1 KORENMEI 4:5 - KARANU KABI SAMTAM

⁵ Teijang- piinii Bangpii gong kasuta, tinglang kasunakii meigo kado samtak tiisulo; aitoi kamyii kikii kabai kabam mah hangtei mpounii kava kikii poi mpat tangle, sateichii lungswi mah tiitang karam kamaning hangtei mangou tangle. Sateichii tei tinglang kak meihangnii Saraa dato mpou mpoumah dou kamajyii tam kamatoi tei doutangle.

1 KORENMEI 4:5 Referans Kwoze

JEMS 5:7

Teijangpii gukangsanamei, Bangpii gong kasuta lung leh kati tei leilo. Julo, tha kathamei hangninanii mpoumah sazyiimah ti mati matu tang karam jangpii mpounii daziikapii lung lehtisii koisii leipo? Hiiboi tingryii karei ninado hiiboi tingryii kana gotei mpounii lung lum kasarhiisii koileile.

2 KORENMEI 5:10

Kadapokii mpougo samtak tiimatu tang karam jangpii, Kristamah samtak katiibam doitei nyiihangnii gongtang karamle; sateichii pum- potmah tiilung kito mpou mpounii tiikabam hang katunii, kabi kado kashyii kado, mpou mpounii douka- majyii taiswisii mei nsang nsangnii doutangle.

1 KORENMEI 3:13

Kadapokii Krista mah leimik piinei teitei mangou tangle, kadapokii teitei mipiinii tam mangou tangle sateichii mei nsang nsangnii tiikabam tha tei kadapeipo katu mipiinii ruju tangle, sateichii ah mah tei kabimanii kashyiipo katu tei mangou tangle,

HEBRUMEI 4:13

Sateichii tii mpat kabam mah pot hangniniido mpou doito kakabei gale, nlenii mpou mikjot kito mahlyii hang gomnei supii laatlasii leile, sateichii nyiinii mpou dakii tam mpat tangle.

2 KORENMEI 10:18

Kadapokii ah roinapiinii ahgo tam kamatoi mei gotei lukaipyii makle, nlenii Bangpiinii tam kamatoi mei gotei lukaipyiile.

ROMMEI 2:16

Samtak katii piinei leimik gumah kabi rasam taiswisii Saraanii Jisu Krista paito ameinah mah kama- kum hang gotei samtak tiitangle.

ROMMEI 2:1

Teijangpii he samtak katii meihang n-go magapyii tang karam gale; kadaponii nangnii meigo samtak tiisanii ahnyiinii katii tei nangniido tiikalei kito nangnii goroinapii tiima aitakle,

MATIMANGOU KAPYII 20:12

Sateichii kataimei- hang, kadi kacheng, sagongbam doi teito sat kalei tei Inii ngoutakle; sateichii larek hangtei laat mpat takle, sateichii larek kikii hangninii karingmah larek bung tei laat mpat takle. Sateichii kataimei hang gotei ahnyiimah tha taiswisii larek hang kikii ryiikai kabam taiswisii samtak tiitakle.

1 PITAR 1:7

Tiimashyiiwo kabui sona katangdo, ahmah matei kasu kahong hangtei rutoitang karam jangpii mipiinii jaijuleile; teitakumpii sona sung kisii maiteeng kaki gonyiimah kamalum tei gonyiinii dousii kalei kamage kalak hangteipii jaiju tang karamle. Gonyiimah kamalum teinii leh wosii satto leponii, Jisu Kristanii kagong piinei leimik gonyiinii tam kamatoi, pumtei kava ninado sadzyii ngariit katii tei Saraa dato doutangle.

ROMMEI 2:29

Nlenii alungto Jehudimei katii teipii Jehu- dimeile sateichii ryiikabam agekpii supiinii rangiipii alungmah tiigyii kamalem, teipii kasang tiigyii kama- lemle mpougo tam kamatoi teinii meinah dato makle, nlenii Saraa datole.

2 KORENMEI 4:2

Kamakum ninado ka- nrou kasangam tha hangtei nyiinii tiiloi sutakle; meigo satui sadzyii katii kachui tha tei nyiinii tiimakle sateichii Saraamah samtam gotei tamtaisii tam makle. Nlenii kasang- mah kava kito nyiinii Saraa doito lungsii kabi kashyii tikabui meihang- mah lungswi kikii nyiinii nyii roinapii tam matoi matule.

ROMMEI 14:4

Mei kaki hangninii mah kikaleimeigo samtak tiikalei nang tapo? Mpounii sat tang karam mak-kii koutang karam tei mpoumah apumpii teinii kamaningpii sat tangle, sateichii mpounii sat tangle kadaponii apumpii teinii mpougo sat matuwo buile.

JONNII KARYII KABI RASAM JUKAMATI 5:44

Saraa dato kagong tam kamatoi gotei gonyiinii fiisupii hangninanii hangninii dato tam kamatoi tei poisii, gonyiinii kada takumpii n-gu malum wotangpo?

JEMS 4:11

Kangsanamei, hangninanii hang- ninii phyiiryiikii sam kashyii tam sulo, Kangsanapii phyiiryiikii sam kashyii katam mak-kii kangsanapii go samtak katii ah teinii ajaiting- shang go tam mashyii leile sateichii samtak tiileile, gonyiinii ajaiting- shang go samtak tiileponii, gonyiinii ajaitingshang tai kaswimei makle, nlenii ajaitingshang go samtak katiimeile.

LUKNII KARYII KABI RASAM JUKAMATI 6:37

“Meigo samtak tiisulo, sateichii Saraanii gonyii go samtak tiilakle. Meigo kama kikii lwikai sulo; sateichii Saraanii gonyiigo kama kikii lwikai pyii lakle. Kaleipyiilo, sateichii Saraanii gonyiigo kaleipyii tangle.

METIU 24:46

Mpou mah apumpiinii kagong kak mpou pumpiinii katam tei tiisii kalei doukalu kikaleipii tei sadoi bile.

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

1 PITAR 5:4

Sateichii aphyii kasat Jaokakoipiigo mati kamangou kak, myiisang myiikalak vakabi phyiihung tei gonyiinii doutangle.

1 THESOLONIKAMEI 5:2

Kada- pokii karagameinii tinghum kagong takumpii Bangpii mah leimik teinii gong tangle katu tei gonyiinii tiigatpii tile.

JONNII KARYII KABI RASAM JUKAMATI 21:22

Jisunii mpou dakii tamle, “Inii gong kasuta mpounii leikatu ai Inii kamaning kamazhii leponii, teiteinii godato kadatakum tangpo? Gutai swi wolo!”

2 PITAR 3:4

“Mpou gong tang- lesii mpounii riishii tiibam makpo? Mpou kadaki leikhe? Nyiipei nyiipaomei hang taitu takle, nlenii mahlyii hangtei sazyii pouryii tii ka-mpat sekto rei njoihumle.”

METIU 25:23

Mpou mah Pumpii teinii mpou dakii tamle, ‘hangkapii bitakle, Kabi ninado malum kabui kikaleipii, nangnii mah kacheng phyiiryiito malum kabui tha tiikabam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

JUD DATO KAGONG CHITI JUKAMATI 1:14

Sateichii aimei hang dakiido Adam sekto ha sana kashang Inoknii doireisii Saraa sam saa mpatsii tamle, “Julo, Bangpiinii mpoumah kamatei sating gamlui tang tang go kaswisii gong tangle.

2 PITAR 3:12

Teipiinei leimik mah kaang jangpii sating tei mipii rusii tiimaga tangle, sateichii mi maga teipii sating gam sageiti hang tei long tangle.

1 KORENMEI 15:23

Nlenii Saraanii mei nsang nsang go mpou mpoumah adoidoi tiisii, katunii, karei reisang kito, Kristago, tei taito mpounii kagong tinglangki, mpou mah tiisii kalei meihang go tiimaringpyii tangle.

1 KORENMEI 11:26

Kadapokii gonyiinii tiirok ai kachiita, sateichii peek ai kasakta, Bangpii gong kasuta tei gonyiinii mpoumah katai tei tam mati leile.

1 KORENMEI 1:7

Teipiinii nyii Bangpii Jisu Kristago mangou tang karam jangpii koisii koisii gonyiinii rangiimah luha dou- tang karam samah kado tangkasu tiimakle;

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

METIU 24:30

Teito meinah sapfii mpou mah tiikamangou siiti hangtei sating gamto pat tangle sateichii teimaham nei kadi pumtei kava tei kaswisii meinah sapfii mpou teinii sating gam mah mongjyii phyiiryiito kagong tei ahnyiinii ngoutangle;

1 KORENMEI 3:8

Ling kakamei ninado dwi kakajuimei tei masamle sateichii mei nsang nsangnii ahnii katii tha taiswisii ah mah pum- jangmai tei doutangle.

METIU 25:21

Mpou pumpii teinii tamle, ‘hangkapii bitakle, kabi ninado malum kabui kikaleipii, nangnii mah kacheng phyiiryiito malum kabui tha tiika- bam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

METIU 10:26

“Teijangpii ahnyiigo hinguslo; kadapokii mati mangoulak tang karam gomnei kabam samah kado gale; sateichii tilak tang karam kamakum samah kado gale.

JONNII KARYII KABI RASAM JUKAMATI 21:23

Teijangpiinii boumei aipou ai tailakle katu sam ai kangsanamei kak kito tam kahitu takle; nlenii mpou ai tailakle katu Jisunii mpou dakii tam makle, nlenii “Inii gong kasuta mpounii leikatu ai Inii kamaning kamazhii leponii, teiteinii n-go kadapei tiipo?” siile.

1 KORENMEI 3:14

mei kata hangni- nanii ki bangmaa phyiiryiikii tiima- khii kabam tha tei mashak leponii, ahnii alangh doutangle.

1 KORENMEI 11:16

Nlenii mei kata hangninanii ai kaang kito kajyii nyiileponii, Inii tamtang karamnii nyiinii sateichii lat mpat kalumei hangnii Saraago kamata ki tiikalei ajai kaki gale.

JEMS 5:9

Kangsanamei, gonyiigo samtak tiikasu tiisii, gonyii hangninanii hangninii phyiiryiikii tam mashyii sulo, julo, samtak katiipii teinii kikam kuto satsii leile.

2 KORENMEI 10:9

Inii ryii kalei gumah chiti aipiinii gonyiigo kahwi kalei takumpiinii ngou maturoule.