1 KORENMEI 4:1 - KARANU KABI SAMTAM

¹ Aitiisii meinii nyiigo Krista ki kaleimei takumpii sateichii Saraa mah kasang kamakumsam mah mahbam kajumei takumpii maning matulo.

1 KORENMEI 4:1 Referans Kwoze

1 PITAR 4:10

Mei nsang nsangnii Saraa dato luha doukalu taiswisii, gonyii hangninanii hangniniigo Saraamah kataam kataam luhamah kabi mahbam kajumei takumpii jum tang karamle.

TAITAS 1:7

Kadapokii charsh ki doimajang katatmeinii Saraamah mahbam kashangmei hangninii tiisii, mpounii tam mashyiipei kalak, ajaipalhii dikasu, mak-kii lung maring kasu, jou sak panhii kasu, mak-kii n-gi razyii kaga, mak-kii sanahgo lunyii kasumei hangninii tang karamle;

1 TIMOTHI 3:9

Ahnyiimah kamalum mah kamakum kathok samtei ahnyiinii kabi kashyii tikabui kamatei lungswi teipii jum tang karamle.

2 KORENMEI 4:5

Kadapokii nyiinii tam rali kalei ainii nyii roinapii nyiigo makle, nlenii Jisu Krista ai Bangpiile katupii, sateichii Jisu jangpii nyii ai gonyii nga kangameile katupii tam ralipyii leile.

IPISAMEI 6:19

Sateichii kabi rasam mah kathok kamakum tei Inii tamsii timatu wokabui jangpii, sateichii Inii tam tang karam jangpii gu mwi kokga kapat tinglang kak, tam tang karam samtei Saraanii n-gu pyii kabui tiisii gujangpiiniido riita khangpyiilo.

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

KOLOSIMEI 4:3

sa- teichii Kristamah kamakum samtei nyiinii tampyii ralipyii tang karam jangpii Saraanii tinglang kabi tei nyiigo pyii kabui tiisii nyii jangpii- niido riitapyiilo. Kadapokii teijangpii aitoi Inii kabang kito bamle.

IPISAMEI 1:9

Saraanii tii- tanglesii kamaning tei mpounii sat kalu tiitang karam kamakum kamaning tei nyii dakii matipyiile.

2 KORENMEI 12:6

Inii detdinyii leponii, I-ai swikagamei hangninii mitu lakle, dapochiinii kasang tei Inii tamsii leitangle. Nlenii Inii detdi lakle, kadapokii mei hangninii kaniido Inii katii ninado Inii katamtei mpounii ngoukalu taiswisii n-gu maning sagoiki matu katu tei Inii marei makle.

2 KORENMEI 11:23

Ahnyii Krista ki kaleimeipo? Inii swibi kasumei hangninii takumpii tamsii leile. Nlenii Inii ahnyii sung bikaki kikaleimei hangniniile! Inii kisii teisii tha tiikile, Inii kabangki nlai nlailoisii liitle, Inii kisii tingrang kadat tei doule, sateichii nlai nlai loisii taitang karam kanatei Inii doule.

LUKNII KARYII KABI RASAM JUKAMATI 12:42

Teito Bangpiinii tamle, “Teitii lepochiinii tapii tei malum kabui ninado kasakai ki kaleipiipo? Teiteinii ki apumpiinii kalung mah sanglosii mei hangniniigo kaibam taklepokii mpounii kikaleimei kaki- mei hang go tinglang tiisii kachii kasak jaipyiisii kabampii teile.

METIU 24:45

“Teitiileponii malum kabui ninado kasakai kikaleimei ai tapo? Mpou ai tinglang tinglangki ahnyiigo kachii kasak pyii matutang karam jangpii mpoumah apumpiinii ki kalung mah julosii tung kaikabampii teile.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

1 TIMOTHI 3:6

Mpounii tang ghang katii teipii sagoikhii sii (seitan mah samtak kitei liit kasu tiisii) seitan go takumpii tam mashyii matu kasu tiisii, ah ai kamalum kito sangting kaleimei tang karamle;

2 KORENMEI 6:4

Nlenii kamage, kalak kanhii ninado sadoi kashyii hang kito, leh kati teipii, nyiinii katii kapung hang kito nyii ai Saraa nga kangameile katu tei nyiinii ma- ngoule.

1 KORENMEI 4:13

nyiigo tam kamashyii kak, nyiinii samlat kabipii khekalat pyiile, aitoinii nyii ai sazyii pouryii mah pot mah kahong takumpii, mahlyiihang doito matei kasumei takum takle.

1 KORENMEI 3:5

Teitiileponii Apollos ai tapo? Sateichii Pol ai tapo? Ki kaleimeile, ahnyii paikito gonyiinii malum wotakle sateichii Bangpiinii ahnyii mei nsang nsang dakii pyiikabam takumle.

1 KORENMEI 2:7

Nlenii sazyii pou- ryiihang tii-mpat kasuniito Saraanii nyiimah pumtei kava jangpii ndouto reipii tiida kabam kamakum satei- chii kabai kabam Saraamah swirek kabi tei nyiinii tam mpat leile.

MARK 4:11

Mpounii ahnyii dakii tamle, “Gonyii dakii Saraa mah kamakum tei pyiibam takle, nlenii sabato kalei kakimei goteinii mahlyii hangtei nda tiibamle.

METIU 13:11

Sateichii mpounii ahnyiigo khekalatle, “Sating gam sazyii mah kamakum samtei timatu tang karam jangpii gonyii dakii pyiibam takle, nlenii ahnyii dakiinii pyiimakle.

LUKNII KARYII KABI RASAM JUKAMATI 8:10

Teito mpounii khekalatle, “Saraa mah Sating Sazyii mah kamakum sam hangtei tiwo kabui mah tei gonyii dakii pyii bam takle; nlenii kakimei dakiinii ahnyiinii ngousii ngousii ngoukasu, sateichii shiisii shiisii tikasu ndasam tiisii tamziile.

LUKNII KARYII KABI RASAM JUKAMATI 1:2

Karei kito mik sekpiinii kangoumei sateichii teisam tamsii kalei meinii nyii dakii tam kapyii tei ahnyiinii ryiisii leile.

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

1 KORENMEI 4:2

Tei phyiiryiito kisii kakashangmei tiitang karam jangpii ahnyii ai malum kabuimei tiitang karamle.