1 PITAR 1:12 - KARANU KABI SAMTAM

¹² Lungkaka- lingmeinii saa mpat kalei kabi rasam hangtei ahnyii roinii jangpii kabi tei roisupii, gonyii hang jangpiile katu tei Saraanii lungkakalingmei dakii mati mangoupyii takle. Ahnyiinii katam tei kabi rasam katam mei teinii gonyii dakii aitoi mati mangoupyii takle. Ahnyiinii kabi rasam tam kalei kitei, sating gamto Saraanii m-mang kapyii rangii kamatei teinii ahnyiigo kaswipyiile, sateichii aihang ai rangii kamatei katangniido tinyiisii kalei teile.

1 PITAR 1:12 Referans Kwoze

JONNII KARYII KABI RASAM JUKAMATI 15:26

“Nlenii Pfii dato lang magong tang karam tiikahapii tei; katunii Pfii dato kagong kasang mah rangii teinii kagong tinglang kak; ahnii gumah kaang kito sakchyii pyii tangle;

IPISAMEI 3:10

katunii, charsh paikito sating gam mah pum katiimei sateichii sating gam sazyii kito kalei teimaham hangnii Saraamah swirek kabi tei jai katham katham tiisii aitoi timatu tang karam jangpiile.

1 KORENMEI 2:10

Kadaponii Saraanii nyii jangpii rangii paikito mati mangoupyii takle, kadapokii rangii teinii mahlyiihang, katunii Saraamah kathoksam ka- tangpiinii fiile.

HEBRUMEI 4:2

Kadapokii ahnyii dakii tam rali kapyii takumpii nyii dakiido kabi rasam tei tam ralipyii takle; nlenii shii kalu samtei ahnyii jangpii mah kado kabi gale, daponii katam kaswimei teinii kamalum tei njasii teigo tei lukai makle.

MARK 16:15

Mpounii ahnyii dakii tamle, “Tat tulo, sazyii pouryii bam- lyii hangki sateichii meilui kalung hangda kabi rasamtei tam ralipyiilo.

1 PITAR 1:25

Nlenii Bangpiimah samtam teinii kalui tiisupii bamle.” Gonyii dakii tam ralipyii kalei kabi rasam tei samkang aile.

MATIMANGOU KAPYII 5:11

Teito Inii jule sateichii sagongbam, karing kounah ninado katingmei hang go bangmagwisii kalei sating gamlui hangkii, tang tangpii, sateichii lakh lakhpii lhii tii- kalei roktei Inii shiitakle.

2 KORENMEI 6:6

Nyiimah kamateipii, swirek katipii, leh katipii sateichii Saraa nga ka- ngameile katu tei nyiinii nyii roinapii meigo mangoule...rangii kamateipii, nyiimah kasang lungkasyiipii.

2 KORENMEI 1:22

mpounii nyii phyiiryiikii apum katii mah siiti tei kaipyiibam takle, sateichii mpounii nyii jangpii poi ndwi kabam hangtei soisupii pyii mashang tang karam mah kamazhii ai hangninii takumpii, mpounii mpoumah rangii kamatei tei nyiilung kikii pyiibam takle.

ROMMEI 15:19

Aitiisii Jerosalem kito Illurikam go kamagui katangtei tatsii Inii Krista mah kabi rasam tei tam ralipyii lahok takle.

TIILAMLWI KAPYIIMEI THA JUKAMATI 2:33

Teijangpiinii Saraa mah bah ajiilam pang teikii poisagoi kapyii taiswisii sateichii rangii kamateigo pyiitang lesii riishii tiikabam tei Pfii dato doukalu taiswisii, gonyiinii aitoi ngou kalei ninado shiikalei ai mpounii rui mpat pyiile.

HEBRUMEI 2:4

Saraaniido tiikamangou siiti teipii, kamadat kamadatpii, sateichii kataam kataam sung kaga tha hang teipii, sateichii mpoumah kamaning taiswisii jaipyii kabam rangii kamateimah luha hang teipii sakchyii pyiile.

GALATIMEI 1:16

sa- teichii Inii luikakimei hang dakii mpoumah kaang kito kabi rasam tam ralipyii tang karam jangpii, mpounii mpounah sapfii mpou gotei gudakii mati mangou tang taklesii satto sek- kii, Inii pum ninado zaigo kaswisii rashii makle,

GALATIMEI 1:12

kadapokii teitei Inii meinah dato doudo doumakle, mei hangninii kaniido teitei n-gu ralipyii makle, Jisu Krista sekpiinii teitei n-gu mati mangoupyiile.

ROMMEI 10:15

Sateichii ahnyiigo langkaipyii suleponii ah- nyiinii kada takumpii kabi rasam tei tam ralipyiiwo tangpo? Ryii kabam aitakumle, “Kabi rasam pung kagongmei mah pitei kadazii kapiinii ngoubipo?”

ROMMEI 1:17

Kada- ponii aikikii kamalum kito kamalum jangpii Saraa mah kasang kamajyii tei mangoupyii takle, aitiisii ryii kabam takumpiinii “Kasang kamajyii meinii kamalum kito ringtangle.”

LUKNII KARYII KABI RASAM JUKAMATI 15:10

Tei takumpiinii Inii gonyii dakii tam leile, Kem kama katiimei hangninanii lung kali kalu jangpii Saraa mah Sating gamlui hang doito ka-nta teile.”

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.

1 THESOLONIKAMEI 2:9

Kadaponii kangsanamei, nyiinii katii kapung sateichii kamage kalak kaleh tei gonyiinii maning leile, nyiinii gonyiigo kamaswi tei pung matulak tang karam jangpii, tinghum tingna tha tiisii, nyiinii Saraamah kabi rasam tei gonyii dakii tam ralipyii takle.

LUKNII KARYII KABI RASAM JUKAMATI 9:6

Teito ahnyiinii tatpatsii nam namki maasii kabi rasam tei tam ralipyiile ninado katii kanhiimei go bamlyii hang kito tii-mbipyiile.

LUKNII KARYII KABI RASAM JUKAMATI 2:26

Sateichii mei teipou teinii Bangpii mah Kristago mpou mikpii ngou kasuta mpounii katai katu tei ngoulak lesii Rangii Kamateinii mati mangoupyii takle.

METIU 16:17

Teito Jisunii mpougo kheka- latle, “Simon Bar Jonah, nang sadoi bile!” “Kadapokii sating gamto kalei gu pfiinii supiinii, pum zainii ai godakii mati mangou kapyii tei makle.

METIU 11:27

“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.

HEBRUMEI 11:13

Riishii tiikabam tei dousupii, nlenii teigo tei ngou wosii, teigotei kadhii kito salam tiisii, ninado sazyii pouryiito ahnyii ai sapumnahle ninado sabameile katu tei tisii ahnyii hang tei kamalum kito taitakle.

ROMMEI 1:15

Teijangpii Inii ngam kabui- tanii Rom kito kalei gonyii dakiido kabi rasam tei tam rali pyii nyiisii bamle.

TIILAMLWI KAPYIIMEI THA JUKAMATI 16:10

Madhang kapyii tei ngouwo sek-kii Saraanii ahnyii dakii kabi rasam tam ralipyii matutang karam jangpii nyiigo latpyii takle katu tei tigong wosanii, teisek-kii nyiinii Mesidoniya ki maa tang karam jangpii tiikada wotakle.

TIILAMLWI KAPYIIMEI THA JUKAMATI 10:44

Pitarnii sam hang ai tamlei- bangpii samtei shiisii kalei meihang phyiiryiikii rangii kamatei teinii humpyii takle.

TIILAMLWI KAPYIIMEI THA JUKAMATI 8:25

Aitiisii ahnyiinii Bangpii mah sam tam tei tiigatpii sakchyii tiisii tampyii aisii, Samariyamei mah nam namki tei liitsii kabi rasam tamsii tamsii Jerosalem ki nlai gongle.

TIILAMLWI KAPYIIMEI THA JUKAMATI 4:31

Sateichii ahnyiinii riita ka- leitai, ahnyiinii ndwisii kalei bamtei nlai takle sateichii ahnyiihang tei rangii kamateipii tokryiisanii, kahing gasii Sara sam tam mpat takle.

TIILAMLWI KAPYIIMEI THA JUKAMATI 4:8

Teitinglang kak Pitarnii rangii kamateipii tokryiisii ahnyii dakii tamle, “He mei aimeigo apum katii- mei ninado katingmeihang,

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

1 PITAR 4:6

Kadapokii meinah takumpii pumzai kito samtak tii aikido ahnyiinii rangii kito Saraa takumpii ring kabui jangpii kataimeida katangdo kabi rasam tei tam ralipyii takle.