1 KORENMEI 2:1 - KARANU KABI SAMTAM

¹ Kangsanamei, Inii gonyiida kagong kaktei, Saraa mah kama- kum kasang samtei gonyii dakii sam kadipii mak-kii kadi swirek kabi- piinii tam ralipyii makle;

1 KORENMEI 2:1 Referans Kwoze

1 KORENMEI 1:17

Kadapokii dwi mpum matutang karam jangpii Kristanii n-gu lang m-mang makle, nlenii Krista mah krosh tei kadaklak tang karam jangpii sazyii pouryiimei mah samlat kati mah swirek kabi tei haisupiinii, kabi rasam tei tam ralipyii matu tang karam jangpii lang m-mangpyiile.

1 KORENMEI 2:13

Sateichii ai ai sazyii pouryii mah swirek kabipii ralikapyii samlat kito nyiinii tam mpat makle, nlenii rangii doukalumei dakii rangii mah kasang hangtei adoidoi tiisii katam samlat kito tam leile.

1 KORENMEI 2:4

sateichii gumah ralikapyii sateichii samtam tei meinah mah kati kangou mah swirek kabipiinii tamlei makle, nlenii Saraa rangii teimaham kito maning kariirhii kaga tiikamangou teipiinii tam leile.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

ROMMEI 16:18

Kadaponii tei kakum mei teinii nyii Bangpii Krista nga ngamakle, nlenii ahnyii mah chiikanyii lukanyii jangpiiniile, sateichii ahnyii mah samlat kabi ninado tam kati teipii mei kabimei lungtei choisii hemle.

2 KORENMEI 11:6

Inii samtam kito tamti malhiiti sukido, swirek kati katunii makle, nlenii mahlyii hang kito tinglang kaleita nyiinii gonyii dakii kamakum gasii madupii ai ai tiimangou takle.

MATIMANGOU KAPYII 1:2

Mpounii Saraamah samtam mah ninado Jisu Kristamah sakchyii mah kaang kito, katunii mpounii ngou- kalu hangmah kaang kito sakchyii pyiitakle.

1 JON 4:14

Sateichii Pfiinii nah sapfii mpou gotei sazyii pouryiimah keikapyiipii tiisii lang m-mangpyii takle katu nyiinii ngoutakle sateichii sakchyii pyii leile.

1 KORENMEI 1:6

aitiisii Krista mah kaang kito sakchyii tei gonyii kak kito tiisangtingpyii takle.

TIILAMLWI KAPYIIMEI THA JUKAMATI 22:18

‘kalanglo, Jerosalem kito kalangsii tatpat tolo, kadapochiinii gu kaang kito katam karali gomah sakchyii tei ahnyiinii lukaipyii laklesii gudakii katam mpounii mangoule.’

TIILAMLWI KAPYIIMEI THA JUKAMATI 20:21

mah kata bitang karam sam gonyii dakii tam ka-mpat kito sateichii mei machii doikii, aki-ki lungkado gonyii- go tam ralikapyii kito kada takumpii Inii nkhiimang makpo katu gonyiinii tile.

MATIMANGOU KAPYII 19:10

Teito Ahgo mata tang karam jangpii Inii ahmah pibang tei kou- mangle, nlenii ahnii gudakii tamle, “Nangnii teitei tiilak tang karamle! Inii n-go njoi katu kikalei ninado Jisumah sakchyii pungsii kalei go kangsanapiile. Saraago matalo.” Ka- dapokii Jisumah sakchyii teinii Saraa sam tam ka-mpatmah rangii teile.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

1 TIMOTHI 1:11

Satoi pyiikati pumtei kava Saraamah kabi rasam n-gu tam matilosii gudakii pyii kabam tai swisiile.

2 KORENMEI 10:10

Kadapokii ahnyiinii tamle, “Mpoumah chiti hang teinii maswile sateichii teile, nlenii mpou- nii mpoumah pumzai pungsii nyiikak haikalei kak teinii, mpou ai suile, sateichii mpou samtam hangteinii samah kado makle.”

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

1 KORENMEI 2:7

Nlenii sazyii pou- ryiihang tii-mpat kasuniito Saraanii nyiimah pumtei kava jangpii ndouto reipii tiida kabam kamakum satei- chii kabai kabam Saraamah swirek kabi tei nyiinii tam mpat leile.