1 PITAR 1:13 - KARANU KABI SAMTAM

¹³ Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.

1 PITAR 1:13 Referans Kwoze

1 PITAR 5:8

Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile.

LUKNII KARYII KABI RASAM JUKAMATI 12:35

“Gonyii sakai wolo, sateichii thaomi maseisii bamlo.

1 PITAR 4:7

Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

1 PITAR 3:15

Nlenii gonyii lung kito Krista ai Bangpiilesii sadzyii ngariit tiilo. Gonyii lung kito kalei maning kamalum mah kaang tei gonyii dato n-nhii katumei hang go kekhalatpyii tang karam jangpii tinglang kaleita tiikadasii leilo, nlenii lung kamanoi ninado sadzyii ngariit katii tei njasii tiilo.

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

1 JON 3:3

Sateichii mpougo maning kamalum meihangnii, mpounii kamatei takumpii mpou roinapii mpougo tiimateile.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

IPISAMEI 6:14

Teijangpii kasang teipii kakee kak kabam haikak tiisii, sateichii kasang kamajyii teipii gonyiimah takoumah kokryii tiisii,

1 KORENMEI 1:7

Teipiinii nyii Bangpii Jisu Kristago mangou tang karam jangpii koisii koisii gonyiinii rangiimah luha dou- tang karam samah kado tangkasu tiimakle;

LUKNII KARYII KABI RASAM JUKAMATI 17:30

Meinah Sapfii Mpougo kamangou piinei leimik teitakum tangle.

HEBRUMEI 10:35

Teijangpiinii alangh kadi kaswi kalei, gonyiimah maning kamalum tei rat toi aisulo.

HEBRUMEI 6:19

Nyiinii maning kamalum ai malyii ka-ntakbam takumpii nyiimah karing jangpii bamle. Ainii sadoi kashyii kito keikalu ninado soikalak sateichii Saraa kamaning kilungkii lam kabam peira tailam katang tatliit wokabui teile.

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

2 TIMOTHI 4:5

Nlenii nangnii mahlyiihang kito lung nlaisupii sangtingsii satlo, kamage kalak tei lehlo, kabi rasam tam rali kapyiimei tha tei tiilo, sateichii neikii neikii tiikamajyii gotha hangtei nangnii Saraa nga kangamei hangninii tiisii tiilo.

1 KORENMEI 13:13

Teijangpiinii maning kamalum sateichii lungkasyii ai taksupii leile; sateichii ai hangtum kak kito kadi disang teinii lungkasyii teile.

ROMMEI 13:13

Nyiinii kavaki tat kalei takumpii tat majyiile; ajai kasu sateichii jou sak kapiinhii, kashyii kahong tha katii, sateichii ngou kashyii tha katii, n-gee razyii kapat sateichii kamai- mhii tei tiisude,

2 THESOLONIKAMEI 1:7

gonyiigo kaset kalak doumatu katumeigo kamage kalak, sateichii kamage kalak doukaleimei gonyii dakii nyiigo kaswisii ka-ntak tei Saraanii pyii tangle,

LUKNII KARYII KABI RASAM JUKAMATI 17:8

Tei tungpii, Inii chii tang karam jangpii nang tiikadalo; ‘Inii chii sang sak sang kasuta gu nga ngalo, tei tainii chii sak losii mpou dakii tam lakpo’?

ROMMEI 8:19

Kadaponii baichem hangnii Saraa mah nahmeihang gotei mangou tang karam gotei saryiisii koisii bamle.

KOLOSIMEI 3:4

Gonyiimah kasang karing tei Kristale, sateichii mpounii kagongki gonyiiniido mpougo ka- swisii gongsii mpoumah pumtei kava tei njaitangle.

1 PITAR 1:10

Gonyiigo jumage kapyii pyii- tangle katu mah sam saa ka-mpat lungkakalingmei teinii keikapyii karing aimah kaang kito tiigatpii fiile.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

METIU 20:4

Teito mpounii ahnyii dakii tamle, ‘gonyiido maasii darkha toipyiilu kito tha tiitulo, sateichii pyii kamajyii tei Inii gonyiigo pyii tangle’ sii tam takle; teipiinii ahnyiinii tat tutakle.