1 KORENMEI 4:10 - KARANU KABI SAMTAM

¹⁰ Nyiinii Krista jangpii kamang meile, nlenii gonyiinii Krista dato kasakai meile; nyiinii kasuile, nlenii gonyiinii kateimeile; gonyiinii tam kamatoi doule, nlenii nyiinii ju kashyii tei doule.

1 KORENMEI 4:10 Referans Kwoze

1 KORENMEI 2:3

Teijangpiinii Inii gonyiida kagong kaktei Inii suisii, hingsii sateichii nchyiidung dungsii leile;

TIILAMLWI KAPYIIMEI THA JUKAMATI 26:24

Sateichii mpounii dang tang karam jangpii sam tam leibangpii, Festasnii rok sagoisii tamle, “Pol, nang n-gok leitakle, gomah hangkii rali kalu teipii n-go tiirampou aitakle.”

TIILAMLWI KAPYIIMEI THA JUKAMATI 17:18

Sateichii Ipikoriya ninado stoik ki kati kahaimei mei kangkanii mpougo kajyiitu takle, sateichii mei kangkanii tamle, “Sampei katipii ainii kadapei tamleziikhe?” Kakimei teinii tamle, “Mpounii sazyii kakimah sara hang mah sam tam rali kapyiimei hangniniigo reile, kadaponii mpounii Jisu mah sateichii ringkakhii mah kabi rasam tei tam rali pyiile.

1 PITAR 4:14

Gonyiinii Krista tai kaswi jangpii, gonyiigo kalet kalou tiileponii, gonyii sadoi bile, kadapokii pumtei kavamah sateichii Saraamah rangiinii gonyii phyiiryiito leile.

2 KORENMEI 13:9

Kadapokii nyiinii suisii kalei tinglang ki sateichii gonyiinii teisii kalei tinglangki, nyiinii ntale, nyiinii riita kalei teinii gonyii mah bibwi tang karam jangpiile.

1 KORENMEI 3:18

Mei kaniido ah roinapiinii ahgo schoi choi matu sulo; gonyii kak kito aiha ki aito mei kata hangninanii ah ai sakailesii maning leponii, ahnii sakai tang karam jangpii ahnii maning matulo.

1 THESOLONIKAMEI 4:8

Tei- jangpii aigo mazhii kasumei teinii meigo mazhii kasu tei makle, nlenii gonyii dakii mpoumah rangii kamatei pyiisii kalei Saraago mazhii makle.

2 KORENMEI 11:29

Mei kata hangninanii rangii suisii kalei tinglang kak, Iniido suisii leile; mei kata hangninanii kemki tak kaliit tinglang kak, Inii samou kasu teipii tokryiile.

2 KORENMEI 11:19

Kadapokii gonyii roinapiinii kasakaipii tiisii, gonyiinii swi kagamei hang gotei ntasii lehpyiile!

2 KORENMEI 10:10

Kadapokii ahnyiinii tamle, “Mpoumah chiti hang teinii maswile sateichii teile, nlenii mpou- nii mpoumah pumzai pungsii nyiikak haikalei kak teinii, mpou ai suile, sateichii mpou samtam hangteinii samah kado makle.”

1 KORENMEI 10:12

Teijangpii satziilesii maning kalei ah teinii koukasu tiisii tiigat malulo,

1 KORENMEI 4:8

Aitoinii gonyii moi maghii takle! Aitoinii gonyii mah nitakle! Nyii haisupii gonyiinii sagong tiisii lung leitakle! Nlenii, nyiido gonyiigo kaswisii sagong tiisii leitang karam jangpii, gonyiinii sagong tiisii kama- gong tei nyiinii mareile.

1 KORENMEI 3:2

Inii gonyiigo ranadwipiinii pyiichii leile, katei chiitak pyiichii makle; kada- pokii gonyiinii teitei chii kadou- makle, nle, gonyiinii aitoi katangpii tiida makle;

1 KORENMEI 2:14

Rangii haikasumei teinii Saraa rangiimah luha tei doumakle, kadapokii teitei mpou datonii kapang kamangle, sateichii mpounii teitei tipei wolakle. Kadaponii teiteinii rangiilamto kagongle.

TIILAMLWI KAPYIIMEI THA JUKAMATI 17:32

Teito kataimeinii ringkakhii kaang tei ahnyiinii shii wosek-kii kangkanii hoksii nuitu takle. “Nlenii kangkananii aikaang kito nyiinii nlai loisii godato shiitangle.”

TIILAMLWI KAPYIIMEI THA JUKAMATI 9:16

Kadapokii mpounii guzei jangpii kadaziika kamage kalak leh tangle katu tei Inii mpou dakii matipyii tangle.”

LUKNII KARYII KABI RASAM JUKAMATI 18:9

Sateichii nyiinii kasang kamajyii katiimeile ninado mei kaki mei hang teinii samah kado maklesii mpou roinapiinii mpougo kamalum mei kangkii dakii mpounii ndasam aido tamle:

LUKNII KARYII KABI RASAM JUKAMATI 10:16

“Gonyii sam shiisii kalei mei teinii n-gu mazhii makle, sateichii n-gu mazhii kasumei teinii, n-gu lang m-mang kapyiipiigo mazhii makle.”

LUKNII KARYII KABI RASAM JUKAMATI 6:22

“Meinah sapfii mpou jangpii gonyiigo ngou karou, pak katoi, chyii ka n-gi sateichii gonyii jai shyiilesii pak ka-mpat tinglang kak, gonyii doibile!

METIU 24:9

“Teito ahnyiinii gonyiigo tiika- mage tang karam jangpii pyiitangle sateichii gonyiigo gitangle ninado Lui hangnii gu zei jangpii gonyiigo ngourou tangle.

METIU 5:11

“Gonyiinii gutai kaswimei katii jangpii kalet kalou katii, sateichii kaset kalak pyiisii kalei sateichii gonyii phyiiryiikii kashyii kashyiipii tamkai kapyii tinglang kak gonyii sadoi bile.

1 KORENMEI 1:21

Kadaponii Saraanii mpoumah swirek kabi kito, sazyii pouryiimeinii ahnyiimah swirek kabi teiroinapii mpougo timatu sutakle. Nlenii nyiinii tam ralikapyii kapang kamang mah samtam teipii malum kalumei hang go keipyii tangle katupii Saraanii satto takle.

1 KORENMEI 1:23

Nlenii Jehudimei jangpiinii pi kapaswi kuitu sateichii lui kakimei jangpiinii kapang kamang tiisii kalei, krosh gamkii dhangsii gikalei Krista mah kaang kito nyiinii tam ralipyiile.

1 KORENMEI 1:25

Kadaponii Saraamah kapang kamang teinii meinah sung kisii sakaile; sateichii Saraamah kasui teinii meinah sung kisii teile.

2 KORENMEI 6:8

Nyiigo sadzyii ngariit tiile sateichii tiido tii-nrou tiisangam pyiile; nyiigo kalet kalou tiile ninado tamdo tam matoile. Nyiigo kachuimei takumpii tiile, nlenii nyiinii kasang tei tamle,

2 KORENMEI 4:12

Teijangpii katai teinii nyii dato tha tiisii leile, nlenii karing teinii gonyii dato leile.