyii kalei kabi rasam tei samkang aile.

JONNII KARYII KABI RASAM JUKAMATI 1:3

mahlyii hangtei mpou paikito tiile sateichii tii mpat kabam kito mpou haisupiinii mah hangninii kado tii mpat makle.

ROMMEI 1:23

sateichii gatutang karam meinah mah akhiinahpii, mak-kii ruinah mak-kii kounah mak-kii moipii chyii- karhiisii katat kounah hang teipii gakalak Saraa mah pumtei kava gotei kahekle.

LUKNII KARYII KABI RASAM JUKAMATI 8:11

“Ndasam tiisii tam kalei sam teinii aile: Lwirou teinii Saraa mah samtam teile.