1 PITAR 1:21 - KARANU KABI SAMTAM

²¹ Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

1 PITAR 1:21 Referans Kwoze

TIILAMLWI KAPYIIMEI THA JUKAMATI 2:24

Nlenii Saraanii katai mah kamage kalak kiteito mpatpyiisii, mpougo tiima- ringpyii takle, kadapochiinii teiteinii mpougo ngam makle.

HEBRUMEI 2:9

Saraanii jumage kapyii paikito meihang jangpii mpounii taitang karam jangpii, tinglang shangniikii jangpiinii sating gamlui sung chengniikii tiisana kalei, Jisugo nyiinii ngoule. Mpounii kataimeimah mage leh kalu jangpii mpounii pumtei kava ninado sadzyii ngariit katiimah phyiihung choisii kalei tei nyiinii ngoule.

JONNII KARYII KABI RASAM JUKAMATI 12:44

Jisunii rok sagoisii tamle, “N-gu kamalum ahteinii n-gu roinii malum makle, nlenii n-gu lang kama- gong mpou godo malumle.

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

1 PITAR 1:11

Kristamah rangii teinii lungkakalingmei lung kito liit tosii, Kristanii kamage kalak pungtang takle, nlenii kamage kalak pung kaleitai mpounii ngam tangle katu tei rangiinii mati mangoupyiile. Ai ai kadadou pat tangpo sateichii kada takumpii pat tangpo katu tei Lung- kakalingmeinii fiile.

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

IPISAMEI 1:15

Kaang aijangpii, Bangpii Jisugo gonyiinii kamalum ninado Saraago kamalum meihang go gonyiinii lungkasyii tei Inii shiikalu sekpiinii,

1 TIMOTHI 1:1

Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

ROMMEI 10:9

Ka- daponii nangnii gomwipii Jisugo Bangpii lesii tam mpat lepochiinii sateichii Saraanii mpougo katai kito tiimaringpyii takle katu tei golung kito malum woleponii n-go keipyii tangle.

ROMMEI 4:24

Nlenii nyii Bangpii Jisugo katai kito tiimaring kapyiipiigo kamalum meihang, kasang kamajyii meilesii lukai pyii tang karam nyiimei hang jangpiiniido ryiibamle.

TIILAMLWI KAPYIIMEI THA JUKAMATI 4:10

gonyiihangnii ninado Isrelmeinah hangnii ai ai timatulo, katunii gonyiinii Krosh gamkii dhangsii gitoi kalei, Saraanii kataimei kak kito tiimaring kapyii Nazaret ki Jisu zei kito, katunii mpou paikito mei aipou ainii biwosii gonyii doito sat leile.

TIILAMLWI KAPYIIMEI THA JUKAMATI 3:15

Sateichii karing bangpiigo gi aitakle; mpougo Saraanii kataimei kak kito tiima- ringpyii takle, aikaang kito nyiihang- nii sakchyii tiileile.

TIILAMLWI KAPYIIMEI THA JUKAMATI 3:13

Abraham, Isak ninado Jakob mah Saraa katunii, nyiipei nyiipao- mah Saraa teinii mpouki kaleipii isugo pumtei kava tei pyiitakle, nlenii gonyiinii mpougo teimaham kajum mei bah kikii pyiitoi aitakle, ninado Pailatnii mpougo mpatpyii tanglesii maning kalu katang tei gonyiinii Pailat doisek todo mpougo mazhii makle.

JONNII KARYII KABI RASAM JUKAMATI 17:1

Jisunii samhang ai tam sek-kii, Mpounii sating gamkii rajang matusii tamle, “Pfii-o, ting- lang tei gongtakle; nah sapfii mpou teinii n-go pumtei kava tei pyii matutang karam jangpii gonah sapfii mpougo pumtei kava tei pyiilo.

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 14:1

“Gonyii lung lungnyii lunghao sulo; Saraago malumlo, n-gudo malumlo.

JONNII KARYII KABI RASAM JUKAMATI 3:34

Kadapokii Saraanii lang kamagong mpou teinii Saraa sam tam leile, dapokii mpounii rangii tei ajhii masaksii pyiimakle,

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

HEBRUMEI 6:1

Kaang aijangpii Krista mah karei roukatiimah samtam tei toi aisii, nyiinii mishang kaleilam teikii tatjou tude, katai tha kito lung kakali mah sateichii Saraa dakii kamalum mah,

JONNII KARYII KABI RASAM JUKAMATI 17:5

Sateichii Pfii-o, sazyii pouryii tii mpat kasuniito n-gu kaswisii leikatu gumah pumtei kava teipiinii godoito aitoi n-gu pumtei kava tei pyiilo.

JONNII KARYII KABI RASAM JUKAMATI 17:24

“He Pfii-o, nangnii sazyii pouryii tii mpat kasunato n-gu lung- kasyii kito nangnii gudakii kapyii gumah pumtei kava tei ahnyiinii ngoumatu tang karam jangpii, Inii kalei nitei ahnyiiniido n-gu kaswisii lei matu katu Inii maraile.

2 KORENMEI 6:15

Krista nei seitan tei kada takumpii mazhiiwo tangpo? Kamalum mei hangninanii malum kasumei hang- niniigo masam katu kadapei leipo?

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.