1 PITAR 1:22 - KARANU KABI SAMTAM

²² Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

1 PITAR 1:22 Referans Kwoze

1 TIMOTHI 1:5

Pyii kalei mwija aimah kaangnii lung kamatei kito kabi kasang kamajyii tikabui lungswi kito, ninado kasangpii kamalum kito kagong lungkasyii tei tiimakhii tang karam jangpiile.

HEBRUMEI 13:1

Sung kating taikarhii mah kalungsyii katu tei taksupii leimatulo.

1 JON 4:12

Meikaniido Saraago ngousang ngoumakle; hangninanii hangniniigo nyiinii kalungsyii leponii, Saraanii nyii dato taksupii leile; teito mpougo lungkasyii tei nyii dato sajek gasii matwi mashang takle.

1 JON 4:7

Lungkasyiimei, nyiinii hang- ninanii hangniniigo kalungsyiide, dapokii lungkasyii tei Saraa datole sateichii lungkasyiimei hang Saraa dato manaa takle, sateichii Saraago tile.

1 PITAR 3:8

Kalui kito, kamaning lungswi hangninii, ti njoi katu, lung kamanoi, lungkasyii, sateichii detdi kasu lung- swi tei gonyii hang leilo.

JEMS 4:8

Saraada manang liitlo, teito mpounii gonyiida manangliit pyii tangle. Gonyii bah tiimatei ailo, gonyii kem kama mei, sateichii gonyii lung tiimatei ailo, gonyii lungswi hangna kapungmei!

1 JON 3:23

Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.

2 THESOLONIKAMEI 1:3

Kangsanamei, gonyii jangpii tinglang kaleita nyiinii Saraago hakalang tam tang karamle. Ai ai nyiinii tiimajyiile, kadaponii gonyii- mah kamalum tei hangkapii dikhiisii leile sateichii gonyiihang mei hang- ninanii hangniniigo kalungsyii katu tei dibuibuisii leitakle.

1 THESOLONIKAMEI 3:12

Sateichii nyiinii gonyiigo lungkasyii takumpii, gonyii mei hangninanii hangniniigo sateichii meihang go gonyiimah lungkasyii katu tei Bangpiinii tii m-moipyiisii kisii kisii moi matulo.

1 JON 4:20

Mei kata kangkanii, “Inii Saraago lungsyiile” sii tam takpokii, kangsanapiigo ngourou leponii, ahnii kachuimeile. Kadapokii ngoukalu kangsanapiigo lungsyii kasu ah teinii mikpiinii ngoukasu Saraago lung- syiipei wolakle.

1 PITAR 2:17

Meihang go sadzyii ngariit tiilo, kangsanameigo lungsyiilo, Saraago hinglo sateichii sagong go sadzyii ngariit tiilo.

TIILAMLWI KAPYIIMEI THA JUKAMATI 15:9

Sateichii kamalum mah paikito ahnyii lung tiimatei pyiisanii, mpounii nyii nei ahnyii ai samah kado tam kaki ai mbam makle.

1 JON 3:11

Kadapokii “Hangninanii hang- niniigo nyiinii kalungsyii tang karamle,” katu ai saroisekto gonyii- nii shiikalu samtam teile.

2 PITAR 1:7

Gonyiimah Saraa kamaning ki- teikii asanamei takumpii kakukabi, sateichii gonyiimah asanamei ta- kumpii kaku kabi kiteikii lungkasyii tei kai mpam kalu tiilo.

PILIPIMEI 1:9

Kasang swirek kabi ninado lungswi kati kangouhang tei kaswisii gonyii mah lungkasyii tei kisii kisii dibuibui matu tang karam jangpii Inii riitale;

IPISAMEI 4:3

Kamajung kito gonyiigo pei ndwi kapyii rangiimah swi njoi katu tei mbam tang karam jangpii lungnhiilo.

GALATIMEI 5:5

Kadapokii nyiinii rangii paito kamalumpii kasang kamajyii mah maning kamalum jangpii koileile.

MATIMANGOU KAPYII 2:4

Nlenii go phyiiryiito mazhii kasu gumah sam ai leile; katunii nangnii gomah kareiki lungkasyii tei rat toi aitakle.

1 PITAR 4:17

Kadapokii Samtak tiihao tang karam tinglang tei gongtakle, satei- chii Saraamah mei sek gotei samtak tiirei tangle. Samtak tei nyiidato tiihao takleponii, Saraamah kabi rasamgo malum kasumei mah kamaswi teinii kadapei tangpo?

1 PITAR 4:8

Mahlyiihang phyii- ryiito gonyii hangninanii hangni- niigo kalungsyii katu kito lung liitlo; kadapokii lungkasyii teipiinii kem hangkii gomtwum pyiile.

HEBRUMEI 11:8

Kamalum jangpii Abrahamnii, mpougo lat katu tinglang kak, mahtou toutang karam mei hangninii takumpii, mpounii doutang karam sazyiiki katang tei tatpat tang karam jangpii katam tei swiwo takle; sateichii mpounii kadaki tat tangpo katu tisupiinii tatpat takle.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

HEBRUMEI 6:10

Kadapokii Saraanii majyii kasu gale, gonyiinii kamateimeigo tiikaha ninado aitoido tiihasii kalei gonyiinii tiikabam tha ninado mpou jangpii mangou kabam lungkasyii tei mpounii mangai lakle.

2 KORENMEI 6:6

Nyiimah kamateipii, swirek katipii, leh katipii sateichii Saraa nga ka- ngameile katu tei nyiinii nyii roinapii meigo mangoule...rangii kamateipii, nyiimah kasang lungkasyiipii.

JONNII KARYII KABI RASAM JUKAMATI 15:17

Gonyii hangninanii hangniniigo kalungsyii matutang karam jangpii kakhatsam ai Inii gonyii dakii pyii leile.

1 PITAR 3:1

Tei takumpii gonyii noumei, gonyii naamei kang nkanglo, katunii, kadapokii ahnyii kak kito mei kata hangninanii Saraa samtam tei malum suleponii,

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

2 TIMOTHI 1:14

Nyiilung kito lungsii kalei rangii kamatei paikito gudakii pyii kabam kabi tei jum wolo.

1 TIMOTHI 5:2

sapwimei katingmeigo pwimei takumpii, sateichii sapwimei kara- numeigo go taipwi takumpii lung matei sageisii katwikai pyiilo.

1 TIMOTHI 4:12

Nang karanumeile sii mei kata hangninaniido maning kamajaang tei tiimatu sulo; nlenii kamalum jangpii samtam kito, jairali kito, lungkasyii kito, kamalum kito, kamatei kito meigo tiikamangou hangninii tiilo.

1 TIMOTHI 1:3

Inii Mesidoniya ki gongtang karam jangpii tat leibangpii, n-go tiilosii katam takumpii, Inii n-go Ipisas kito bam matunyiile, mei kangkanii teikito kasang kasu kanat kanhii ralipyiisii leile, teimei gotei ntak ailosii nang tamlo.

2 THESOLONIKAMEI 2:13

Nlenii Bangpiinii lungkasyii kangsanamei, gonyii jangpii nyiinii tinglang kaleita Saraago tam matoi tang karamle. Kadapokii Saraanii gonyiigo karei kito rangiimah teimaham kito sateichii kasang go malum kalu kito keikapyii karing tei doumatu tang karam jangpii kalai takle.

GALATIMEI 3:1

Oh kapang Galatimei gonyii doi- sekto Jisu Kristago krosh gamkii dhangsii gikalei tei mateitengsii mangoupyii takle; Gonyiigo tanii riikuhii pyiibam takpo?

GALATIMEI 5:7

Gonyii bisii tiisii leile, kasang gotei swi matulak tang karam jangpii gonyiigo tanii dang leipo?

ROMMEI 8:13

kadapokii gonyiinii apum azai tai swisii lungleponii, gonyii taitangle; nlenii rangii paito gonyiinii apum azai mah tha hangtei tai malei aileponii gonyiinii ringtangle.

ROMMEI 2:8

Sateichii mei kangkanii mpou jangpii roinii fiisii kasang kamajyii gotei mazhii supii kama tai swi kanyiimei gotei Sa- raanii ahnyii phyiiryiikii mpoumah rakarhii ninado ngou kahing tei rui mpat tangle.

ROMMEI 1:5

Mpou paito nyiinii mpou zei jangpii lui hang kak kito kamalum mah katam switang karam kalungset tei doutakle sateichii tiilamlwi kapyiimei mah bam tei doutakle,

JONNII KARYII KABI RASAM JUKAMATI 17:17

Kasang teipii ahnyiigo tiimatei pyiilo, go samnii kasangle.

JONNII KARYII KABI RASAM JUKAMATI 15:3

Inii gonyiigo ralikapyii teipiinii gonyiigo tiimateipyii aitakle.

TIILAMLWI KAPYIIMEI THA JUKAMATI 6:7

Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.

JONNII KARYII KABI RASAM JUKAMATI 17:19

Ahnyiihang godo kasang teipiinii tiimateipyii ma- tutang karam jangpii, ahnyii jangpii Inii guroinapii n-gu pyiitoi leile.

JEMS 1:21

Teijang- piinii katham karaam ninado kaikashyii jairali hangtei rat toi aisii, gonyii rangiigo keipyii kabui lingkai kabam samkang tei lung kamanoi tei njasii lukai wolo.

1 PITAR 1:2

Apfii Saraamah kama- ning kamarei ninado reipiinii tikalei taiswisii gonyiigo kalai wotakle, sateichii mpoumah rangii teipii gonyiigo kamateimei hangninii tiipyii takle; Jisu Kristanii katam swisii mpoumah zai teipiinii tiima- teipyii matu tang karam jangpii: Jumage kapyii ninado kamajung tei gonyii dato moibui matulo.

1 PITAR 3:20

Ai hang ai Nohanii malyii likalei kak Saraanii katam swikasu rangii hang teile. Malyiilung mei chengniikii kalei kagapii siisat tei dwi kito keipyiile.