1 KORENMEI 4:2 - KARANU KABI SAMTAM

² Tei phyiiryiito kisii kakashangmei tiitang karam jangpii ahnyii ai malum kabuimei tiitang karamle.

1 KORENMEI 4:2 Referans Kwoze

METIU 25:21

Mpou pumpii teinii tamle, ‘hangkapii bitakle, kabi ninado malum kabui kikaleipii, nangnii mah kacheng phyiiryiito malum kabui tha tiika- bam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

LUKNII KARYII KABI RASAM JUKAMATI 12:42

Teito Bangpiinii tamle, “Teitii lepochiinii tapii tei malum kabui ninado kasakai ki kaleipiipo? Teiteinii ki apumpiinii kalung mah sanglosii mei hangniniigo kaibam taklepokii mpounii kikaleimei kaki- mei hang go tinglang tiisii kachii kasak jaipyiisii kabampii teile.

METIU 25:23

Mpou mah Pumpii teinii mpou dakii tamle, ‘hangkapii bitakle, Kabi ninado malum kabui kikaleipii, nangnii mah kacheng phyiiryiito malum kabui tha tiikabam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

KOLOSIMEI 4:17

Sateichii “Abangpiimah tha kito nangnii doukalu tei tiimashang ailo” sii Arkipasgo tampyiilo.

2 KORENMEI 2:17

Kadapokii nyiinii mei kaki kakimeinii Saraamah kabi rasam gotei mai kamala pot takum- piinii jum kalei takum makle; nlenii Saraanii nyiigo langkai kapyii jangpii, Kristamah ki kaleimei nsang nsang tiisii mpou doito lung kamatei teipii nyiinii tamle.

KOLOSIMEI 1:7

Saraamah jumage kapyii tei nyiitung tiisii Kris- tamah tha tiisii kalei malum kabui, nyiigo masamsii kikalei lungkasyii Ipapros dato gonyiinii shiitakle.

1 KORENMEI 7:25

Aitoinii kalakna tiikasumei mah kaang kito, Inii Bangpiimah kakhatsam tei doumakle, nlenii Bangpiimah lungsyii kapyii teipii malum kabuimei hangninii tiisii Inii gumah kamaning tei mati leile.

2 KORENMEI 4:2

Kamakum ninado ka- nrou kasangam tha hangtei nyiinii tiiloi sutakle; meigo satui sadzyii katii kachui tha tei nyiinii tiimakle sateichii Saraamah samtam gotei tamtaisii tam makle. Nlenii kasang- mah kava kito nyiinii Saraa doito lungsii kabi kashyii tikabui meihang- mah lungswi kikii nyiinii nyii roinapii tam matoi matule.

KOLOSIMEI 4:7

Abangpiimah tha kito malum kabui tha tiisii kalei sateichii kaswisii kikaleimei hangninii tiisii kalei, lungkasyii nyii sanapii Taichi- kasnii gumah nha hangtei gonyii dakii tam mangou tangle.

1 KORENMEI 4:17

Teijangpii Bangpii zei kito gumah lungkasyii ninado katam kaswi gunah sapfii mpou Timothigo gonyii dakii Inii lang magong leile. Bamlyiihang kito, Charsh hang kito, Inii ralikapyii takumpii, Jisu Krista dato kalei gumah jaitingshang hang tei mpounii gonyiigo tam maningloi pyiitangle.

1 KORENMEI 4:1

Aitiisii meinii nyiigo Krista ki kaleimei takumpii sateichii Saraa mah kasang kamakumsam mah mahbam kajumei takumpii maning matulo.

1 KORENMEI 4:3

Nlenii gonyiinii mak-kii meinah mah ajaitingshang piinii n-gu samtak tiitang karam tei gudatonii hangkasii mah kacheng hangniniile. Nle, Inii gu roinapiiniido n-gu samtak tiimakle.