1 PITAR 1:20 - KARANU KABI SAMTAM

²⁰ Sazyii pouryii tii mpat kasunato Saraanii mpougo kalaiwo takle, nlenii kalui tinglang kinii gonyii jangpii mangoupyiile.

1 PITAR 1:20 Referans Kwoze

IPISAMEI 1:4

Nyiinii matei matu tang karam jangpii sateichii mpou doito sajek tei gamatu tang karam jangpii, Kristago nyiinii nja kalu paikito mpou mei tiimatu tang karam jangpii, sazyii pouryii tii mpat kasunato, Saraanii nyiigo kalaibam takle. Mpoumah lungkasyii jangpii.

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

HEBRUMEI 1:2

nlenii ai kalui tinglang leimik aikito nah sapfii mpou paikito nyii dakii mpounii sam rashiile. Mpougo mahlyii hangmah matou katou tei tiipyii takle, sateichii mpounii mpou paikito sazyii pouryiido tiipyiile;

KOLOSIMEI 1:26

katunii, tinglang sateichii meilui meiha kadaziikii jangpii kabai kabam kamakum, nlenii aitoinii mpoumah kamateimei hangdakii mati mangou pyii kalei teile.

IPISAMEI 3:11

Saraanii saroisekto raang kabam teiswisii mpounii tiile, ai ai pat matutang karam jangpii mpounii Krista Jisu nyii Bangpiigo poisii tha tiitakle.

IPISAMEI 3:9

Sateichii mahlyii hang go tii mpat kapyii Saraa dato tat tukalei tinglang kareiki Saraamah tiitang lesii raang kabam kamakum kabai kabam tei kadapeipo katu meihang go ngoumatu tang karam jangpii,

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

1 JON 1:2

Sateichii karing tei mangou takle, sateichii nyiinii teitei ngoutakle teijangpii nyiinii teimah kaang kito sakchyii tiisii sateichii Pfiigo kaswisii kalei ninado nyii dakii mati kapyii kalui kaga karingmah kaang kito nyiinii gonyii dakii saa mpat leile.

IPISAMEI 1:10

Tinglang tei gongsekchii Saraanii tiimatui tiimashang tang karam, tiitang karam ainii, Krista go aphyiikii kaikabam tei kaswisii, sating ninado sazyii lungto kalei Saraa baichem hang go poigong ndwitang karam teile.

ROMMEI 3:25

Saraanii Ahgo pyiile, kadaponii kamalum paikito meinah mah kem tei mpounii karatsii taikapyii teipii meinah mah kem tei tiimateipyii matu tang karam jangpii Saraanii ai tiipyiile, mpoumah kasang kamajyii tei tiimangou tang karam jangpii. Tinglang kareiki mpoumah leh kati teipii meinah mah kem hangtei fiiseisu takle, nlenii aitoi tinglang kinii mpounii ahnyii mah kem hangtei fiisii leile, mpoumah kasang kamajyii tei tiimangou tang karam jangpii. Aitiisii Saraanii mpousek ai kasang kamajyiile sateichii mpounii Jisugo kamalum meihang go tiimajyii pyiile katu tei mangoule.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

1 JON 3:5

Sateichii kem hang poitoipyii tang karam jangpii mpounii gongle, sateichii mpouda kem gasangle gale katu gonyiinii tile.

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

TIILAMLWI KAPYIIMEI THA JUKAMATI 2:23

Saraanii reipii tisii kalei ninado mpoumah kamaning taiswisii, go- nyiinii kem katiimei bah kikii mpougo pyiitoi aisii jotpyiipii gisii krosh gamkii dhangsii gi aitakle.

ROMMEI 8:29

Kadaponii mpounii reipii juti kalumeigo mpou nah sapfii mpou- mah jaitalui gotei njoi matu tang karam jangpii ndouto reipii tiikada aitakle. Nah sapfii mpou teinii kangsanamei hang kak kito manaa karei tei tiimatu tang karam jangpiile.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

HEBRUMEI 2:14

Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

1 PITAR 1:2

Apfii Saraamah kama- ning kamarei ninado reipiinii tikalei taiswisii gonyiigo kalai wotakle, sateichii mpoumah rangii teipii gonyiigo kamateimei hangninii tiipyii takle; Jisu Kristanii katam swisii mpoumah zai teipiinii tiima- teipyii matu tang karam jangpii: Jumage kapyii ninado kamajung tei gonyii dato moibui matulo.