1 KORENMEI 2:4 - KARANU KABI SAMTAM

⁴ sateichii gumah ralikapyii sateichii samtam tei meinah mah kati kangou mah swirek kabipiinii tamlei makle, nlenii Saraa rangii teimaham kito maning kariirhii kaga tiikamangou teipiinii tam leile.

1 KORENMEI 2:4 Referans Kwoze

1 KORENMEI 4:20

Kadapokii Saraa mah sating sazyii teinii sam katam kamalhii tei makle, nlenii teimaham teile.

1 THESOLONIKAMEI 1:5

katunii, nyiinii ralikapyii kabi rasam tei gonyiida samtampii roinii pung gong makle, nlenii teimahamdo, rangii kama- teido, sateichii kasang kati tei kaswisii pung gongle; gonyii jangpii nyii ai kada takum katumeipo katu nyiinii tiikamangou tei gonyiiniido tile.

1 KORENMEI 1:17

Kadapokii dwi mpum matutang karam jangpii Kristanii n-gu lang m-mang makle, nlenii Krista mah krosh tei kadaklak tang karam jangpii sazyii pouryiimei mah samlat kati mah swirek kabi tei haisupiinii, kabi rasam tei tam ralipyii matu tang karam jangpii lang m-mangpyiile.

1 KORENMEI 2:1

Kangsanamei, Inii gonyiida kagong kaktei, Saraa mah kama- kum kasang samtei gonyii dakii sam kadipii mak-kii kadi swirek kabi- piinii tam ralipyii makle;

ROMMEI 15:19

Aitiisii Jerosalem kito Illurikam go kamagui katangtei tatsii Inii Krista mah kabi rasam tei tam ralipyii lahok takle.

2 PITAR 1:16

Kadapokii nyiinii nyii Bangpii Jisu Kristamah teimaham ninado gongkalei tei gonyii dakii kamati tinglang kak meinahnii likalu rasam hang taitei nyiinii swimakle, nlenii nyiinii mpoumah teimaham kadi tei mik sekpiinii kangoumei hang takle.

1 KORENMEI 2:13

Sateichii ai ai sazyii pouryii mah swirek kabipii ralikapyii samlat kito nyiinii tam mpat makle, nlenii rangii doukalumei dakii rangii mah kasang hangtei adoidoi tiisii katam samlat kito tam leile.

KOLOSIMEI 2:4

Mei kaniido gonyiigo kasang kasu sam hang teipii choisii hem matu lak tang karam jangpii Inii ai ai tam leile.

2 PITAR 2:18

Kadapokii swikaga kapang det kadi sam tamsii, kama kito lungsii kaleimei hang dato nlek wosii lungpat haosii kaleimeigo pumzaimah kamarei ka-ntha hang- teipiinii hemle.

1 PITAR 1:12

Lungkaka- lingmeinii saa mpat kalei kabi rasam hangtei ahnyii roinii jangpii kabi tei roisupii, gonyii hang jangpiile katu tei Saraanii lungkakalingmei dakii mati mangoupyii takle. Ahnyiinii katam tei kabi rasam katam mei teinii gonyii dakii aitoi mati mangoupyii takle. Ahnyiinii kabi rasam tam kalei kitei, sating gamto Saraanii m-mang kapyii rangii kamatei teinii ahnyiigo kaswipyiile, sateichii aihang ai rangii kamatei katangniido tinyiisii kalei teile.

GALATIMEI 1:10

Meinah mah kamazhii doutang karam mak-kii Saraa mah kamazhii doutang karam jangpii Inii fiileipo? Mak-kii Inii mei dzyiibi tiitang karam jangpiinii tiisii leipo? Inii aitoi katang mei dzyiibi tiitang karam jangpiinii tiisii leipo? Inii aitoi katang mei dzyiibi tiisii leileponii, Inii Krista mah kikaleimei hangninii tiilak tang karamle.

ROMMEI 16:18

Kadaponii tei kakum mei teinii nyii Bangpii Krista nga ngamakle, nlenii ahnyii mah chiikanyii lukanyii jangpiiniile, sateichii ahnyii mah samlat kabi ninado tam kati teipii mei kabimei lungtei choisii hemle.

TIILAMLWI KAPYIIMEI THA JUKAMATI 20:27

Kadaponii Saraa mah kamaning hang kito gonyii dakii tam ka-mpat kito Inii nkhiimakle.

TIILAMLWI KAPYIIMEI THA JUKAMATI 26:28

Agripanii Pol dakii tamle, “Dwi kalei tinglang aikito nangnii n-gu kristen tiimatu wobui lesii maningpo!”

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

2 KORENMEI 6:6

Nyiimah kamateipii, swirek katipii, leh katipii sateichii Saraa nga ka- ngameile katu tei nyiinii nyii roinapii meigo mangoule...rangii kamateipii, nyiimah kasang lungkasyiipii.