1 KORENMEI 3:5 - KARANU KABI SAMTAM

⁵ Teitiileponii Apollos ai tapo? Sateichii Pol ai tapo? Ki kaleimeile, ahnyii paikito gonyiinii malum wotakle sateichii Bangpiinii ahnyii mei nsang nsang dakii pyiikabam takumle.

1 KORENMEI 3:5 Referans Kwoze

2 KORENMEI 6:4

Nlenii kamage, kalak kanhii ninado sadoi kashyii hang kito, leh kati teipii, nyiinii katii kapung hang kito nyii ai Saraa nga kangameile katu tei nyiinii ma- ngoule.

2 KORENMEI 6:1

Nyiinii Saraago kaswisii tha tiisii leile, teijangpii Saraa mah jumage kapyii tei matapii kadaktoi sulosii nyiinii gonyiigo khang leile.

1 PITAR 4:10

Mei nsang nsangnii Saraa dato luha doukalu taiswisii, gonyii hangninanii hangniniigo Saraamah kataam kataam luhamah kabi mahbam kajumei takumpii jum tang karamle.

2 KORENMEI 3:6

Sat tang karam karanu samtam mah nga kangamei tiitang karam tiikamajyii tei mpounii nyiigo pyiile, ainii ryii kabam ajaitingshang tei- makle, nlenii rangii mahle. Kadapokii ryiikabam ajaitingsang teinii katai tei poigongle, nlenii rangiinii karing tei pyiile.

2 KORENMEI 11:23

Ahnyii Krista ki kaleimeipo? Inii swibi kasumei hangninii takumpii tamsii leile. Nlenii Inii ahnyii sung bikaki kikaleimei hangniniile! Inii kisii teisii tha tiikile, Inii kabangki nlai nlailoisii liitle, Inii kisii tingrang kadat tei doule, sateichii nlai nlai loisii taitang karam kanatei Inii doule.

2 KORENMEI 4:7

Nlenii kaki dikaki pumtei tei nyii dato supiinii, Saraa dato leile katu tei mangou tang karam jangpii rangiimah mai kating ai kabam mei doukalu nyiihang ainii rangrhiili takumle.

2 KORENMEI 4:5

Kadapokii nyiinii tam rali kalei ainii nyii roinapii nyiigo makle, nlenii Jisu Krista ai Bangpiile katupii, sateichii Jisu jangpii nyii ai gonyii nga kangameile katupii tam ralipyii leile.

2 KORENMEI 3:3

Gonyiinii Kristanii ryiikabam ninado nyiinii mpot magong kalei chiti hangninii takumle. Ai ainii mukdwipiinii ryiimakle, nlenii karing Saraamah rangii teipii ryiibamle sateichii atukok kikii makle, nlenii meinah mah malung kikii ryiibamle.

1 KORENMEI 3:10

Gudakii pyiikabam Saraamah jumage kapyii taiswisii, kasakai ki katii apum hangninii takumpii Inii kibangmaa tei tiimakhiile, sateichii mei kaki hangninanii tei phyiiryiikii ki tiimakhiile. Nlenii meihangnii tei phyiiryiikii kada takumpiinii tiima- khii tangposii machyiigat matulo.

1 KORENMEI 12:28

Sateichii Saraanii charsh kak kito mei kang- kiigo, karei reisang kito, tiilamlwi kapyiimei, hangna kashang kito lungkakalingmei, hangtum kashang kito madhiikapyiimei tei kalaipyii takle; sateichii teidoi tei kamadat tha katiimei, ara kanimeigo tii ka-mbimei, tiikahamei, doimajang kapyiimei, lat kataam kataam katam mei pyiibam takle.

1 KORENMEI 9:17

Kadapokii gumah kamaning kamareipii Inii ai tiile- ponii, gumah alangh bamle, nlenii gumah kamaning kamarei teipii suleponii, gudakii mahbam kajumei mah tha tei lok kaipyii bam takle.

1 KORENMEI 3:7

teitii leponii lingkakai sateichii dwi kakajui mei tei samah kado makle, nlenii pokpat matu katu Saraa tei roiniile.

JONNII KARYII KABI RASAM JUKAMATI 3:27

Jon-nii khekalatle, “Sating gamto mpougo pyiikabam teisupii, mei kata hangninii kaniido samah kado dou- pei wolakle.

LUKNII KARYII KABI RASAM JUKAMATI 1:2

Karei kito mik sekpiinii kangoumei sateichii teisam tamsii kalei meinii nyii dakii tam kapyii tei ahnyiinii ryiisii leile.

METIU 25:15

Mpounii mei hangninii dakii talent mangii kaki hangninii dakii hangna, sateichii kaki mei hangninii dakii hangninii, mpou mpounii kangam taiswisii ahnyii hang dakii pyiisii, mpou tat tutakle.

KOLOSIMEI 1:25

Sateichii gonyii kabi jangpii tha tiilosii gudakii ai tha kapyii Saraanii n-gu charsh mah nga kangamei hangninii tiipyii takle. Tha teinii mpoumah kabi rasam tei mashangsii tam katat,

IPISAMEI 3:7

Tha tiisii kalei mpoumah teimaham paikito gudakii pyiikabam Saraamah jumage kapyiimah luha kapyii taiswisii n-gu kabi rasam mah nga kangamei hangninii tiimatupyii takle.

TIILAMLWI KAPYIIMEI THA JUKAMATI 18:24

Sateichii Jehudimei hangninii Apollos sii kalat Alekjendriya kito kati kahai mei Ipisaki gongle, sateichii mpou ai kabi rasam kito tiigatpii katimei hangniniile.

TIILAMLWI KAPYIIMEI THA JUKAMATI 19:1

Apollosnii Koren kito kabam kak Polnii teiki sazyii longryii gam teito tatpatsii teimah baangmah sum teito tat majupatsii Ipisa ki gongle, teito mpounii boumei kang- kago kadou wole.

ROMMEI 15:16

Rangii kamateinii tiimatei kalei luikakimeigo pyiikatoi tei lukai kabui tiisii, Inii kanat kajum Atingmei takumpii Saraa mah kabi rasam mah nga ngaleile.

1 KORENMEI 3:22

Kadaponii mahlyii hang gonyii mahle, Pol kido, Apollos kido, Kaifas kido, sazyii pouryii kido, katai kido, karing kido, tinglang aitoi kido, gongtang karam tinglang kido mahlyii hang gonyii mahle;

1 KORENMEI 16:12

Aitoinii kangsanapii Apolos mah kaang kito, Inii mpougo kang- sanameigo kaswisii gonyiida gong matu tang karam jangpii teisii tam katwi bamle; nlenii aitoi toi gongtang karam tei mpounii maningsang maning makle, nlenii tinglang kabi tei dousekchii mpounii gong tangle.

2 KORENMEI 4:1

Saraanii mpoumah lungsyii kapyii kito aitha ai tiilosii nyii dakii pyiitakle, teijangpii nyiinii lung taimakle.

2 KORENMEI 5:18

Saraanii aihang ai nyii jangpii tiipyii takle, sateichii Kristanii nyii jangpii ai ai tiikapyii jangpiinii ngou karou saryiimei tiisii kalei kito Saraanii nyiigo nlailoisii mpou kangmei katii kikii tiikalipyii takle. Aitoinii mei kakimei hang godo mpou kangmei tiimatu tang karam jangpii tiitang karam tha tei nyiigo pyiitakle.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

1 TIMOTHI 1:12

N-gu tiisangting kapyii nyii Bangpii Krista Jisugo Inii halangle, dapokii nga ngamatu tang karam jangpii mpounii n-gu kalaipyiisii malum kabuimei hangninii tiipyii takle.